Suma. 17:3 - Yus Papí: Shuarja̱i̱ Yus Yamaram Chicham Najanamu

³ Nuya̱ṉka mir sian kuít awaṉtukim nukurí̱ chichaak “Ti arantúkmajai, páchitsuk winia uchirun enentáimtakum jú̱ kuitniaka Úunt Yusnan akankaitjiai. Núja̱i̱ṉkia kuít jiru unuikiar tura nakumkar najanamu yus najanatniuiti. Tuma asamtai yamaikia awaṉtajme” tímiayi.

Suma. 17:3 Iomraidhean Croise

Jiin. 20:23

Kurí yus tura kuít jiruja̱i̱sha yus najanarum Winí̱ ayaam ekentsairap.

Jiin. 20:4

Ju̱i̱ti winia yusur tusam nayaimpiniam tura nuṉká núnisaṉ entsá init irunainia núnin tura nu arantcha ame enentáimsamek nakumkam najankaip.

Jiin. 34:17

Átumka ántar yus nájanji tusarum jiru imintrarum najanawairap.

Isa. 66:3

Tura taṉkun maana nuka aentsun maana núniniaiti núnisaṉ murikiu maa áeseana nusha ya̱wá̱ kuntuje̱n tsupirea núniniaiti. Tura araka súana nuka kuchí numpé̱ súana núniniaiti. Núnisaṉ kuṉkuinian áeseana nuka najanamu yusan shiir awajea núniniaiti. Ni wakeramuri̱n túruiniak mui̱jmiainian túrawar ni enentái̱ncha shiir enentáimtiksaru ásarmatai

Jrm. 10:8

Chichaktinniasha nékainiatsui tura enentáimtairi̱sha atsuiniawai. Kame numi tsupikiar najanamusha ¿wariniak jintinkiartuamniait?

Riw. 19:4

Nakumkar najanamu yus enentáimtusairap tura jiru unuikrum yus najatmamawairap. Warí, Witjiai Uunt Yus atumí Yusri̱.

Juaṉ 16:2

Israer shuar iruntai̱nmaya̱ ji̱i̱ki̱ akuptámkattarme. Nu arantcha mantamainiaksha ‘Yusan shiir awajsattsan túrajai’ tiártatui.

Muis. 27:15

‘Yaaksha imintrar najanamu yusan nuíchuka ántar yus numiji̱a̱i̱ nakumkar aents najanamua nuna Uunt Yus muí̱jiamun u̱u̱k takakuka yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.

Suma. 17:13

Nuiṉkia Mikiayássha enentáimias “Yamaikia nékajai, Uunt Yus shiir awajtak núkap surustatui. Warí Riwí shuar winia yusur áiniana nuna takarin ajaschaik” tímiayi.

Suma. 17:2

Tura nu áishmaṉ nukurí̱n chicharuk “Mir sian kuítian achirtámkarmatai wisha wajai̱n yajauchiniam yumiṉkiarturmame. Túrasha nekaata, nú kuitniakka wi achikmajai tuma asa winia uwejrui̱ awai” tímiayi. Tutai nukurí̱ chicharuk “Uchiru Uunt Yus péṉkernum yumiṉkramprati” tímiayi.

Suma. 17:4

Túrasha nú kuitniaka nukurí̱n awaṉtukmiayi. Túram ni nukurí̱ tusiantu kuítian achik jiru unuiktinian unuimiátran susamiayi. Nuya̱ṉka ántar yusan nakumak kuít jiru unuikmaja̱i̱ najana Mikiayása je̱e̱n ikiusmiayi.

Suma. 18:30

Nuya̱ṉka Tan shuarka ní enentáimtutai̱n nakumkar najanamun awajaiyarmiayi. Tura Muisaisa tiraṉki̱ Jirsuna uchirí̱ Junatán ni uchirí̱ armia nuja̱i̱ achirar yajá yaruakma armia tímianai Tan shuarka yúsnan pujurin pujuarmiayi.