Suma. 2:14 - Yus Papí: Shuarja̱i̱ Yus Yamaram Chicham Najanamu

¹⁴ Nuna túruiniakui Uunt Yus Israer shuaran kajerkar ashí ni wariri̱ irunmia nuna kasarkarti tusa tsaṉkatak nu arantcha ni nemasri̱n suáwarmiayi. Túram nupetmaktinniasha peṉké tujintkiarmiayi.

Suma. 2:14 Iomraidhean Croise

2 Sam. 24:1

Uunt Yus Israer shuaran ataksha ti kajerkarmiayi. Túrawar Israer shuaran Tawitian útsuteak “Wetá túram Israer shuar tura Jutá shuarsha nekapmararta” tímiayi.

2 Sam. 7:11

Núnisnak Wi shuar Israernum sumamtikniun anaitiurarmiaj nuya̱ṉ áminkia ashí nemasrumiya̱ṉka ayamtikrattajme. Núnisaṉ Uunt Yus áminkia chichartamuk áminkia je̱á̱ je̱a̱mtinia nútikias Uunt Yus Ame weanmaya̱nak úunt akupin awajsártatui.

2 Akup. 17:20

Tuma asamtai Uunt Yus ashí Israera tiraṉki̱nkia chíkich nuṉkanmaya̱ aents mesetja̱i̱ wáitkiasma matsamás enentáimkiarti tusa íitian nakitiak níya̱ṉka shitiakarmiayi.

YKan. 44:11

Tura mátai̱niam murikiun juinia nútiksamek surutkratkame. Núnisaṉ yajá nuṉkanam aṉkant aṉkant akupkartukume.

YKan. 44:12

Tura amé shuarsha kuítchaja̱i̱ ántram surukuitme. Tura timianú kuítiaiti tátsume.

Isa. 50:1

Uunt Yus chichaak “Atumí nukurí̱ nakitra ajapamu papisha ¿tui̱ aa? ¿Tura yana tumash asana surukuitjiarum? Nekaatarum, átumka atumí tunaari̱ni̱ṉ surunkamarme núnisaṉ átum nakitrakrumin atumí nukurí̱sha nakitniar ajapnamai.

Jrm. 37:10

Wats átum Kartíu aentsri̱ ashí nupetkarmesha tura mesetnum ni suntari̱ aya ishichik juákarua nuka nuap je̱e̱n ashí akaṉma ajasárusha aṉkant aṉkant ni je̱e̱ya̱ jíintrar jú̱ peprunka ekemákarainti” tímiayi.

Riw. 26:17

Wisha nuya̱ṉka atumniaka kajerkattajrume túrunawakrumni̱ṉkia atumí nemasri̱sha nupettamkattarme. Átum muí̱jiarmena nuke atumí uuntri̱ ajasártai túrasha átumka apapéachmatiatrumek ántrarum pisattarme.

Riw. 26:28

nui̱ṉkia Wisha suíran ka̱e̱ kaje̱ntkan nú arant awajsattajrume. Túran átum yajauch túramunam nuna naṉkaamas siati awaiṉkin ataksha siati asutiáttajrume.

Riw. 26:37

Maattsa apapéamua tímiatrusrum tsékeakrum yaaksha apapéachmaitiatrum mái̱ túkumnai ajattarme. Atumí nemasri̱ wajatratniuka peṉké jeashtatrume.

Muis. 28:20

Tura átum tunáa túrakrum Yus iniaisa asakrumin Uunt Yus yajauch yumiṉkian tura páchim enentáimtikratniun nuyá̱ sapijmiakar kuraṉtinian akuptúrmaktatrume. Nuní̱ túrutma tí warik amutmaktatrume.

Muis. 28:25

Uunt Yus tsaṉkampramkakrumin atumí nemasri̱ nupettamkattarme. Tura iruntrarum ashinkiayatrum nini̱ya̱ṉka tsakiṉmakarum pisaktatrume. Núnisrumek ashí nuṉkanmaya̱ aents yajauch iisma átatrume.

Muis. 28:58

Tura Uunt Yus atumí Yusri̱ ashí naṉkamantu nuyá̱ tí tsuumainia nu ashamakrum esettsarum enentáimtusrum ni akupkámu chicham ju̱ papinium áarmana nu umirchakrumni̱ṉkia

Muis. 32:30

Kame ni kátsuram Kayari̱ surukchaitkiuiṉkia tura Uunt Yussha iniaisachuitkiuiṉkia chikichkitiatcha ¿itiurak mírnasha étsekeararat tura jímiarchikitiatcha itiurak tias mírnasha ipiskarat?

Jus. 23:16

Nuyá̱ atumí Uunt Yusri̱ Israer shuarja̱i̱ chícham najanamu umirtsuk kanakrum najankamu yus tikishmátki̱ wéakrumni̱ṉkia Uunt Yus ti kajertamkattarme. Túrutma ju̱ péṉker nuṉkanmaya̱ṉka tí warik amutmaktatrume” Jusuí tímiayi.

Suma. 10:7

Nuna túruiniakui Uunt Yus Israer shuaran ti kajerak Jiristíu tura Amun aentsun íktus iniaisarmiayi.

Suma. 2:20

Túmainiakui Uunt Yus Israer shuaran kajerak chicharainiak “Yaunchu atumí úuntri̱ji̱a̱i̱ umiktin chichaman najanawarmiaj nuna ju̱ aentska peṉké uminiatsui.

Suma. 3:12

Nuyá̱ ataksha Israer shuarka Uunt Yus íimmianum ti yajauchin túrawarmiayi. Túmainiakui Uunt Yus Israer shuaran itiurchat awajsarat tusa Muap aentsu akupniúri̱ Ikrunan ikiatkarmiayi.

Suma. 4:2

Nuna túruiniakui Uunt Yus Kanaannumia̱ akupin Japin, Ásur péprunam pujumia nuna íktusmiayi. Tura ni suntara uuntri̱ Sésaraka Arusétkuim nuṉkanam pujumiayi.