Suma. 21:25 - Yus Papí: Shuarja̱i̱ Yus Yamaram Chicham Najanamu

²⁵ Kame nu tsawantinkia Israer shuarnumka úunt akupin atsá asamtai aṉkant aṉkant ní wakeramun péṉkeraiti tu enentáimiarmia núnisar túriarmiayi.

Suma. 21:25 Iomraidhean Croise

YKan. 12:4

Tura chichainiak “Warí íi chichame̱ja̱i̱ṉ iwiaakenatsjik. Tura íi chichame̱ṉ iinkia ayamprútmarni̱sha nuya̱sha ¿yaki ii úuntri̱sha ati?” tuíniawai.

Neka. 14:12

Jintia awai shuaran péṉkernumaani̱yapi jurawa tu enentáimtikna nu túrasha nú jintiaka jákatniunam jukartawai.

Neka. 3:5

Wikia ashí nékajai tú enentáimtumatsuk nekas enentáiji̱a̱i̱ Uunt Yus enentáimtusta.

Isa. 53:6

Kame iisha murikiua núnisar ashí meṉkakamiaji tura aṉkant aṉkant ii wakeramuri̱ni̱ṉ wekaimiaji. Túrasha Uunt Yuska ashí shuarti yajauch túramuri̱n Nin áentskamiayi.

Isa. 66:3

Tura taṉkun maana nuka aentsun maana núniniaiti núnisaṉ murikiu maa áeseana nusha ya̱wá̱ kuntuje̱n tsupirea núniniaiti. Tura araka súana nuka kuchí numpé̱ súana núniniaiti. Núnisaṉ kuṉkuinian áeseana nuka najanamu yusan shiir awajea núniniaiti. Ni wakeramuri̱n túruiniak mui̱jmiainian túrawar ni enentái̱ncha shiir enentáimtiksaru ásarmatai

Suma. 17:6

Kame nu tsawantinkia Israer shuarnumka úunt akupin atsá asamtai aṉkant aṉkant ni wakeramun péṉkeraiti tu enentáimiarmia núnisar túriarmiayi.

Suma. 18:1

Nu tsawantai̱kia Israernumka úunt akupin atsumiayi núnisaraṉ Tánnumia̱ shuarsha núṉke̱ncha ármiayi. Tuma asamtai Suranmaya̱n tura Estaurnumia̱n aents kakaram armia nuna nuṉka mamikmá ikiutárum tusar seṉku áishmaṉkan akupkarmiayi. Tura Eprain nainnium jeawar Mikiayása je̱e̱n Riwí shuar chichaamun anturkarmiayi. Nuya̱ṉka je̱a̱ waya̱war ju̱i̱sha warí pujuram tusar aniasarmiayi. Tutai “Wikia Mikiayása yusri̱n takarniuitjiai” takui̱ “ii wéajnia ju̱i̱sha ¿urukattajⁱ?” tiármiayi. Tutai Riwí shuarka chicharainiak “Werarmena nuka ashí umiktatrume” tiármiayi. Nuya̱ṉka wéar Rais péprunam jeawar mash nekararmiayi. Nu pépruka yúpichu chíkich péprunmaya̱sha arant tura chíkich aents armia núja̱i̱sha chichaska pujuchu armia nuna nekaawarmiayi. Núnisaṉ aentska warawarat tura tuke shiir enentáimias matsamin ármiayi. Tura nu aentska ataksha Suranam nuyá̱ Istaurnum waketkiar chichainiak “Werir jatékártai warí núṉkaka tí peṉkerchakait tura aentska yúpichu nupetkamnia áiniawai” tiármiayi.

Suma. 19:1

Nu tsawantinkia Israernumka akupniúka atsumiayi. Tura Riwí shuar Eprain nainnium pujá Piriṉnumia̱ nua̱ri̱ya núnis amia nuna nuatkamiayi. Túrasha nuwa̱ áishri̱n kajerak ikiuak aparí̱n waketki̱ pujusmiayi. Kame kuatru nantu naṉkaamasmatai ni takarniúri̱n tura jimiará umpurun jukí̱ ni nua̱ri̱n ataksha utittsa Piriṉnum wémiayi. Tura we̱a̱rí̱ṉkia tí waras ju̱i̱ pujusta tímiayi. Túrasha menaintiú tsawant naṉkaamasmatai Riwí shuarka ni nua̱ri̱n jukí̱ waketkitiaj takui̱ we̱a̱rí̱ ju̱ tsawantchik juaktá tusa juámtikiamiayi. Núnisaṉ seṉku tsawant jeamtaisha ataksha juámtikiattsa wakerimiayi túrasha waketkitniun nisha wakerimiayi.