Suma. 13:6 - Yus Papí: Shuarja̱i̱ Yus Yamaram Chicham Najanamu

^6-8 Kame Manua nua̱ri̱nkia Yusa suntari̱ chichareak “Uchi takustatme tura anearam yurumáta” timiai nuna ni áishri̱n ujakmiayi. Nuya̱ṉka Manua Yusan seak “Yusa suntari̱ tana nu uminkiati tura ataksha Yusa suntari̱ akupkata ii uchirí̱ itiur tsakatmartataj nuna jintintramatai” tu seamiayi.

Suma. 13:6 Iomraidhean Croise

Naṉ. 18:2

Túram Aprajám paṉkái̱ íimiaj tukamá menaintiú áishmaṉ naka wajainian wainkiamiayi. Nuna wainiak wárik wajaki̱ áujsataj tusa werimiayi. Tura tikishmátar tsuntsumá nijia̱i̱ji̱a̱i̱ nuṉká antiṉmiayi.

Naṉ. 32:29

Tura Jakupsha aya̱k “¿Náarmesha yait?” tutai “¿Urukamtai Winia naarsha nekaatniusha wakeram?” tímiayi. Nuya̱ṉka Jakupan péṉker pujutnum yumiṉkramiayi.

1 Akup. 17:18

Túrunamtai nu wajé̱ Iríasan chicharuk “Maa, Yusan esetas enentáimtin áishmaṉka ¿Wisha amincha warí itiurkaitjiam. Ámeka winia tunaar ataksha enentáimtikruram tura uchirsha ajakturataj tusamchak wíniaka tarutniuitiam?” tímiayi.

1 Akup. 17:24

Túramtai nu nuwa̱sha Iríasan chicharuk “Yamaikia nékajme, ámeka Yusan esetas enentáimtin áishmaṉkaitme tura ame étsereamna nusha nekas Uunt Yusa chichame̱nte” tímiayi.

2 Akup. 4:16

Nuyá̱ Iriséu chicharuk “Ju̱ uwí jeattana ju̱i̱ṉkia uchi takustatme” tímiayi. Tutai nuwa̱ aya̱k “Atsá winia uuntru, Yusna nu etserin asam, ámin shiir enentáimturmana nu ántram wishikiakum tiipia” tímiayi.

2 Akup. 4:9

Tura nu nuwa̱ ni áishri̱n chicharuk “Íimsakia, yamaikia nekaajai. Jú̱ aishmaṉ ii je̱e̱n naṉkaamak tuke iirma wéajnia ju̱ka Yusna tunaarincha áishmaṉkaiti.

Jiin. 3:2

Nui̱ numi uchich ukat ukatin wajamunam Muisaisan Uunt Yusa suntari̱ ji keamunam ajapén wantintiukmiayi. Tura nu numisha keeayat amuwachun wáinmiayi.

Jiin. 3:6

Tura Yus Muisaisan chicharuk “Wikia ame apachrumin Yúsri̱ntjiai, Aprajáman Yúsri̱ntjiai, Isakan Yúsri̱ntjiai tura Jakupan Yúsri̱ntjiai.” Nuna takui̱ Muisaissha Yus íistinian ashamak ni yapi̱n ejakmiayi.

Tan. 10:11

Tura chichartak “Ti aneamu Taniará títiatjamna nu émamkesam antukta. Túram yamaikia wajaktia. Warí, wikia ame akuptúkmaitjiai” turutmiai. Túrutkui kurayatnak wajakmiajai.

Tan. 10:5

Nuyá̱ paṉkái̱ íimiaj tukamán áishmaṉ riniu pushí entsaru tura Ujasnumia̱ kuriji̱a̱i̱ najanamu emenmaman wáinmiajai.

Tan. 8:17

Nuiṉkia wi pujamunam tíjiu̱ch tarutmiai. Tura winiakui wainkian ashamkamjai túran tsuntsumamjai. Tura ni chichartak “Aentsu uchiri̱yá nekaata, ímiaja̱i̱k wainkiamna nuka amúamu tsawantai̱ túrunata nuiti” turutmiai.

Ruk. 1:19

Tutai Yusa suntari̱ chicharuk “Wikia Kapriaraitjiai, Yusa suntari̱ntjiai. Ni akattúrmatai chichastájam tusan tura nu shiir chichaman ujaktájam tusan tarijme.

Ruk. 9:29

Jesus auju pujus nusháa iira ajattsarmiayi. Ni pushirí̱sha ti puju jíitsumir ajasmiayi.

Tur. 6:15

Nuya̱sha ashí Israer shuar naamka iruntramunam pujuarmia nu Estepaṉkan iyaj tukamá ni yapi̱n nayaimpinmaya̱ suntara yapi̱ya nuní̱ íiran wáinkiarmiayi.

Muis. 33:1

Jú̱ péṉker yumiṉji̱a̱i̱ Uunt Yusan enentáimtin Muisais játsuk Israer shuaran chicharkarmiayi. “Uunt Yuska Senái nainnium tí wincha ji kean untsuurí̱ni̱ takaku nekapmarchamnia tunaarincha ainia nuja̱i̱ wantinkiamiayi. Tura tunaarincha Niniu ainia nu ni chichame̱n anturkar tikishmátainiawai.

1 Tim. 6:11

Antsu ame Yus shuar asam nuyá̱ pisarta. Yus nekas enentáimtakum péṉker túrata. Waantu enentáimtsuk Yus péṉker umirkata. Aneakum katsuntrata.

Apu. 1:17

Nuna wainkian jakaa áintsanak nawe̱e̱n iniaarmajai. Túrasha ni untsuuri̱ uwejé̱n awantrus turutmiayi “Ashamkaip. Witjiai ashí juármari̱ tura amúamuri̱sha.

Suma. 13:22

Nuyá̱ Manua ni nuwe̱n chicharuk “Yus wainkia asar nekas jakattaji” tímiayi.

Suma. 13:3

Tura Yusa suntari̱ nu nuwa̱n wantintiuk chicharuk “Amesha kaa asam uchi peṉké takuchuitme túrasha yamaikia ajaprukam uchi takustatme.

Suma. 6:11

Uunt Yusa suntari̱ Úpranam Juasa ensena numiri̱ ejetari̱n we pujusmiayi. Kame Juas Apiasér shuarauyayi Tura ni uchirí̱ṉkia Jeteunka Matian aentsun u̱mpruktaj tusa winiu najantainiam tríkiun pákak pujumiayi.

1 Sam. 2:27

Yusna áishmaṉ Irin tarí chicharuk “Ejiptunam pujamni̱ṉ Yúsnan pujurin ai̱ tusan ashí Israernumia̱n ámin anaikiajme. Túran áestuar Yus shiir awajsatniun Israer shuar surusárman ame apa shuari̱n súsarmajai. Tura taṉkusha núnisaṉ ántar surusármasha ¿urukamtai áitkiarum? Wíniaka íktusam nekaska ame uchiram shiir awajsarmame. Túrawaram Wi shuar Israer shuar surusárma péṉkeri̱ ainia nuja̱i̱ ame uchiram unuekarume. Aya shiir awajtuinia nunak Wisha shiir awajsartatjai antsu nakitruinia núnaka Wisha núnisnak pachischartatjai. Kame nuka ju̱ja̱i̱ nekaattame. Ame uchiram jímiar ainia nuka Úpniji̱a̱i̱ Piniaska nú tsawantini̱ṉ mái̱ jakartatui. Antsu nuya̱ṉka Yúsnan pujurniun Winia Wakaniur tura Winia enentái̱r wakera nuja̱i̱ méteken chikichan anaikiattajai.”

1 Sam. 9:6

Tutai nisha aya̱k “Wats nekaata. Ju̱ péprunam Yusan enentáimtin áishmaṉ tí arantúkma pujawai. Kame ni támaka ímiatrusan uminniuiti. Yamaikia ii wétinian jintintrámawaintiajti. Ni pujamunam wetái” tímiayi.