Suma. 19:11 - Yus Papí: Shuarja̱i̱ Yus Yamaram Chicham Najanamu

^11-21 Nuya̱ṉka Piriṉnumia̱ jíinkiar kí̱akui̱ takarniúri̱nkia Jípiusnum kanartai tusa wakerimiayi túrasha Riwí shuarka Kawaanam Israer shuar matsatu asamtai tímianai jeatniun wakerimiayi. Tura Kawáa péprunam jeawar nui̱ pujusármiayi. Túrasha yaaksha itiaacharmiayi. Tumá pujuiniai̱ uunt weamsa takatrí̱ya̱ winis wáinkiar winia je̱a̱rui̱ kanartarum tusar awayá̱warmiayi. Nawe̱n nijiatrar ayurawar umpururi̱ncha ayurtuawarmiayi.

Suma. 19:11 Iomraidhean Croise

Naṉ. 10:16

Kame Kanaana shuari̱ṉkia Jípius aents, Amur aents, Jírjis aents,

2 Sam. 5:6

Nuiṉkia Jípius aents nu nuṉkanam pujuarmia nuna nupetkatai tusar úunt akupin ni shuari̱ji̱a̱i̱ Jerusaréṉnum wéarmiayi. Kame nu aentssha Tawitian chicharainiak “Ámeka iini̱ṉkia waya̱chminiaitme. Warí shutuapsha tura kusurúsha Tawit ji̱i̱ki̱ akuptámkamniaiti” turamartatui. (Nuní̱ tuiniakui “Tawitkia waya̱chminiaiti” ju̱na taku tawai.)

Jus. 15:63

Túrasha Jutá uchirí̱ṉkia Jípius shuar Jerusaréṉnum matsamármia núnaka ji̱i̱rar akuprártinian tujintkiarmiayi. Tuma asar Jípius aentska Jutá uchirí̱ji̱a̱i̱ yamaiya̱ tímiaja̱i̱sha Jerusaréṉnum pujuiniawai.