Suma. 3:15 - Yus Papí: Shuarja̱i̱ Yus Yamaram Chicham Najanamu

¹⁵ Túmainiak ataksha Israer shuar Uunt Yusan kakaram seawarmiayi. Túram chikichan aṉkant awajkartinian Jera uchirí̱ Ejut, Piṉjiamín wea menaja̱i̱ takakmauya nuna Uunt Yus anaitiukmiayi. Tura Ejutja̱i̱ Israer shuar Muapa úunt akupniuri̱ Ikrunan kuítian akuptin armia nuna akuptúkarmiayi.

Suma. 3:15 Iomraidhean Croise

2 Sam. 20:10

Kame Amasaka Juap puya̱n takaku wáiniat anearchamiayi. Tuma asamtai puya̱ja̱i̱ tantannum ijiumiayi tura ampuje̱ṉka nuṉká matsamámiayi. Atakka íjiuchmaitiat núja̱i̱ṉ jaka iniantmiayi. Tura ikiuak Juapka ni yachí̱ Awisháiji̱a̱i̱ Pikri uchirí̱ Shíwian pataatuki̱ wéarmiayi.

2 Sam. 20:9

Nuyá̱ Juap Amasan chicharuk “Winia yatsuru péṉkerak wekaam” tinia mukunattsa untsuríji̱a̱i̱ Amasa susuri̱n achikmiayi.

YKan. 50:15

Itiurchat pujakum untsurkata. Túrutawakminkia uwemtikrattajme. Tura ámeka shiir awajtústatme.

YKan. 78:34

Kame Yus amuiniamka Niin enentáimtuiniak ti seawarmiayi.

YKan. 90:15

Iin wáitkiartusmam imianú tsawantak tura nukapé uwí yajauch wainkiamajnia nuja̱i̱ métek waramtikiartusta.

Neka. 18:16

Shuar wariṉkísha ántar sukarta nuka nu túramuja̱i̱ ni shiir ajatairi̱ji̱a̱i̱ páantin nákam awajnastatui.

Neka. 19:6

Shuar tsaṉka núnaka untsurí shuar e̱a̱iniawai tura sutai ásar aṉkant aṉkant ni amikri̱ áiniawai.

Neka. 21:14

Shuar ti kajena nusha ú̱kar ántrar súsatniua núja̱i̱ṉkia tsaṉkuawai. Wariṉsha súakur íshishmasrik susamka shiir enentáimiui.

Isa. 36:16

Esekías peṉké anturkairap. Warí Asirianmaya̱ úunt akupin jú̱nis túramui Antsu wiji̱a̱i̱ nawamnaikiatarum tura wini̱n tarum aṉkant aṉkant atumí araamuri̱ṉ úwasha tura íkiusha yuámniuram. Ántsarmek aṉkant aṉkant atumí yumirmatri̱ya̱ṉ entsasha umarmintrum.

Jrm. 33:3

‘Untsurkata, túrawakminkia ái̱ktatjame. Tura ame nekaachma nuna jintintiáttajme. Nuyá̱ u̱kma tura enentáimprachmin ainia nunasha paant awajtústatjame’ tíniuiti.

Suma. 2:16

Nuya̱ṉka Israer shuaran itiurchat awajiarmia nuyá̱ aṉkant awajsartinian sumamtikniun Uunt Yus anaitiukarmiayi.

Suma. 3:14

Túrunawar Israer shuarka Muap aentsu akupniúri̱ Ikruna takarin tiasiúchu uwí pujusármiayi.

Suma. 3:16

Ejut chíkich Israer shuar armia nuja̱i̱ Muápnumia̱ akupniun Ikrunan kuítian ashí uwitin akiktiniuyania nuna susattsa werimiayi. Tura kuítian susa ikiuiniak nuya̱ṉka waketkiarmiayi. Túrasha ántar yus nakumkar najankamu Jirkarnum írunna nuní̱ naṉkaamainiak Muápnumia̱ akupniuja̱i̱ Ikrunja̱i̱ chichastaj tusa Ejutka ataksha waketkimiayi. Tura akupniun jearí chicharuk “Chícham áya amek nekaatniun takurkajme” tímiayi. Tutai akupin Ikrun ni takarniúri̱ nui̱ pujuinian chicharainiak “Jíintratarum” tímiayi. Ejutka puya̱ṉ mai̱ atsakamun esantí̱ṉkia mítruka jeachun najanamun pushiri̱i̱n u̱u̱k takakuyayi. Nuya̱ṉka akupin niji̱a̱i̱ chichastaj tusa weantkamtai puya̱ri̱n jusa Ejutka akupniun tantannum kakantar ijiumiayi. Túram akupniúka tí nueran asamtai puya̱ka ashí meṉkakamiayi. Nuna tura ikiuak Ejutka wáitin péṉker epeni ikiuak nuya̱ṉka jiinkimiayi. Túrasha takarniúri̱ṉkia ni atsumamuri̱n túrak ijiatmatai̱niam pujatsuash tusa akupniúnka pachischarmiayi. Nuya̱ṉka ti meṉkakamtai urukayik tusar wáitin urakmá akupin jaka inian tepan wáinkiarmiayi.

Suma. 3:9

Nui̱ Israer shuar Uunt Yusan ataksha kakaram seawarmiayi. Tura Uunt Yus nin uwemtikiartinian Karepa yachí̱ ékechiya nuna Kenasa uchirí̱ Utuniáran iniaitiuk uwemtikrarmiayi.

Suma. 4:3

Tura Japinkia mesetnum eṉkemprar mánitiai kárun áya jiruja̱i̱ṉ najankamun nuiwisiántu takaruyayi. Nuja̱i̱ Israer shuarka painti uwí ti wáitkiasma matsatainiak Uunt Yusan kakaram seawarmiayi.

1 Sam. 10:27

Ti yajauch aents armia nu chichainiak “¿Ju̱sha iincha itiurak uwemtikrampratajⁱ?” tiarmia nuna nakitrar súsatniua nunasha nin itiarcharmiayi. Antsu niṉkia tútaisha pachimiaschamiayi.