Suma. 12:4 - Yus Papí: Shuarja̱i̱ Yus Yamaram Chicham Najanamu

^4-6 Kame Eprain shuarnumia̱nka mesetan najanattsa káunkaru ásarmatai Jeptikia Karaat aentsun irur Eprain shuarja̱i̱ mánaikiarmiayi túrasha Eprain aentsun nupetkarmiayi. Túrasha Eprain shuarka pisakármiayi. Kame Eprainniumia̱ aents “shépuret” titiá takui̱ antsu “sépuret” tuíniakui Karaat shuarnumia̱ nekaawar kuaraintitús mir aentsun Eprainniumia̱n máwarmiayi.

Suma. 12:4 Iomraidhean Croise

1 Akup. 17:1

Tura Irías Tispi péprunmaya̱ Karaatnum pujuya nu Akaapan chicharuk “¡Uunt Yus íimmianum Nin takarin asan ju̱na tajai, Ju̱ uwí naṉkaamasartatna ju̱i̱ṉkia yumisha yutukchattawai tura sanasha sanamákchattawai. Antsu aya wi takui̱ yutuktatui!” tímiayi.

Neem. 4:4

Neemías chichaak “Maa, ii Úunt Yusri̱yá, anturkartukta. Warí ii nemasri̱ ainia nu peṉké nakitramainiaji. Tuma asamtai ni chichame̱ja̱i̱ṉ itiurchat najanawaru ásarmatai nú itiurchatka níini̱n iniarti núnisaṉ yajá nuṉkanam achirar yaruakma ártí.

YKan. 78:9

Eprain shuarka mesetan iwiarnatrar naṉkiji̱a̱i̱ tíshimkiuja̱i̱ wénayat mániatin jeamtai pisarar waketrarmiayi.

Neka. 12:13

Shuar Yusan enentáimtichua nuka ní waitri̱ji̱a̱i̱ṉ jiṉkianáikiuiti. Antsu péṉker enentáimniua nuka wáitian chichachu asa itiurchatnumia̱ aṉkant wekaawai.

Neka. 15:1

Kakaram chichastin atsakuiṉkia kajektinniasha emeṉkáwai tura kakaram áimkiatin ákuiṉkia kajektinian nu arant awajui.