Suma. 19:22 - Yus Papí: Shuarja̱i̱ Yus Yamaram Chicham Najanamu

^22-26 Tura kanú pujuiniai̱ yajauch áishmaṉ káutkar úuntan chicharainiak “Riwí shuar amasta ii wakeramu túratai” tusar searmiayi. Tuíniakui uunt chichaak “Antsu tíiniuka túrawairap antsu winia nawantrun tura Riwí shuara nuwe̱ya núnisa nuna amastajrume” tiármiayi. Túrasha nu shuarka peṉké anticharmiayi. Túmainiakui Riwí shuar ni nua̱ri̱ya núnis amia nuna achik a̱a̱ jí̱i̱kmiayi. Túramtai nu áishmaṉka tí natsanmainia nuna túrawarmiayi. Túramu asa tsawa̱a̱kui jakamiayi.

Suma. 19:22 Iomraidhean Croise

1 Akup. 21:10

Nuya̱ṉka jimiará áishmaṉ netse áiniana nu naka apujtustarum túram chicharainiak ‘Yussha tura úunt akupniusha yajauch chicharkame’ tiártatui nuya̱ṉka jí̱i̱krum kayaja̱i̱ tukurum mátarum” tu áarmiayi.

Use. 10:9

Maa Israer shuartirmeka Kawaanam pujumiarmena nuya̱ṉ tunaaka túruki̱ winiarme. Tura yamaisha nui̱ṉ matsatrume. Kame netse aentsun Kawaanam mesetan najatawarmaj nuka átumka nekachmakarum.

1 Kur. 6:9

Tunáa túrinkia Yus akupeamunam pachinkiachmin ainia nu nékatsrumek. Anaṉnawairap. Ashí tsanirma nusha najankamu yusan tikishmátniusha, nuamtak áishmaṉja̱i̱ tsanirmasha,

2 Kur. 6:15

¿Krístuka uunt iwianchji̱a̱i̱ nawamnaikiamniakait? ¿Yus shuar Yus shuarchaja̱i̱ tsaniṉ shiir pujusminkiait?

Jut. 1:7

Núnisaṉ Sutumasha Kumurasha tura tíjiu̱ch péprusha áishmaṉja̱i̱sha nuwa̱ja̱i̱sha ti yajauch nuamtak tsanirmanainiakui ti tunaan peṉké túrachmin ana nunasha túrin ármiayi. Túmainiakui ashí shuar ashamkarat tusa Yus amuicha jinium asutiáwarmiayi.

Suma. 16:25

Kame ti warasar pujuinia ásar “Sansun ji̱i̱ki̱ itiatárum wíshikiakur warasarmi” tiármiayi. Tuíniakui Sansunan sepunmaya̱ ji̱i̱ki̱ itiar najankamu yusa je̱e̱ pauri̱ ukuamunam ajapén awajsarmiayi. Nui̱ wajakui̱ aents wishikiarmiayi.

1 Sam. 1:16

Amesha Yusan enentáimtichu nuwa̱ núnin enentáimtursaip. Antsu tí waitiakun kúntuts enentáimsan yamaiya̱ ju̱i̱sha nuna seajai” tímiayi.

1 Sam. 10:27

Ti yajauch aents armia nu chichainiak “¿Ju̱sha iincha itiurak uwemtikrampratajⁱ?” tiarmia nuna nakitrar súsatniua nunasha nin itiarcharmiayi. Antsu niṉkia tútaisha pachimiaschamiayi.

1 Sam. 2:12

Irí uchirí̱ armia nuka Yúsnan pujurin áiniayataṉ Yusan enentáimtichu ármiayi. Núnisaṉ Uunt Yusa nekatairi̱ncha takakcha ármiayi. Yus áestuatniun tí peṉker armia nú namaṉken níniunak achia̱rmiayi. Arantichu ásar nú natsa yajauchiri̱nkia Uunt Yus íimmianum ti uunt armai.