Suma. 14:6 - Yus Papí: Shuarja̱i̱ Yus Yamaram Chicham Najanamu

⁶ Tumai̱ Sansunan Uunt Yusa Wakaní̱ kakarmari̱ tarurmiayi. Túram warinkisha takakchiat chipiu uchichia nútikias úunt ya̱wa̱n achia̱rmiayi. Túrasha ni túramia núnaka ni aparí̱ncha tura nukurí̱ncha ujakchamiayi.

Suma. 14:6 Iomraidhean Croise

YKan. 91:13

Winia kakarmarja̱i̱ úunt ya̱wa̱sha tura uchirí̱sha nupetkattame nuyá̱ najamin napisha najartatme tajai.

Isa. 42:2

Tura chichaaksha kakantar chichakchattawai. Núnisaṉ páasanmasha ántumtikiashtatui.

Sak. 4:6

Nuya̱ṉka jintintrak chichartak “Ju̱ka Uunt Yus Surupapíran chichaman akuptana nuiti. ‘Suntarja̱i̱nchu núnisaṉ kakarmaja̱i̱nchusha antsu Winia Wakantruja̱i̱ tawai Ashí Akupin Uunt Yus.

Mat. 11:29

Wi kajechu asan tura péejchach enentáimin asamtai Winí̱ winirum unuimiártarum. Kame kijinian Wi súajrumna nu achikrum jukitiarum. Winia chichamur ántakrum umirtakrumniṉkia átum enentáimin ayamprattarme.Jrm. 6:16

Isr. 11:33

Nisha ashí Yusan nekas enentáimtuinia ásar Yusa kakarmari̱n niisháa niisháa iniaktusarmiayi. Nuna túruiniak chíkich chíkich nuṉkanmaya̱ aentsun nupetkarmiayi, nui̱sha péṉker akupkarmiayi tura Yussha ni timia núnisaṉ yaiṉkiarmiayi. Úunt ya̱wa̱ncha kajechu awajsarmiayi.

1 Jṉ. 3:8

Antsu shuar yajauchiniam wekaana nu iwianchnaiti íwianch tuke yajauchin túrin asamtai. Yusa Uchirí̱ ju̱ nuṉkanam táwiti ashí íwianch túramun emesrataj tusa.

Suma. 13:25

Tura Suraja̱i̱ Estaura ajapéri̱n Sansunai̱ni̱ Yusa Wakaní̱ Tan matsatkamunam iniaktutaṉ naṉkamamiayi.

Suma. 14:5

Nuya̱ṉka Sansun ni aparí̱ji̱a̱i̱ tura nukurí̱ji̱a̱i̱ Tímnatnum wéarmiayi. Tura wésar Tímnata uwa ajarí̱n jeawaru ai̱ aya aneachma úunt ya̱wa̱ uchirí̱ júruur ajakí̱ winitmiayi.

Suma. 14:7

Nuya̱ṉka Tímnatnum we nuwa̱n áujsamiayi tura nuwa̱sha Sansunan wakerukmiayi.

Suma. 16:30

chichaak “Wiji̱a̱i̱ métek Jiristíutirmesha jakatarum” ti jú̱u̱ kakantraṉ shitiá uunt je̱a̱n yumpuaruk Jiristíanmaya̱ aentsnaka úuntri̱ntiuk aents nui̱ pujuarmia nunasha ashí amukmiayi. Tura iwiaaku pujus kajeṉkármia nuja̱i̱ naṉkaamas nekaska nu tsawantin kajeṉkármiayi.

Suma. 3:10

Tura Uunt Yusa Wakaní̱ Utuniáran tarimiayi. Túramtai Israer shuaran sumamtikin ajas sumamtikmiayi. Nu túram mesetan najanamiayi. Tura Uunt Yus Kusantrisatáimian Misiuputámia Siria úunt akupniuri̱ yúpichu nupetkatniun Utuniáran tsaṉkatkamiayi.

1 Sam. 10:16

takui̱ Saursha íichri̱n aya̱k “Umpuru wáinkiarman paant ujatmákmaji” tímiayi. Tura akupin ajastinian Samuir ujakmia núnaka peṉké etserkachmiayi.

1 Sam. 10:6

Nuikia Yusa Wakaní̱ ámin eṉkemturmattawai. Túrunam Yúsnan etserniuja̱i̱ métek amesha etserkattame. Nuya̱ṉka chíkich aents ajastatme.

1 Sam. 11:6

Saur nu chichaman antukmia nui̱ Yusa Wakaní̱ kakarmari̱ nin tarurmiayi. Túram ti naṉkaamas kajekmiayi. Israernumia̱ áishmaṉ ashí iruntrarti tusa chichaman akupkámiayi. Akupkámtai Israer shuar Uunt Yusan ashamkar traisiantu mir áishmaṉkan Israernumia̱ jíintrarmiayi tura traintia mir Jutanmaya̱ jíintrarmiayi. Tura Japisa etserniuri̱n áikiar chichainiak “Kashin tí tsue̱r ura ajasmanum aṉkant awajnástatme” tímiayi. Japisa aentsri̱ chichama etserniu chichamen antukar warasarmiayi. Tura ni nemasri̱n Amun aentsun chicharainiak “Kashin atumniaka iiji̱a̱i̱ itiur túratin wakeram núnisrum túrattarme” tímiayi. Tura kashin tsawa̱tsa̱i̱ṉ Saur ashí aentsja̱i̱ menaint irumpramun nakak Amun aentsu matsamkamuri̱n káshik jatek tí tsue̱r ura ámanum maa amukar tsakiṉmakarmiayi.

1 Sam. 14:1

Junatán Saura uchirí̱ tantar júkitniun yáintrin chicharuk “Winitiá Jiristíu suntari̱ matsamtai̱ amaini̱ ana atuni̱ naṉkaamaktiai. Iin uwemtiktramprattsa Uunt Yus wariṉkísh túrawainti. Warí, núkapja̱i̱ṉsha núja̱i̱ṉchuka ishichkiji̱a̱i̱ṉsha aents uwemtikratniuka Úunt Yusja̱i̱ṉkia itiurchatchaiti” tímiayi. Tura ni aparí̱ṉkia saisiantu áishmaṉja̱i̱ pujumia núnaka nékachmiayi. Tura Junatán chichaak “Nu aentska naṉkaikiarar iin waitmakarat tusar ikiukiartai. Warí Uunt Yus nuní̱ ii uwejé̱n íkturmaschakaitiajⁱ. Ju̱ka ni waitmakarjinia nuja̱i̱ nekanattaji” tímiayi. Jiristíu suntari̱ matsamin armia nuna íistinniaka iniaisarmai. Tura Jiristíu chichainiak “Israer shuar nui̱ wá̱a̱nam ú̱mak pujuinia jiiniainiawai” tiar Junatánan tura tantara yáintrin untsúak “Ímiaja̱i̱ wakatarum. Túrawakrumin atumín nékamtikiattaji” tiármiayi. Tutai Junatán tantara yáintrin chicharuk “Winia ukunmarui̱ wakata. Warí Uunt Yus Israer shuara uwejé̱n íkturmasuitji” tímiayi.

1 Sam. 17:46

Túrasha yamaikia Uunt Yus winia uwejruí̱ áminkia íktamsamtai nupetkattajme túran muukmincha tsupirkattajme. Túran Jiristíanmaya̱ suntara aya̱shi̱n yukartin ainia nú nanamtinian tura kampunniunmaya̱ yajasma ainia nuna yamái ayurkamawartatjai. ¡Nuiṉkia ashí nuṉkanmaya̱ aents nekas Israernum Yus pujana nuna nekaawartatui!