Suma. 3:12 - Yus Papí: Shuarja̱i̱ Yus Yamaram Chicham Najanamu

¹² Nuyá̱ ataksha Israer shuarka Uunt Yus íimmianum ti yajauchin túrawarmiayi. Túmainiakui Uunt Yus Israer shuaran itiurchat awajsarat tusa Muap aentsu akupniúri̱ Ikrunan ikiatkarmiayi.

Suma. 3:12 Iomraidhean Croise

2 Akup. 5:1

Tura áishmaṉ Naaman náartin ámiayi. Nisha Siria nuṉkanmaya̱ úunt akupniu suntari̱ úuntri̱yayi. Niji̱a̱i̱ Siria aents nupetmaktinian Uunt Yus tsaṉkatkamiayi. Tuma asamtai ni akupniúri̱nkia ti anenuyayi. Túmaitiat nu áishmaṉsha kuchaprúkuyayi.

Jiin. 9:16

Núnisaṉ winia kakarmarun ámin iniaktustajam tusan tura winia naar ashí nuṉkanam etserkamu atí tusan máchuitjiame.

Isa. 10:15

Warí jáchaka niji̱a̱i̱ takana nuna chicharuk “Wikia ámiji̱a̱i̱ naṉkamantuitjiai” ¿tíminkiait? Kame Asiriaka naṉkamantu enentáimtuma asamtai Ashí Akupin Uunt Yus kakaram ainia nuna suṉkuran akuptúkartatui tura ashí naṉkamantu enentáimtuma ainia núnaka jinia ikiapátra nútikiattui. Antsu Israera Tsáapnintri̱ṉkia ji átatui tura Israera Péṉker Wainnia nuka ji keak tsuátan tura jaṉkin wárik ekemana nútikiattawai. Túrak wakaní̱ncha tura aya̱shí̱ncha núnisaṉ kampuntin peṉkeri̱ ainia nunasha nuyá̱ árak ti péṉker tsapatai̱ nuṉka ainia nunasha ashí amuktatui. Tú túram aents peṉké jakattsa tepana núniktatui. Túrunamtai kampunniunmasha ishichik numi juákaru asamtai uchisha nekapmarmin ajasártatui.

Isk. 38:16

Túrunarum Wi shuarja̱i̱ mánaiktaj tusarum yuraṉkim nuṉká utsantra núniktatrume. Nuka amukatin tsawant jeakui túrunattawai. Kame ámin Kuká, túrattajmena nuna iisar uunt nuṉka mátsatkamu ainia nusha Wi Tunaarinchaitjiana nuna amiini̱ nekarawarat tusan Winia nuṉkar itiurchat awajka̱i̱ tusan áminkia itiattajme’ tawai” tímiayi.

Tan. 4:22

Uunt akupniu, nekas ti émkaitme tura kakaram ajasuitmena nuka ameketme. Nuyá̱ ame akupeamurmesha naṉkamantu ajasam nayaimpiniam jeatak ajasuíti. Tura ashí nuṉkanmaya̱sha akupniuitme.

Tan. 5:18

Arantutai úunt akupniu, Ashí Naṉkamantu Yus ame apan Napukutunusúran páantin awajás úunt akupin átinian susamiayi.

Use. 6:4

Tura Uunt Yus chichaak “Eprainkiá tura Jutáa atumniasha ¿warí itiurkatjarmek? Warí atumí umitiairi̱ṉkia káshik yuraṉkim nuṉká utsanar áyat tura sanamákiat nantu sukuam wárik meṉkaana ániuiti.

Juaṉ 19:11

Tutai Jesussha chichaak “Yus nuna amaschaitkiuiṉkia peṉké tujintkiaintme. Nu asamtai amiin surutka nu ámin naṉkaamas yajauch túriniaiti” tímiayi.

Suma. 2:11

Tuma asa Israer shuar najanamu yusan Páaran tikishmátainiak Uunt Yus íimmianum ti yajauch túrawarmiayi.

Suma. 2:14

Nuna túruiniakui Uunt Yus Israer shuaran kajerkar ashí ni wariri̱ irunmia nuna kasarkarti tusa tsaṉkatak nu arantcha ni nemasri̱n suáwarmiayi. Túram nupetmaktinniasha peṉké tujintkiarmiayi.

Suma. 2:19

Túmaitiat sumamtikin jakamtaikia ataksha áwakeasaṉ ni úuntri̱ji̱a̱i̱ṉkia naṉkaamas yajauchin túrawarmiayi. Tuma asar chíkich yusan enentáimtuiniak tikishmátiarmiayi. Túrasha yajauchin túriarmia nuya̱ṉka peṉké kanacharmiayi.

Suma. 3:11

Nuní̱ túramtai Israer shuar kuaraintia uwí aṉkant pujusármiayi. Nuya̱ṉka Kenasa uchirí̱ Utuniársha jakamiayi.

1 Sam. 12:9

Túramaitiat Israer shuarka Uunt Yusan ni Yusri̱n kajinmatkiarmiayi. Túram Uunt Yuska Ásurnumia̱ suntara uuntri̱ Sésarai̱ Jiristíu aentsnum tura Muápnumia̱ akupniúnam suruk iniasarmiayi. Nisha mesetan najatiarmiayi.