Suma. 2:21 - Yus Papí: Shuarja̱i̱ Yus Yamaram Chicham Najanamu

²¹ Wisha núnisnak Jusuí jaak uunt nuṉka mátsatkamu ikiukiarma núnaka jí̱i̱rnaka akuptúkchartatjai.

Suma. 2:21 Iomraidhean Croise

Jus. 23:13

nekas ju̱sha enentáimpratarum. Atumí Uunt Yusri̱ nu nuṉkanmaya̱ aentsun tuke juákarua nuna ji̱i̱ki̱ akupkatniun peṉké yaintmakchattarme. Antsu íksaṉ nu aentsnak atumín itiurchat awajtámkarat tusa tsaṉkampramkattarme. Nuyá̱ numiji̱a̱i̱ asutiá nútikias tura jaṉkiji̱a̱i̱ ji̱ íjiutniua núnisaṉ atumí Uunt Yusri̱ tí peṉker nuṉkan amasuítrumna nui̱ṉkia chikichkiksha juákchattawai.

Jus. 23:4

Tura Yusa wakeramuri̱ji̱a̱i̱ métek ju̱ nuṉkan aṉkant aṉkant atumín wi amasuítjiarme. Tura Jurtan entsa ímianai núnisaṉ etsa̱ akatainmaani̱ uunt nayantsa tímianai ashí nu nuṉkanmaya̱ nupetkaitrumna tura nupetkachuitrumna nunasha amasuítjiarme.

Jus. 23:5

Kame Uunt Yus átum íimmianum juákaru ainia núnaka ji̱i̱r akuprattawai. Tura ii Uunt Yusri̱ atumín turammiarumna tímiatrusaṉ nu nuṉkanmaya̱ aents ji̱i̱ki̱ akupratniun yaintmakmatai atumsha nu nuṉka nérentin ajastatrume.

Suma. 1:1

Kame Jusuikia jaka asamtai Kanaan aentsja̱i̱ mániatniuncha yamaisha yaki émtukat tusar Uunt Yusan aniasarmiayi. Tuíniakui Jutá shuar émtukartatui tutai Jutá shuarka iiji̱a̱i̱ jimiartukarmi tusar Semiun shuaran ipiaawarmiayi. Nuya̱ṉka Jutá Semiun shuarja̱i̱ tsaniṉkiar Kanaan tura Píris aentsja̱i̱ mánainiak nupetkar tias mir aentsun Pisiknium máwarmiayi. Antsu Jerusaréṉ péprunka ekemátkarmiayi. Kame Atuni Pisikkia yaunchu sataintia akupniun túramia nui̱ Uunt Yus nincha nútiksaṉ asutmia nuna nekamiayi. Túrasha úunt akupin Atuni Pisikkia achikiar Jerusaréṉnum jukimiu nui̱ jakamiayi.

Suma. 2:3

Tuma asamtai wisha ju̱na tájarme ‘Jú̱ aentsnaka atumíya̱ ji̱i̱ran akuprashtatjai. Tura nisha atumí nemasri̱ ártatui tura ni yusri̱ ainia nusha atumín anaṉkramattarme’ titiarum” tímiayi.

Suma. 3:1

Kame Israer shuaran nekapsamij tusa Kanaannum uunt nuṉka mátsatkamu mesetnum pachinkiacharun Uunt Yus ikiukiarmiayi.

Suma. 3:3

Kame Jiristíu aentsu uuntri̱ seṉku armia nu tura ashí Kanaan aentssha núnisaṉ Setunja̱i̱ Jep aents Paarirmún náinniumia̱ juárkin Repuamát tímianai naintiar naintiar Ríwianu nuṉkanam matsamármiayi.