Suma. 3:11 - Yus Papí: Shuarja̱i̱ Yus Yamaram Chicham Najanamu

¹¹ Nuní̱ túramtai Israer shuar kuaraintia uwí aṉkant pujusármiayi. Nuya̱ṉka Kenasa uchirí̱ Utuniársha jakamiayi.

Suma. 3:11 Iomraidhean Croise

Istr. 9:22

Kame nu tsawantin Israer shuarka ni nemasri̱ji̱a̱i̱ aṉkantcha pujuarmia nuyá̱ aṉkant ajasármiayi. Warí kúntuts matsamtai̱ nantunka iniaisar íksaṉ ti shiir warasarti. Ántsaṉ ajakmámprar útaincha iniaisar tumá tí peṉker yurumkan iwiarkar warasar yurumáwarti. Tura ni írutramuri̱ji̱a̱i̱ mái̱ ajamnai ajainiak nuya̱sha atsumainia nunasha wariṉkish súsarti tusa umiktin chichaman aar akuptúkmiayi.

Jus. 11:23

Uunt Yus Muisaisan chicharuk “Ju̱ nuṉkan amé shuaran súsartatjai” tiniu asamtai Jusuisha Jurtan amaini̱ matsamármia nu aentsun nupetkar nuṉke̱n akintrukarmiayi. Tura Israer shuaran aṉkant aṉkant ni nuṉke̱n súsarmiayi. Nu túruna uminkiamtai nu nuṉkanmaṉka mesetka amukámiayi.

Suma. 3:10

Tura Uunt Yusa Wakaní̱ Utuniáran tarimiayi. Túramtai Israer shuaran sumamtikin ajas sumamtikmiayi. Nu túram mesetan najanamiayi. Tura Uunt Yus Kusantrisatáimian Misiuputámia Siria úunt akupniuri̱ yúpichu nupetkatniun Utuniáran tsaṉkatkamiayi.

Suma. 3:12

Nuyá̱ ataksha Israer shuarka Uunt Yus íimmianum ti yajauchin túrawarmiayi. Túmainiakui Uunt Yus Israer shuaran itiurchat awajsarat tusa Muap aentsu akupniúri̱ Ikrunan ikiatkarmiayi.

Suma. 3:9

Nui̱ Israer shuar Uunt Yusan ataksha kakaram seawarmiayi. Tura Uunt Yus nin uwemtikiartinian Karepa yachí̱ ékechiya nuna Kenasa uchirí̱ Utuniáran iniaitiuk uwemtikrarmiayi.

Suma. 8:28

Kame jú̱nis Israer shuar Matian aentsun nupetkar péejchach awajsarmiayi. Tuma asamtai Jeteun iwiaakuya nuiṉkia kuaraintia uwí aṉkant pujusármiayi.