Suma. 7:13 - Yus Papí: Shuarja̱i̱ Yus Yamaram Chicham Najanamu

¹³ Kame Jeteun ni nemasri̱n weantúk pujurai̱ Matian aents tsaníakmari̱n chicharuk “Nekaata. Urukamtaitsuk mesekranam paṉ sewataja̱i̱ najanamu kaṉkek Matian aents mátsatkamun uunt nuap je̱a̱n atumtuk upukúr mash amukma tepetar ajainian wáiniaj” tu ujamiayi.

Suma. 7:13 Iomraidhean Croise

1 Kur. 1:27

Antsu ju̱ nuṉkanam nékachua núnis ana nuna Yus achikiuiti tí neka nuna iniatsá̱rtinian. Tura ju̱ nuṉkanam kakarmachua núnis ana nunasha Yus achikiuiti kakarma nuna iniatsá̱rtinian.

Suma. 3:15

Túmainiak ataksha Israer shuar Uunt Yusan kakaram seawarmiayi. Túram chikichan aṉkant awajkartinian Jera uchirí̱ Ejut, Piṉjiamín wea menaja̱i̱ takakmauya nuna Uunt Yus anaitiukmiayi. Tura Ejutja̱i̱ Israer shuar Muapa úunt akupniuri̱ Ikrunan kuítian akuptin armia nuna akuptúkarmiayi.

Suma. 3:31

Nuya̱ṉka Ejutai̱ya̱ṉka Sámkar sumamtikin ajasmiayi nisha núnisaṉ waaka jaṉke̱ja̱i̱ Jiristíu aentsun saisiantu máwarmiayi. Tura Israer shuaran uwemtikrarmiayi.

Suma. 4:21

Túrasha Sésaraka ti pimpikin asa kanar pákea ajasmatai Jaer Jiwira nuwé̱ nuap je̱a̱ je̱a̱mkur ajintrutai̱n jurukí̱ yáitmataik jearí mishanam ajintruá tuke nuṉká iruá mámiayi. Sésaraka nuní̱ mantamnamiayi.

Suma. 4:9

Nuiṉkia Típura chichaak “Ámiji̱a̱i̱ winittiajai túrasha ámeka nekas imiancha enentáimiu asam páantin awajnáschattame. Antsu Uunt Yus Sésarnaka nuwa̱n íktustatui.” Nuna tinia Típuraka Parakja̱i̱ Káatish nuṉkanam wéarmiayi.

Suma. 6:15

Tutai Jeteun áimiuk “Maa, winia Uuntru kame wisha Israer shuarnasha ¿wariji̱a̱i̱n uwemtikraran aṉkant awajsartaj? Wats nekaata. Wínia shuaruka Manasésja̱i̱ naṉkaamas náakmachuiti tura winia aparu shuari̱ya̱ṉka wikia iniaṉnamuitjiai” tímiayi.

Suma. 7:12

Matiancha nuyá̱ Amarík aentssha tura etsa̱ jintiainmaani̱ pakanam pujuarmia nu ti untsurí titikriátsja̱i̱ métek ásar pakan enetkar matsamiayi. Tura kamiyuri̱sha nayantsa yantamén náikmiji̱a̱i̱ métek ti untsurí ásar nekapmarchamnia ármiayi.

Suma. 7:14

Takui̱ ni ai̱ chicharuk “¡Ame mesekrampramna nuka ántrachuiti! ¡Israer shuaran Juasa uchirí̱n Jeteunan Uunt Yus Matian aents matsamkamu puya̱rumji̱a̱i̱ mash amukta tusa tsaṉkatkayi!” tímiayi.

Suma. 8:10

Jeteunka ni aentsri̱ armia nuja̱i̱ Matiannumia̱ úunt akupniun pataatuki̱ wésar Sepaja̱i̱ Sarmuna núnisaṉ ni suntari̱ kinse mir armia nui̱m kajinmasar matsatainian jatekármiayi. Tura Matiannumia̱ úunt akupin armia núnaka mai̱ achikiármiayi. Núnisaṉ Sukutnumia̱ natsancha chikichkiniak achikiármiayi túram Sukutnumia̱ uuntri̱ sataintisiáti armia nuna náari̱n áatak Jeteunan susamiayi.