Suma. 10:18 - Yus Papí: Shuarja̱i̱ Yus Yamaram Chicham Najanamu

¹⁸ Kame Karaat nuṉka uuntri̱ armia nu iruntrar nuamtak chichainiak “¿Ya mesetan Amun aentsja̱i̱ naṉkamatta? nuka Karaat shuara uuntri̱ ajasti” tunaiyarmiayi.

Suma. 10:18 Iomraidhean Croise

Suma. 1:1

Kame Jusuikia jaka asamtai Kanaan aentsja̱i̱ mániatniuncha yamaisha yaki émtukat tusar Uunt Yusan aniasarmiayi. Tuíniakui Jutá shuar émtukartatui tutai Jutá shuarka iiji̱a̱i̱ jimiartukarmi tusar Semiun shuaran ipiaawarmiayi. Nuya̱ṉka Jutá Semiun shuarja̱i̱ tsaniṉkiar Kanaan tura Píris aentsja̱i̱ mánainiak nupetkar tias mir aentsun Pisiknium máwarmiayi. Antsu Jerusaréṉ péprunka ekemátkarmiayi. Kame Atuni Pisikkia yaunchu sataintia akupniun túramia nui̱ Uunt Yus nincha nútiksaṉ asutmia nuna nekamiayi. Túrasha úunt akupin Atuni Pisikkia achikiar Jerusaréṉnum jukimiu nui̱ jakamiayi.

Suma. 10:17

Túramtai Amun aentska ujanairar Karaat nuṉkanam matsamkarmiayi. Núnisaṉ Israer shuarsha Míspanam matsamkarmiayi.

Suma. 11:1

Jeptikia Karaatnumia̱ aents mesetan unuimiátra ti kakarmauyayi. Nisha tsanirmatai nuwa̱ uchirí̱ tura aparí̱ṉkia Karaatauyayi.

Suma. 11:4

Nu túruna ai̱ Amun aents Israer shuarja̱i̱ mesetan najanawarmiayi.

Suma. 12:7

Kame Jeptikia sais uwí Israer shuara uuntri̱ ajas pujus jakamiayi. Nuya̱ṉka Ípsan uuntri̱ ajas siati uwí pujusmiayi. Ni uchirí̱sha traintia tura nawantri̱sha traintia ármiayi túrasha Israer shuarchaja̱i̱ nuatnairarmiayi. Nuyá̱ Ípsan jakamtai uuntri̱ ajas tias uwí Irun pujusmiayi. Nu jakamtai Aptun uuntri̱ ajas uchu uwí pujusmiayi. Niṉkia kuaraintia uchin tura traintia tiraṉkin takakuyayi.

1 Sam. 17:25

Israer suntarka chichainiak “¿Jú̱ aishmaṉ jíinkinia nu wainkiarmek? Niṉkia eem wajas Israer shuaran átsaneawai. Yáakesh jú̱ aentsun nupetak mámtaiṉkia úunt akupin tí nukap kuítrintin awajsattawai. Nu arantcha nuakati tusa ni nawantri̱n susattawai tura ni aparí̱ shuari̱ṉsha Israernum kuit akikmatainmaya̱sha aṉkant ártatui” tiármiayi.