Suma. 17:5 - Yus Papí: Shuarja̱i̱ Yus Yamaram Chicham Najanamu

⁵ Núnisaṉ Mikiayáska ni yusri̱ ainia nu enentáimtutai̱ je̱a̱ncha takakuyayi. Tura ni yusri̱ ainia nu pujurin entsatái̱n awaṉkencha núnisaṉ je̱a̱ya̱ yusnasha najanmamtikiamiayi. Nuna tura ní uchirí̱niak najankamu yúsrun takarin atí tusa anaikiamiayi.

Suma. 17:5 Iomraidhean Croise

Naṉ. 31:19

Kame Rapana murikiú ure̱n tsupirtaj tusa wéu ai̱, Rakirka ni aparí̱ je̱e̱n najanamu yus amia nuna kasarak jurukmiayi.

Naṉ. 31:30

Tura ame apáa je̱e̱n tuke waketiatmesha ¿urukamtai winia yúsrusha kasamkam jurutkímiam?” tímiayi.

1 Akup. 12:31

Núnisaṉ nainnium ántar yus enentáimtutai̱ je̱a̱ncha je̱a̱mkarmiayi. Tura ántar yúsnan takarin atí tusa Riwí shuarchan anairarmiayi.

1 Akup. 12:32

Nuya̱ṉka Jirupuám Jutá nuṉkanam namperan najanin armia nuja̱i̱ métektaku atí tusa nantu úchutin tura tsawantcha kínsetin námper atí tusa chichaman najanamiayi. Tura Pitir nuṉkanam waaka uchichin kuriji̱a̱i̱ najanamia nuna áestuattsa wémiayi. Núnisaṉ Pitir nainnium ántar yus áestutai̱ṉ najanamia nui̱sha ántar yúsnan takarin ártí tusa anairamiayi.

Ists. 1:7

Núnisaṉ úunt akupin Napukutunusúr Jerusaréṉnumia̱ Uunt Yusa Je̱e̱ya̱n Yúsnan takarkur takakmatai̱n yaruak ni najanamu yusri̱ je̱e̱n ikiusármia nuna úunt akupin Siru jusa ashí awakearmiayi.

Jiin. 24:5

Tura Muisais Israernumia̱ natsa pujuarmia nuna taṉku takamtsuk áestuarum núnisaṉ Uunt Yusja̱i̱ aṉkant awajnáiyamusha waaka áishmaṉ yamatskam máarum áestuutarum tusa akupkarmiayi.

Jiin. 28:4

Kame pushí najankattarmena nuka ju̱ áiniawai, aya netsepnumaṉ entsatái̱ tura awaṉkém nuyá̱ takamtsuk entsatái̱ kunturtin núnisaṉ peṉké pushí arempramu ántsan etseṉkrutairi̱sha akachumtairi̱ji̱a̱i̱. Yúsnan pujurin árat tusarum Yusna íktusma ásar nú pushí Araunna tura ni uchirí̱niu najatkattarme.

Isa. 44:13

Numiji̱a̱i̱ takáa nuka numi nekapmatai̱ takakui. Tura áatai̱ji̱a̱i̱ tesawai tura numin sepiyuja̱i̱ tamer nájanui. Kumpasja̱i̱ nakumar tura aentsua nuní̱ iira shíirmach najana ni je̱e̱n takakui.

Isk. 21:26

Kame muuknum penuara jiṉkiámátai̱sha jusata tura akupin etseṉkrutai̱sha jusata tawai Uunt Yus Ashí Aentsu Uuntri̱. Nuka yamaikia núnis áchatniuiti. Antsu péejchach ainia nu naṉkamantu awajnakui naṉkamantu ainia nuka péejchach awajsamu ártatui.

Use. 3:4

Israer shuar núkap tsawant akupniúrtichu tura úuntri̱ncha pujusártatui. Núnisaṉ taṉkuncha maa áestutsuk tura ántar yusri̱ncha kayaja̱i̱ nakumkar najantsuk pujusártatui. Nu arant Yúsnan takarkur awaṉketai̱ tura nekatai̱ kayarí̱sha nuyá̱ najanamu yus nekaatai tusar inintrútai̱ najankamusha atsuartatui.

Wek. 3:10

Tura Araunka ni uchirí̱ji̱a̱i̱ Yúsnan pujurin árat tusam anaikiarta. Núnisaṉ chíkich aents nui̱ weankuṉka mantamnatniuiti” tímiayi.

Isr. 5:4

Shuar ni enentái̱ji̱a̱i̱ṉkia Yúsnan pujurniu uuntri̱ ajaschamniaiti. Antsu Yus nu shuaran anaikiatniuiti. Núnisaṉ Araunan anaikiamiayi.

Suma. 17:4

Túrasha nú kuitniaka nukurí̱n awaṉtukmiayi. Túram ni nukurí̱ tusiantu kuítian achik jiru unuiktinian unuimiátran susamiayi. Nuya̱ṉka ántar yusan nakumak kuít jiru unuikmaja̱i̱ najana Mikiayása je̱e̱n ikiusmiayi.

Suma. 18:30

Nuya̱ṉka Tan shuarka ní enentáimtutai̱n nakumkar najanamun awajaiyarmiayi. Tura Muisaisa tiraṉki̱ Jirsuna uchirí̱ Junatán ni uchirí̱ armia nuja̱i̱ achirar yajá yaruakma armia tímianai Tan shuarka yúsnan pujurin pujuarmiayi.

Suma. 8:27

Nuja̱i̱ Jeteun Yúsnan pujurin entsatái̱n awaṉkéman kúriji̱a̱i̱ṉ najana ni pépruri̱n Úpranam ikiusmiayi. Túramtai ashí Israer shuar aya nunak enentáimtuiniak nú nuṉkanam yajauchin ti túrawarmiayi. Jeteun nuna tura asa ashí ni shuari̱ji̱a̱i̱ yajauch awajmámsamiayi.

1 Sam. 19:13

Nuya̱ṉka Mikiarka aentsua ánin nakumkar najanamun achik atamprutai chipiu ure̱ja̱i̱ najanamun atamprumtik peaknum aepas pushiji̱a̱i̱ nukuk iniaisámiayi.

1 Sam. 23:6

Yúsnan pujurin Ajimiríkia uchirí̱ Awiatár Tawitiai̱ wéak awaṉkéman jukimiayi. Tawitkia Kíiranam pujan Saur nekáa meset najatar Tawit aentsri̱ntiuk achiktai tusa ashí aentsun ujakármiayi. Kame Tawitkia Saur kajerak yajauch awajsatniun enentáimtimia nuna nékarmiayi. Nuyá̱ Yúsnan pujurin Awiatáran chicharuk “Awaṉkém itiata” tutai awaṉkéman itiamtai Tawit Yusan chicharuk “¿Saur winiawak tura Kíiranmaya̱ aents Saura uwejé̱n íktursattuak?” tímiayi. Takui̱ Yus aya̱k “Ee nuka túrunatui” tímiayi. Tutai Tawit ní suntari̱ saisiantu armia nuja̱i̱ Kíiranmaya̱ pisarármiayi.