Suma. 4:14 - Yus Papí: Shuarja̱i̱ Yus Yamaram Chicham Najanamu

¹⁴ Nuiṉkia Típura Parakan chicharuk “¡Kakaram ajasta. Yamái Uunt Yus Sésara nupetkatniun tsaṉkatramkayi! ¿Warí Uunt Yus amiiya̱ṉka eem wéatsuk?” tutai Paraksha Tapur náinniumia̱ tias mir suntarja̱i̱ akattúrarmiayi.

Suma. 4:14 Iomraidhean Croise

Naṉ. 19:14

Tuíniakui Rautka ni awetmaktin armia nuna chicharainiak “Jú̱ nuṉkan Uunt Yus emesrattawai. Wárik ju̱yá̱ jiinkí̱ wetarum” tímiayi. Tura ni awe̱sha auka ántar tawai tú enentáimprarmiayi.

Naṉ. 44:4

Túrasha péprun ikiukí̱ yajá ajainiatsa̱i̱ṉ Jusé ni takarniúri̱ úuntri̱n akateak “Jú̱ aishmaṉ wéarainia nu apapékarta. Túram amayá̱ṉkam ‘Waitnentamaitiatrum yumiṉkiartichuitrume. ¿Urukamtai kuitji̱a̱i̱ najanamu umutai̱sha kasamkarum?

2 Sam. 5:24

Tura untsurí aents ashinma núnin wawá nuke̱ antukmeka antsu nui̱ṉkia kakaram ajasam jatékárta. Warí Jiristíanmaya̱ suntaran nupetkataj tusa Uunt Yus amiiya̱ṉka eem jiinkittiawai.”

Isa. 52:12

Jíinkiurmesha wárik jíinkishtiniaitrume tura pisatcha pisarchatniuitrume. Warí Uunt Yus atumíya̱ eem wétatui. Tura Israera Yusri̱ṉkia atumí úkuri̱n winittiawai.

Muis. 9:3

Tura atumí Yusri̱ Uunt Yus atumíin eem wéana nu yamái nekaattarme. Niṉkia amukratin jíyaiti. Tuma asa nú aentsnaka ashí emesak atumsha íimprumni̱ṉ nupetkartatui. Túramtai Uunt Yus túrattarme timia núnisrumek ashí jí̱i̱rum wárik amuktatrume.

Jus. 7:13

Tuma asamtai Israer shuar werim yamaikia imiatkímprachu awajsaram ujakárta Israer shuara Uunt Yusri̱ jú̱nis chichaak ‘Israerá, atumín yajauchiji̱a̱i̱ yumiṉkramua nu awai. Nú asamtai yajauchinmaya̱ kanaachkurmeka atumí nemasri̱ peṉké nupetkashtatrume. Uunt Yus nuna tiniu asamtai kashinkia imiatkímprachu ajastarum’ titiá.

Suma. 4:10

Nuyá̱ Parakka Neptarí aentsja̱i̱ Sapurún aentsun untsukar Káatishnum irurmiayi túram tias mir suntar nemarkarmiayi. Tura Típurasha niji̱a̱i̱ wémiayi.

Suma. 7:9

Kame nu kashi Uunt Yus Jeteunan chicharuk “Pai, yamaikia Matian aents matsatainia nu akatuktia. Warí nupetmaktinniaka Wi tsaṉkatkájme.

1 Sam. 9:26

Nuyá̱ kashin etsa̱ wákuk kapant ajasmanum aya aneachma Samuir Sáuran yakí̱ je̱e̱n pakari̱n kanú tepan untsúak “Saurá nantaktia áujsan ikiurkímnium” tutai Saur nantakmiatai Samuir Saurja̱i̱ métek jiinkí̱ wéarmiayi.