Suma. 14:5 - Yus Papí: Shuarja̱i̱ Yus Yamaram Chicham Najanamu

⁵ Nuya̱ṉka Sansun ni aparí̱ji̱a̱i̱ tura nukurí̱ji̱a̱i̱ Tímnatnum wéarmiayi. Tura wésar Tímnata uwa ajarí̱n jeawaru ai̱ aya aneachma úunt ya̱wa̱ uchirí̱ júruur ajakí̱ winitmiayi.

Suma. 14:5 Iomraidhean Croise

2 Sam. 23:20

Kame Juyata uchirí̱ Piniayáska Kapsirnumia̱ shuar ti kakaram túrachminian túrimia nuna uchirí̱yayi. Muápnumia̱ aents jímiar kakaram nákam armia nuna mai̱ mámiayi. Tura micha kákeamu tsawantin kayá wá̱a̱nam akaikí̱ úunt ya̱wa̱n mámiayi.

YKan. 91:13

Winia kakarmarja̱i̱ úunt ya̱wa̱sha tura uchirí̱sha nupetkattame nuyá̱ najamin napisha najartatme tajai.

Jrm. 2:15

Úunt ya̱wa̱ uchirí̱ṉkia Israeran weruiniak júrur ajainiawai. Úunt ya̱wa̱ shiniakui antukar Israer nuṉkaka aya jú̱nik ajasárai. Tura pépruri̱sha ekemátramu ásar shuari̱sha atsá aya jú̱nik juákarai.

Isr. 11:33

Nisha ashí Yusan nekas enentáimtuinia ásar Yusa kakarmari̱n niisháa niisháa iniaktusarmiayi. Nuna túruiniak chíkich chíkich nuṉkanmaya̱ aentsun nupetkarmiayi, nui̱sha péṉker akupkarmiayi tura Yussha ni timia núnisaṉ yaiṉkiarmiayi. Úunt ya̱wa̱ncha kajechu awajsarmiayi.

1 Pit. 5:8

Aneartarum tura íimiastarum. Íwianch atumí nemasri̱ ana nu, úunt ya̱wa̱a nuke yanak emesraintiaj tusa e̱a̱k tentá wekaawai.

Suma. 14:4

Kame aparí̱sha núnisaṉ nukurí̱sha Jiristíanmaya̱ aentsun itiurkesha emeskattsa Uunt Yus túrimia núnaka nékacharmiayi. Nu tsawantinkia Israer shuarnaka Jiristíu aents nupetak pujuriarmiayi.

Suma. 14:6

Tumai̱ Sansunan Uunt Yusa Wakaní̱ kakarmari̱ tarurmiayi. Túram warinkisha takakchiat chipiu uchichia nútikias úunt ya̱wa̱n achia̱rmiayi. Túrasha ni túramia núnaka ni aparí̱ncha tura nukurí̱ncha ujakchamiayi.

1 Sam. 17:35

úkumur pataatukan awatin tsupían ni wene̱ya̱n murikiun atanniujai. Túram winia esattiajtsa apajá̱trakuisha jaṉke̱nam achikian máimiajai.