Suma. 4:3 - Yus Papí: Shuarja̱i̱ Yus Yamaram Chicham Najanamu

³ Tura Japinkia mesetnum eṉkemprar mánitiai kárun áya jiruja̱i̱ṉ najankamun nuiwisiántu takaruyayi. Nuja̱i̱ Israer shuarka painti uwí ti wáitkiasma matsatainiak Uunt Yusan kakaram seawarmiayi.

Suma. 4:3 Iomraidhean Croise

YKan. 106:42

Ni nemasri̱ṉ nupetkar iniatai̱ awajsar tí waitkiasarmiayi.

YKan. 50:15

Itiurchat pujakum untsurkata. Túrutawakminkia uwemtikrattajme. Tura ámeka shiir awajtústatme.

YKan. 78:34

Kame Yus amuiniamka Niin enentáimtuiniak ti seawarmiayi.

Jiin. 2:23

Túrasha núkap uwí naṉkaamasu ai̱ ukunam Ejiptunmaya̱ úunt akupin jakamiayi. Tura jaka ai̱ṉ Israer shuar tuke emetamu pujuarmia núnisaṉ wáitias pujuiniak Yusan seawarmiayi. Tura Israer shuar wáitiainiak útainiamu Yusai̱ jeamiayi.

Muis. 28:29

Tura kusurú wáinmatsna núnisrumek tsawai̱sha kiritniunam takasrum wekáa núnitiarme. Tura atumí takatrí̱sha péṉkerka áchartatui. Tuke tsawant wáitkiasma tura kasartai̱ pujuttarme. Nuyá̱ aṉkant awajtámsatniuka atsuttawai.

Muis. 28:33

Ántsaṉ atumí nuṉke̱n takakmasrum arakmattarmena nunasha átum nékashtai̱ aents yuáwartatui. Tura ashí tsawant ayamtiktsuk wáitkiatai átatrume.

Suma. 10:10

Títruiniam Israer shuarka Uunt Yusan seainiak “Nekaska Ame enentáimtutsuk Paar enentáimtakur Amiincha ii Yusri̱ya tunáa túraitji” tiármiayi.

Suma. 10:16

Nuna tiar Israer shuarka chíkich yusan enentáimtiarmia núnaka utsaṉkar Uunt Yusan enentáimtusarmiayi. Túrawarmatai Uunt Yus Israer shuaran wáitiamuri̱n peṉké katsuntrachmin nekapeak ataksha waitnentar yáiṉkiarmiayi.

Suma. 3:15

Túmainiak ataksha Israer shuar Uunt Yusan kakaram seawarmiayi. Túram chikichan aṉkant awajkartinian Jera uchirí̱ Ejut, Piṉjiamín wea menaja̱i̱ takakmauya nuna Uunt Yus anaitiukmiayi. Tura Ejutja̱i̱ Israer shuar Muapa úunt akupniuri̱ Ikrunan kuítian akuptin armia nuna akuptúkarmiayi.

Suma. 3:9

Nui̱ Israer shuar Uunt Yusan ataksha kakaram seawarmiayi. Tura Uunt Yus nin uwemtikiartinian Karepa yachí̱ ékechiya nuna Kenasa uchirí̱ Utuniáran iniaitiuk uwemtikrarmiayi.

Suma. 4:13

ashí mánitiai karu aya jiruja̱i̱ṉ najankamun nuiwisiántu irur ashí suntari̱ntiuk Arusétkuimniumia̱ juárkiaraṉ Kisun ashintsa tímianai matsamtúkarmiayi.

Suma. 4:4

Kame nu tsawantinkia nuwa̱ Yúsnan etserin Rapitiuta nua̱rí̱ Típura Israer shuarnum sumamtikin asa chichamprimiayi.

Suma. 6:6

Nuna túruiniak Matian aents Israer shuarnaka aya jú̱nik awajsarmiayi. Títruiniam Israer shuarka yáimkiata tusar Uunt Yusan seawarmiayi.

1 Sam. 7:8

Nuya̱sha Israer shuar Samuiran chicharainiak “Yawe̱tsuk ii Yusri̱ Uunt Yus iin seatkartitia. Jiristíu aentsu kakarmari̱ya̱ iin aṉkant awajkartustaj tusam túrata” tiármiayi.