Suma. 6:10 - Yus Papí: Shuarja̱i̱ Yus Yamaram Chicham Najanamu

¹⁰ Wikia Uunt Yus atumí Yúsri̱ntjiai tíchamkajrum tura Amur aentsu nuṉke̱n pujusrumsha ni yusri̱ tikishmátrarum enentáimtusairap tíchamkajrum. Támaitiatrum átumka umirtukchamarme.”

Suma. 6:10 Iomraidhean Croise

2 Akup. 17:13

Nuyá̱ Uunt Yus Israernumia̱ shuaran tura Jutanmaya̱ shuarnasha ashí ni etserniuri̱ji̱a̱i̱ tura ashí neka Yus chichame̱n ujauya armia nuja̱i̱ chicharainiak “Atumí yajauch túrutairi̱ iniaisarum tura waketkirum Wi akupkámu umiktarum. Kame yaunchu atumí we̱a̱trí̱n ashí umikiarat tusan winia takartin Yúsnan etserniuja̱i̱ akupkámiajai” tímiayi.

2 Akup. 17:33

Tura tu nuṉkanmaya̱ káunkarmia nuyá̱ túrutai̱ncha túruiniak najankamu yusnasha enentáimtiarmiayi. Nuna túruiniayataṉ Úunt Yusnasha enentáimtiarmiayi.

2 Akup. 17:7

Kame Israer shuaran Ejiptunam Parauṉka kakarmari̱ya̱ Uunt Yus ji̱i̱ki̱ aṉkant awajsarmaitiat Niin tunaan túrawar nuya̱sha najankamu yusan umirainiak tikishmátainiakui nuka túrunamiayi.

Jiin. 34:12

Tuma asamtai átum jeattarmena nu nuṉkanmaya̱ aentsja̱i̱ nawamnaikiarum chícham najanawairap anaṉnawa̱i̱rum.

Jiin. 34:14

Warí ántrarum chíkich yus tikishmátrairap, Yuska ti akasmawiti. Tuma asa ni náari̱ṉkia Akasmatkartin Yúsaiti.

Neka. 5:13

jú̱niktin asaná jintintruinia chichame̱ncha antuktinian imiá nakitniuyaj?

Jrm. 10:2

Uunt Yus jú̱nis tíniuiti “Chíkich uunt nuṉka mátsatka ainia nuna túrutairi̱ unuimiátrairap. Tura nayaimpinmaya̱ warinkish wainkiam nuja̱i̱ waintiash wainkiarum uunt nuṉka mátsatka ashamainiakuisha ashamkairap.

Jrm. 3:13

Antsu áyatik ame yajauch túramuram “nekasaiti” titiá. Warí Uunt Yus ame Yúsrum kajerkam umirkachuitme. Túrakum ashí numi ukat ukatin írunmanum nékashtai̱ yus áiniana nu shiir enentáimtusaruitme. Túmakum Winia chichampruka peṉké anturtukchaitme túramui’ titiá” tímiayi Uunt Yus Jirimíasan.

Jrm. 3:25

Ii natsantí̱ni̱ṉ tepenaji tura ii yajauchiri̱ṉ mash amutmakji. Warí iisha tura ii aparí̱sha nátsauyajnia nuyá̱ juárkimiuk yamaiya̱ ju̱i̱sha Uunt Yus ii Yusri̱ncha yajauch túrawaruitji. Warí ii Yusri̱ Uunt Yusa chichame̱sha anturkacharuitji.

Jrm. 42:21

Tura yamái ujakjarme túrasha Uunt Yus atumí Yusri̱ chichame̱sha peṉké anturkachuitrume tura ujakárta tusa akuptúkmiania nusha umirkachuitrume.

Jrm. 43:4

Karea uchirí̱ Jujanán tura suntara uuntri̱ armia nusha nuyá̱ ashí shuar Jutá nuṉkanam juaktai tusar Uunt Yusa chichame̱n umirkacharmiayi.

Jrm. 43:7

Ejiptunam waya̱warmiayi. Uunt Yusa chichame̱nka ántutsuk Tápnisa tímianai jeawarmiayi.

Jrm. 9:13

Tura Uunt Yus chichaak “Warí wi akupkámu umiktin chichaman nisha iimiainiamunmaṉ súsarmiaj nuna iniaisaruiti. Núnisaṉ Wi chichakmiaj nuja̱i̱ métek umikiar wekasacharuiti” tímiayi.

Sup. 3:2

Warí ní chichame̱ncha anturkachuiti tura awajirmatai chicharkamsha nekaachuiti. Núnisan nekas enentáiji̱a̱i̱ Jiuwancha enentáimtuschaiti tura ni Yusri̱ncha weantúkchaiti.

Rum. 10:16

Tura ashí shuar uwempratin chichaman ántuiniayataṉ umirainiatsui. Isayassha yaunchu aak tímiayi “Uuntá, ¿yaki ii étserman antukaruit?” Isa. 53:1

Isr. 5:9

Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi.

Jus. 24:15

Tura Uunt Yus nekas umirkatin nakitiakrumka ¿warí yusa umirkatarum? ¿Atumí we̱a̱tri̱ Yúpratis entsa pakarí̱n matsamsar enentáimtin armia nú yusak nuíchuka tuke nuṉkentin Amur aentsu yusri̱n umirkatarum? Yamaik turutiarum. Antsu wikia wí shuarja̱i̱ nekas Uunt Yusan umirkattajai” tímiayi.

Suma. 2:2

Túrasha átumka ju̱ nuṉkanmaya̱ shuarja̱i̱ṉkia chícham peṉké najanawairap. Antsu átum ni yusri̱ áestutai̱ ainia nuka emestuktarum tímiajrume támaitiatrum átum winia chichamur antukchamiarme. ¿Ausha urukamtai umikchaitrum?

Suma. 6:9

Ejiptu aentsnumia̱sha tura ashí atumín kajertamiarmia nuyá̱ aṉkant awajsámiajrume tura atumí nemasri̱ṉkia atumsha íimprumni̱ṉ jí̱i̱rmiajai túran ni nuṉke̱nka atumín amasmajrume.