Suma. 20:1 - Yus Papí: Shuarja̱i̱ Yus Yamaram Chicham Najanamu

^1-7 Israer shuar ashí weanmaya̱ suntara úuntri̱sha tura kuatrusiántu mir suntar Míspanam iruntrarmiayi. Antsu Piṉjiamín shuarka káunkacharmiayi. Tura Piṉjiamín shuarsha nuna nekaawarmiayi. Tura Riwí shuarka Piṉjiamín shuar ni nua̱ri̱ya núnis amia nuna itiurká máwarma nuna ataksha awaiṉki̱ ashí ujakar urukamtai nuwá̱ aya̱shí̱n tsupir akupkáma nunasha ashí ujakármiayi.

Suma. 20:1 Iomraidhean Croise

2 Sam. 19:14

Nú tutai ashí Jutanmaya̱ shuarsha chikichik aentsua núnisar Tawitian shiir enentáimtusarmiayi. Tutai nisha chicharainiak “Amesha tura ashí ámin takartámin ainia nui̱m waketra káunkatarum” tuíniawai titiarum tusa akupkarmiayi.

2 Sam. 2:9

Tura Karaatnum Jisurnum Jisriirnum Eprainnium Piṉjiamínniumsha tura ashí Israernum úunt akupin awajsámiayi.

2 Sam. 24:2

Tutai úunt akupin Juap suntara uuntri̱ niji̱a̱i̱ pujumia nuna chicharuk “Waitneasam ashí Israer shuar matsamkar pujuinia nui̱ wekasam Tánnumia̱ juárkim Pirshiwia tímianai aents nekapmararta, urutmá aentsuk mátsatka wi nekaataj” tímiayi.

1 Akup. 5:5

Wats, nekaata. Yamaikia winia Yúsrun Uunt Yusa náari̱ji̱a̱i̱ je̱a̱n je̱a̱rtiaj tajai. Warí Uunt Yus chichaak ‘Ame uchirmin akupin awajsan ame pujutái̱rmin ekentsattaj nu Winia je̱a̱rnaka je̱a̱rtitiawai’ winia aparun Tawitian timia nútiksanak túrattajai.

Ists. 3:1

Kame waketrar kaunak pujuiniamu siati nantu jeamunam chikichik enentáiniak júsar Jerusaréṉ péprunam iruntrarmiayi.

Neem. 11:27

ántsaṉ Jasar-suárnum, Pirshiwianam tura nui̱ uchich pépruch írunmanum,

Neem. 8:1

Nui̱ṉkia ashí shuar Entsá waiti tutaiya nuna á̱a̱ri̱n iruntrarmiayi. Nui̱ Ístrasan papí ái̱nian chicharainiak “Yaunchu Yus akupkámu umiktin chichaman Muisaisja̱i̱ Israer shuartiniun akuptúrmakmiaj nu papí itiata” tiármiayi.

Jrm. 40:6

Nuyá̱ Jirimíaska Ajikma uchirí̱ Jetaríasai̱ Míspanam wémiayi tura péprunam aents juákaru matsamia nui̱ nisha pujusmiayi.

Wek. 32:1

Ruwin shuar, Kaat shuar tura Manasés shuar nuṉka jímiapetek nakaakarmia nuka Jurtan entsa amainia̱ nuṉkan seainiakui Muisais aṉkant aṉkant nuṉkan nakaararmiayi. Antsu mesetan najanawar Kanaan nuṉkanka ata̱i̱niarmiayi.

Jus. 15:38

Tireán, Mispa, Júktir,

Jus. 4:13

Uunt Yus íimmianum kuaraintia mir suntar mesetan aya ajattsar Jirikiú pakari̱ni̱ mániattsa wéarmiayi.

Suma. 10:17

Túramtai Amun aentska ujanairar Karaat nuṉkanam matsamkarmiayi. Núnisaṉ Israer shuarsha Míspanam matsamkarmiayi.

Suma. 20:26

Túrunamtai Israer shuarka tí kuntuts enentáimprar útkiar ataksha Pitirnum wéarmiayi. Tura Yusan áestuawar Piṉjiamín shuarja̱i̱ ataksha mánaiktatjik tusar ataksha Yusan aniasarmiayi. Tutai Yuska ataksha chicharainiak “Yamaikia awakmáktatrume. Tuma asamtai mánaiktarum” tiármiayi. Tutai tsawant menaint tsawa̱rmataikia mániatai tusar nuṉkaani̱ Kawaanam wéarmiayi. Tura Israer shuarnumia̱ṉka untsurí suntar ú̱mprar péprun téntakarmiayi. Nuya̱ṉka Piṉjiamín shuar jíintiurar Israer shuar ú̱mpracharu armia nuja̱i̱ mesetan naṉkamawarmiayi. Tura Israer shuarka pisainiawai tusar Piṉjiamín shuar pataatukar traintia suntaran máwarmiayi. Kame Piṉjiamín shuarka Israer shuaran pataatukiar ashintiuiniai̱ Israer shuar ú̱mar matsatáinia jíintiurar Kawáa péprun jatekar péprunam utsanawar aentsnaka ashí kajeṉkar pépruncha ekemákarmiayi. Nuyá̱ Israer shuar pisarmia nuka mukuintiu wáinkiar Piṉjiamín shuarja̱i̱ kakantar mánitian naṉkamawarmiayi. Túrunawarmatai Piṉjiamín shuarka urukamtai túmawara nuna nekamawar nuya̱ṉka pisatan naṉkamawarmiayi. Tura Piṉjiamín shuara pépruri̱n taṉku tura aents írununka ashí kajeṉkarmiayi. Túrasha Piṉjiamín shuarnaka paintiséṉku mir sian suntara kajeṉkármiayi. Túram aya saisiantuchik pisarar Rimiun kayanam ú̱mkarmiayi.

Suma. 20:8

Tura ashí weanmaya̱ iruntrar je̱e̱nka wakettsuk Piṉjiamín shuar meset najatatai tiármiayi. Tusar ashí iwiarnatkarmiayi. Tiásnumia̱ chikichik aentsuk nuiwi mánaiya̱ nuna atsumamuri̱n súsatin ármiayi. Túrawar Piṉjiamín shuaran akuptuiniak Kawaanmaya̱ yajauch áishmaṉ ainia nuna achir amasárti tu chichaman akuptúkarmiayi. Túrasha peṉké anturkacharmiayi. Antsu nisha iruntrar ashikia paintisáis mir suntar tura Kawaanmaya̱ṉka siatisiántu suntar iwiarnakarmiayi.

Suma. 21:5

Tura Karaatnumia̱ aents Japis aents Míspanam Piṉjiamín shuaran mesetan najatiarmia nui̱ pachinkiacharu ásarmatai nekaawar asutiáwartai tiármiayi. Nuya̱ṉka Japis aents mesetan najatawarat tusar tuse mir suntaran Karaatnum akupkarmiayi. Túrawar ashí aentsun áishmaṉnasha nuwa̱ncha tura uchincha mash amukármiayi. Antsu áyatik kuatrusiántu nuwa̱ nuatnaikiachu armia nunak mácharmiayi túrawar Sírunam júkiarmiayi.

1 Sam. 10:17

Samuir Mispa péprunam Yus íimmianum ashí Israer shuar káunkarat tusa untsukarmiayi.

1 Sam. 3:20

Tuma asamtai Israer shuarka ashí Tánnumia̱ juárkiaraṉ Pirshiwia tímianaisha “Samuirka nekas Uunt Yúsnan etserniuiti” tiármiayi.