Suma. 6:2 - Yus Papí: Shuarja̱i̱ Yus Yamaram Chicham Najanamu

² Tura Matian aents tí waitkiainiam Israer shuarka sapijmiainiak nainniumsha kayá wá̱a̱nmasha pepru wénuimiunmasha ú̱mprar matsamsarmiayi.

Suma. 6:2 Iomraidhean Croise

Jrm. 41:9

Kame Ismaer máwarman aya̱shí̱n entsa pajamtainiam utsawarmia núnaka Israer shuara úunt akupniuri̱ Páasai̱ya̱ ayamprumaktaj tusa úunt akupin Asa najanamiayi. Nui̱ Netaníasa uchirí̱ Ismaer jákarun chumpía áimkiamiayi.

Riw. 26:17

Wisha nuya̱ṉka atumniaka kajerkattajrume túrunawakrumni̱ṉkia atumí nemasri̱sha nupettamkattarme. Átum muí̱jiarmena nuke atumí uuntri̱ ajasártai túrasha átumka apapéachmatiatrumek ántrarum pisattarme.

Isr. 11:38

Atsamunmasha, naintcha, wá̱a̱nmasha, ashí nuṉkanam wekain ármiayi. Nú shuarja̱i̱ṉkia ju̱ nuṉkanmaya̱ shuar imiá yajauch ásar niji̱a̱i̱ pujumainchu áiniawai.

Apu. 6:15

Tura jú̱ nuṉkanam akupin ainia nusha nainnium wéar kayá wá̱a̱nam ú̱mkarmai. Níji̱a̱i̱sha ashí shuar, uuntcha, kuítrinniusha, suntara kapitiántri̱sha, ashí kakaram ainia nusha tura takarniusha aṉkant ainia nuja̱i̱ nainnium wéarmai.

Suma. 10:8

Túramu asa nu tsawantinkia Jurtan entsa amaini̱ Amur aentsu nuṉke̱n Karaat nuṉkanam Israer shuar matsamármia núnaka Amur aents asutíniak tiasiúchu uwí wáitkiasarmiayi.

Suma. 10:9

Tura Jurtan entsa amaini̱ Jutá nuyá̱ Piṉjiamín tura Eprain aents matsamármia nuja̱i̱ Amun aents mániatai tusar katitrarmiayi. Nuna túruiniak Israer shuarnaka tí waitkiasarmiayi.

Suma. 6:3

Tuma ásar Israer shuar arakmawarmataisha Matian tura Amarík aents nuyá̱ etsa̱ jintiainmaani̱ matsamin armia nusha jaté wéarmiayi.

1 Sam. 13:6

Kame Israer shuarka ni nemasri̱ ti untsurí áinian wáinkiar sapijmianiak kayá wá̱a̱nam tura nuṉká wá̱a̱nam nuyá̱ wa̱a̱ táurmanumsha wankananmasha nuṉka tsentsaimiunmasha ú̱mkarmiayi.