Suma. 7:12 - Yus Papí: Shuarja̱i̱ Yus Yamaram Chicham Najanamu

¹² Matiancha nuyá̱ Amarík aentssha tura etsa̱ jintiainmaani̱ pakanam pujuarmia nu ti untsurí titikriátsja̱i̱ métek ásar pakan enetkar matsamiayi. Tura kamiyuri̱sha nayantsa yantamén náikmiji̱a̱i̱ métek ti untsurí ásar nekapmarchamnia ármiayi.

Suma. 7:12 Iomraidhean Croise

1 Akup. 20:27

Núnisan Israersha suntari̱n irur nisha émamkes íisarmiayi túrawar yurumkan mashⁱ iwiarkar Sírianmaya̱ aentsja̱i̱ iṉkiukatai tusar ashinkiarmiayi. Sírianmaya̱ aents matsamkarmanum íṉkiuasmatak nisha matsamkarmiayi túrasha ninkia chipiu yamatskam wárumchik jimiará matsamkamua núnis matsamkarmiayi. Antsu Sírianmaya̱ aentska pakan ashí enetkar matsamak pujuarmiayi.

1 Akup. 4:30

Tura Ejiptunmaya̱ núnisaṉ etsa̱ tatainmaya̱ áentsja̱i̱sha naṉkaamas tí nekauyayi.

YKan. 3:1

¡Maa Uunt Yusá winia nemasrusha tí nukap kawentrukarai! Tura winia kajertuinia nuka untsurí áiniawai.

YKan. 33:16

Úunt akupniuka untsurí suntarja̱i̱sha uwemchaiti núnisaṉ kakarma nuka ti kakarmaitiat niṉki pisarchamniaiti.

Suma. 6:3

Tuma ásar Israer shuar arakmawarmataisha Matian tura Amarík aents nuyá̱ etsa̱ jintiainmaani̱ matsamin armia nusha jaté wéarmiayi.

Suma. 6:33

Nuiṉkia ashí Matian aents tura Amarík aentssha núnisaṉ etsa̱ jintiainmaani̱ pujuarmia nú shuaraim iruntrar Jurtan entsá katitrar Jisriira pakari̱n matsamkarmiayi.

Suma. 6:5

Warí nisha ashí waakartiuk, kamiyurtuk, jé̱e̱ntuk káutkar ti untsurí nekapmarchamnia titikriátsja̱i̱ métek ásar mash emestiarmiayi.

Suma. 7:13

Kame Jeteun ni nemasri̱n weantúk pujurai̱ Matian aents tsaníakmari̱n chicharuk “Nekaata. Urukamtaitsuk mesekranam paṉ sewataja̱i̱ najanamu kaṉkek Matian aents mátsatkamun uunt nuap je̱a̱n atumtuk upukúr mash amukma tepetar ajainian wáiniaj” tu ujamiayi.

Suma. 8:10

Jeteunka ni aentsri̱ armia nuja̱i̱ Matiannumia̱ úunt akupniun pataatuki̱ wésar Sepaja̱i̱ Sarmuna núnisaṉ ni suntari̱ kinse mir armia nui̱m kajinmasar matsatainian jatekármiayi. Tura Matiannumia̱ úunt akupin armia núnaka mai̱ achikiármiayi. Núnisaṉ Sukutnumia̱ natsancha chikichkiniak achikiármiayi túram Sukutnumia̱ uuntri̱ sataintisiáti armia nuna náari̱n áatak Jeteunan susamiayi.

1 Sam. 13:5

Núnisaṉ Jiristíu aentssha Israer shuarja̱i̱ mesetnum mániatai tusa iruntrarmiayi. Niṉkia traintia mir kárun tura sais mir aents kawainium ekemtan unuimiátkaru nuyá̱ aentska nayantsa kaanmatkari̱n naikim írunna timianú untsurí iruntrar Míkmasnum jeawar Pitiawínniumia̱ṉka etsa̱ tatainmaani̱ matsamkarmiayi.