Suma. 6:5 - Yus Papí: Shuarja̱i̱ Yus Yamaram Chicham Najanamu

⁵ Warí nisha ashí waakartiuk, kamiyurtuk, jé̱e̱ntuk káutkar ti untsurí nekapmarchamnia titikriátsja̱i̱ métek ásar mash emestiarmiayi.

Suma. 6:5 Iomraidhean Croise

Anen. 1:5

“Jerusaréṉnumia̱ natsatiram wikia tuntutakuitjiai túrasha wakerú ajamaintjiai. Wikia Ketara jutai̱ je̱e̱n mukusattakua nuní̱ íirkaitjiai. Tura Saramúṉka je̱e̱n tarach mukusatka neturma núniniaitjiai.

Isa. 13:20

Tuma atakka peṉké pujushtai ajastatui. Tura ukunam aents matsamártatna nui̱sha atakka peṉké matsamnakchattawai. Núnisaṉ Arapianmaya̱ aentscha jutai je̱e̱ncha je̱a̱mkachartatui. Núnisaraṉ murikiu wainniusha ni murikrí̱nkia matsashchartatui.

Jrm. 51:14

Jú̱naka Ashí Akupin Uuntri̱ Uunt Yusri̱ nekas umiktatjai tusa chichaak “Ame nemasrum nupettamkat tusan manchia núnis untsurí aentsun akuptúrtatjame tura nupetkaji tusar kakaram kantamáwartatui” tímiayi.

Muis. 28:33

Ántsaṉ atumí nuṉke̱n takakmasrum arakmattarmena nunasha átum nékashtai̱ aents yuáwartatui. Tura ashí tsawant ayamtiktsuk wáitkiatai átatrume.

Suma. 7:12

Matiancha nuyá̱ Amarík aentssha tura etsa̱ jintiainmaani̱ pakanam pujuarmia nu ti untsurí titikriátsja̱i̱ métek ásar pakan enetkar matsamiayi. Tura kamiyuri̱sha nayantsa yantamén náikmiji̱a̱i̱ métek ti untsurí ásar nekapmarchamnia ármiayi.

Suma. 8:10

Jeteunka ni aentsri̱ armia nuja̱i̱ Matiannumia̱ úunt akupniun pataatuki̱ wésar Sepaja̱i̱ Sarmuna núnisaṉ ni suntari̱ kinse mir armia nui̱m kajinmasar matsatainian jatekármiayi. Tura Matiannumia̱ úunt akupin armia núnaka mai̱ achikiármiayi. Núnisaṉ Sukutnumia̱ natsancha chikichkiniak achikiármiayi túram Sukutnumia̱ uuntri̱ sataintisiáti armia nuna náari̱n áatak Jeteunan susamiayi.