Suma. 4:7 - Yus Papí: Shuarja̱i̱ Yus Yamaram Chicham Najanamu

⁷ Túrawakmin akupin Japinia suntari̱ úuntri̱n Sésaran suntari̱ntiuk Kisun ashintsa nui̱ mesetnum mánaitiai̱ kárurtiuk ikiatkan íktustatjame’ túramui” tímiayi.

Suma. 4:7 Iomraidhean Croise

1 Akup. 18:40

Nuyá̱ Irías chicharainiak “Páarnan etserin ainia nu achirtarum chikichkisha pisarchati” tímiayi. Nuna takui̱ ashí achirármiayi. Tura Irías Kisun ashintsanmaani̱ yaruak kuntujnum tsupikiar máwarmiayi.

Jiin. 14:17

Nuyá̱ Uunt Yus chichaak “Israer shuaran pataaturkutak utsanawarat tusan Ejiptunmaya̱ aentsu enentái̱nkia ikiajtiúkartatjai. Túran Parauṉnasha ni suntari̱ncha núnisaṉ káruri̱ncha nuyá̱ kawainium eketka ainia nunasha winia kakarmarun iniaktusartatjai.

Jiin. 14:4

Tura pataatukarat tusan Wi Parauṉka enentái̱n ikiatsuátrattajai túran Parauṉkan suntari̱ntiuk winia kakarmarun iniaktustatjai. Nuna nekaawar Ejiptunmaya̱ aents Wi Úunt Yusaitjiana nuna nekaawartatui” takui̱ ni timia núnis túrawarmiayi.

Jiin. 14:8

Ejiptunmaya̱ akupin Parauṉka Uunt Yus ántichu awajsamu asa Israer shuaran pataatukarmiayi. Túrasha Israer shuarka sapijmiatsuk waraki̱ wéarmiayi.

Suma. 4:14

Nuiṉkia Típura Parakan chicharuk “¡Kakaram ajasta. Yamái Uunt Yus Sésara nupetkatniun tsaṉkatramkayi! ¿Warí Uunt Yus amiiya̱ṉka eem wéatsuk?” tutai Paraksha Tapur náinniumia̱ tias mir suntarja̱i̱ akattúrarmiayi.

Suma. 4:8

Tutai Parak aya̱k “Ame nemartakminkia wétatjai tura nemartachkumni̱ṉkia wéchattajai” tímiayi.

1 Sam. 24:10

Wats ju̱ nekaata. Ju̱ wa̱a̱nam itiura Uunt Yus ámin winia íktursa nu yamái amek wainkiame. Maatá turutainiai̱n wikia ámin waitnentran chichaakun winia úuntrunka itiurchatka awajsashtatjai. Warí Uunt Yus anaikiachmakait tájame.

1 Sam. 24:18

Tuma asam ame péṉker túramu yamái iniaktursame. Warí Uunt Yus ame uwejmín winia íktusu ai̱ṉ ámeka mantuachume.