Suma. 2:2 - Yus Papí: Shuarja̱i̱ Yus Yamaram Chicham Najanamu

² Túrasha átumka ju̱ nuṉkanmaya̱ shuarja̱i̱ṉkia chícham peṉké najanawairap. Antsu átum ni yusri̱ áestutai̱ ainia nuka emestuktarum tímiajrume támaitiatrum átum winia chichamur antukchamiarme. ¿Ausha urukamtai umikchaitrum?

Suma. 2:2 Iomraidhean Croise

Naṉ. 12:18

Túrunamtai Parauṉ Apraman untsuk chicharuk “¿Urukamtai jú̱tikruam? ¿Urukamtai ame nua̱rmesha ‘winia nua̱ruiti’ turutchamam?

Naṉ. 4:10

Tutai Yus chicharuk “¿Urukamtai ausha áitkiam? Ame yatsumi numpe̱ uputúrumna nu nuṉkaya̱ untsurun paant anturkajai” tímiayi.

Jiin. 32:21

Tura Muisais Araunan chicharuk “Ju̱ aentssha ¿warí itiurtámkarmatai imiá naṉkaamas tunaasha túrumtikiawarum?” tímiayi.

Jrm. 2:18

Túrasha Ejiptunmaya̱ túruiniamusha atumsha ¿warí íistiniaitrum Nírunmaya̱ entsa úmiartincha? Ántsarmek Asirianmaya̱ túruiniamusha atumsha ¿warí íistiniaitrum Yúpratis entsa úmiartincha?

Jrm. 2:36

Ame túramuka páchitsuk wárikmasam yapaji̱átin jeame. Kame Asirianmaya̱ iniatsá̱tmararmamia nútiksaraṉ Ejiptunmaya̱ iniatsá̱tmartatme.

Jrm. 2:5

Uunt Yus chichartak “Átum Wini̱i̱ya̱ kanakrum antra nú werakrum atumsha ántar ajasúk tusasha atumí uuntri̱ armia nusha ¿warí yajauchinia Wini̱i̱ya̱ncha wáinkiarma?

Muis. 7:16

Uunt Yus atumí Yusri̱ nú aents íktusarmaka peṉké waitnentsuk ashí amuktárum. Núnisrum ni yusri̱sha tikishmátrairap.

2 Tis. 1:8

Tura nú tsawantai̱sha Yusan nékainiatsna núnaka ii Uuntri̱ Jesukrístu Uwempratin Chichame̱n uminiatsna nunasha ti asutiátajtsa tátatui.

1 Pit. 4:17

Yuska ni shuari̱n nekapsatajtsa naṉkamatniuiti. Tura nu tsawantcha jeayi. Yus imia iin nekapramkuisha Yus chichaman umirainiatsna nú shuarsha urukawartiṉ. Ti asutniáwartatui.

Suma. 2:20

Túmainiakui Uunt Yus Israer shuaran kajerak chicharainiak “Yaunchu atumí úuntri̱ji̱a̱i̱ umiktin chichaman najanawarmiaj nuna ju̱ aentska peṉké uminiatsui.

Suma. 6:10

Wikia Uunt Yus atumí Yúsri̱ntjiai tíchamkajrum tura Amur aentsu nuṉke̱n pujusrumsha ni yusri̱ tikishmátrarum enentáimtusairap tíchamkajrum. Támaitiatrum átumka umirtukchamarme.”

Suma. 6:8

Uunt Yuska Yúsnan etserniun Israer shuaran akuptúkarmiayi. Túram chicharainiak “Uunt Yus Israera Yusri̱ túramprume Wi Ejiptunmaya̱n íniakur wáitkiatai matsatrumin jí̱i̱rmiajrume.

Suma. 8:27

Nuja̱i̱ Jeteun Yúsnan pujurin entsatái̱n awaṉkéman kúriji̱a̱i̱ṉ najana ni pépruri̱n Úpranam ikiusmiayi. Túramtai ashí Israer shuar aya nunak enentáimtuiniak nú nuṉkanam yajauchin ti túrawarmiayi. Jeteun nuna tura asa ashí ni shuari̱ji̱a̱i̱ yajauch awajmámsamiayi.