Suma. 2:13 - Yus Papí: Shuarja̱i̱ Yus Yamaram Chicham Najanamu

¹³ Úunt Yusnaka iniaisar najankamu yusan Páaran tura Astarten tikishmátiarmiayi.

Suma. 2:13 Iomraidhean Croise

1 Akup. 11:33

Warí ni aparí̱ Tawit Winia akupkámu chichamprun umirtuk Wi iismasha péṉkeran túramia núnis túrutsuk Wíniaka iniaitiusar Setun aentsu yusri̱ Astarten tura Muapa yusri̱ Kimiusan núnisaṉ Amun aentsu yusri̱ Muruknasha tikishmátraru áiniawai.

1 Akup. 11:5

Kame Saramúṉka Setunnumia̱ ántar yusan Astarten nuyá̱ Amunnumia̱ ántar yusan mui̱jmiai̱ ti yajauch nakumkar najanamun Murukan tikishmátmiayi.

YKan. 106:36

Tura nu aentsu najankamu yusri̱n enentáimtuinia ásar emesnararmiayi.

Jrm. 16:11

Nui̱ṉkia chichaakum ‘Warí atumí uuntri̱ armia nu Winia iniaitiusar chíkich yusan umirkar tikishmátrarmai. Túrawar wi akupkámiaj nuna umirkacharmai’ tawai Uunt Yus títiatme.

Jrm. 2:20

Warí ámeka tí yaunchuya̱ṉ nuṉka pukutai̱ netuamun waaka nakitiak kupir jiṉkiarmári̱ncha tsuriar ikiuana núnismek amesha túramame. Tura chichaakum “Peṉké umirkashtatjai” tímiame. Tú takum aya̱shí̱n súrin nuwa̱ urukainia núnisam ashí naint tura ashí numi ukat ukatin ainia nui̱ ámeka tepekní̱ wekaimiame.

Wek. 25:3

Nuna túrukiar najanamu yusan Paarpiuran enentáimtutan naṉkamawarmiayi. Túmainiakui Uunt Yus Israer shuaran suíran ka̱e̱ kaje̱ntukarmiayi.

1 Kur. 8:5

aentsu yusri̱ nayaimpinmasha nuṉkasha írunna nuka peṉké ántar áiniawai. Kame aentsu yusri̱sha tura úuntri̱sha ti írunui.

Suma. 10:6

Túrasha Israer shuarka Paarja̱i̱ Astarten enentáimtuiniak Uunt Yus íismaka ti yajauchin túrawarmiayi. Túmainiak Sírianmaya̱n Setunnumia̱n Muápnumia̱ncha Jiristíanmaya̱ncha nuyá̱ Amun aentsu yusri̱ áiniana nuna enentáimtuiniak Uunt Yus enentáimtustinniaka peṉké kajinmatkiarmiayi.

Suma. 2:11

Tuma asa Israer shuar najanamu yusan Páaran tikishmátainiak Uunt Yus íimmianum ti yajauch túrawarmiayi.

Suma. 3:7

Israer shuarka Uunt Yus íimmianum ti yajauchin túrawarmiayi. Túmainiak ni Uunt Yusri̱nkia kajinmatkiar Páaran tura Aseran ántar yusan umirkarmiayi.

1 Sam. 12:10

Tura Israer shuarka Uunt Yusan seainiak ‘Uunt Yus umirkatin iniaisa asar Aminí̱sha tunáa túraji. Túrar Paarja̱i̱ Astarte umirkarji. Túrasha yamaikia ii nemasri̱ya̱ uwemtikkiarturta túrawakmiṉkia Ame umirkattaji’ tímiarme.

1 Sam. 31:10

Kame Saur mesetnum mánitiairi̱n atái júkiarmia nuna Astarte je̱e̱n ikiusármiayi túrawar Saura aya̱shí̱nkia Pitshana wenuke̱n ajintruawar nenasarmiayi.

1 Sam. 7:3

Tuma asamtai Samuirsha ashí Israer shuaran chicharainiak “Atumsha nekas enentáiji̱a̱i̱ Yusai̱ weankurmeka najankamu yus chíkich nuṉkanmaya̱ enentáimtutai̱ ainia nu tura Astarte ainia nusha ajapa iniaisatnuitrume. Nuyá̱ atumí enentái̱ Uunt Yusai̱ iwiararum Niṉki umirkarum surumaktarum. Túrakrumni̱ṉkia atumí nemasri̱ Jiristíu aentsui̱ya̱ uwemtikramprattarme” tímiayi.