Suma. 2:19 - Yus Papí: Shuarja̱i̱ Yus Yamaram Chicham Najanamu

¹⁹ Túmaitiat sumamtikin jakamtaikia ataksha áwakeasaṉ ni úuntri̱ji̱a̱i̱ṉkia naṉkaamas yajauchin túrawarmiayi. Tuma asar chíkich yusan enentáimtuiniak tikishmátiarmiayi. Túrasha yajauchin túriarmia nuya̱ṉka peṉké kanacharmiayi.

Suma. 2:19 Iomraidhean Croise

Naṉ. 6:11

Kame Yus íismaka ashí nuṉkanam tunáa piákuyayi. Aentssha ti netse ajasár nuamtak tí yajauch awajnáiyarmiayi.

YKan. 78:8

Ni we̱a̱tri̱ uruku armia núnin ti yajauch kajen ní Yusri̱ncha nekas enentáimtichu ára̱i̱ṉ tusa Uunt Yuska nu chichaman najanamiayi.

Jiin. 32:7

Nuyá̱ Uunt Yus Muisaisan chicharuk “Naintia wárik akaikitia. Ame shuarum Ejiptunmaya̱ jí̱i̱rmam nu tunaan túrawarai.

Jrm. 16:12

Tura átumka atumí uuntri̱ túrin armia núja̱i̱sha naṉkaamas túraitrume. Nekaata átumka atumíya̱ aṉkant aṉkant yajauch enentái̱ achikrum Wíniaka anturtutsuk wéarme.

Jrm. 23:17

Winia nakitruinia núnaka iniaitsuk chicharainiak ‘Aṉkant pujustatme’ tuíniawai tura niní̱ wakera núnaka chicharainiak ‘Atumniaka itiurchatka tarutrámchartatui’ tuíniawai.

Jrm. 3:17

Nu tsawantinkia Jerusaréṉnaka Uunt Yus Akupkur Pujutái̱ri̱ tu anaikiartatui. Tura ashí nuṉkanmaya̱ aentska Uunt Yusa náari̱n pachikiar Jerusaréṉnum iruntrartatui. Nuya̱ṉka ni enentái̱ kátsuram ásarmatai yajauch túriarmia núnisarka túrachartatui.

Mat. 23:32

Wats, atumí we̱a̱tri̱ naṉkamawarmia nu átumka umiktarum” tímiayi Jesus.

Muis. 31:29

Warí wikia nékajai. Wi jakamtai̱ṉkia átumka ti yajauch túrakrum péṉker wekasatniun jintintiáitjiarmena nuka iniaisattarme. Túmakrum Uunt Yus íimmianum yajauch tura asarum ukunmaṉka ti yajauch matsamtiatrume. Núnisrumek atumí túramuri̱ji̱a̱i̱ Uunt Yus akajtiatrume” tímiayi Muisais.

Jus. 24:31

Jusuisha tura uuntri̱ armia nusha Uunt Yus ni kakarmari̱ji̱a̱i̱ túramun wáinkiaru iwiaaku pujuarmia nui̱ṉ Israer shuarka Uunt Yusan péṉker umirkarmiayi.

Suma. 10:13

Túramaitiatrum Wíniaka iniaitiusrum ántar yus enentáimtusu asakrumin Wikia yamaikia nu arantka yáiṉchattajrume.

Suma. 2:18

Kame Uunt Yuska sumamtikniun anaitiarmia núnaka Uunt Yus yáimiayi. Tuma asa urutmá tsawanta sumamtikin ajas pujuarmia nuja̱i̱ métek ni nemasri̱ya̱n aṉkant pujuarmiayi. Túrasha tí waitkiainiam útainiakuinkia Uunt Yuska waitnentiarmiayi.

Suma. 2:20

Túmainiakui Uunt Yus Israer shuaran kajerak chicharainiak “Yaunchu atumí úuntri̱ji̱a̱i̱ umiktin chichaman najanawarmiaj nuna ju̱ aentska peṉké uminiatsui.

Suma. 2:7

Kame Jusuí iwiaaku pujumia nuiṉkia Israer shuarka Uunt Yusan umirkarmiayi. Núnisaṉ Jusuí jakamtaisha Israer shuara uuntri̱ Jusuiji̱a̱i̱ takakmasaru Uunt Yusa kakarmari̱ tí uunta nuna wáinkiaru Israer shuaran yáiṉtaj tusa pujuarmia nui̱sha Israer shuarka Uunt Yusan umirkarmiayi.

Suma. 4:1

Nuyá̱ Ejut jakamtai Israer shuarka Uunt Yus íimmianum ataksha ti yajauchin túrawarmiayi.

Suma. 8:33

Tura Jeteun jakamtai Israer shuarka ataksha najankamu yus armia nuna enentáimtuiniak Paarpirítkia nekas ii yúsri̱nti tiármiayi.

1 Sam. 15:23

Tuma asa Yus nakitratniuka ukunam túrunatin nekaatniuja̱i̱ métek ti yajauchiti. Tura umishtai enentái takustinkia najankamu yus enentáimtakur mui̱jmiai̱ túratniuja̱i̱ métekete. Ni akupkámu ame ajapa iniaisa asakmin yamaikia amincha núnisaṉ úunt akupniuitmena nuya̱ṉka ajaprama iniaitiámsayi” tímiayi.