Suma. 1:1 - Yus Papí: Shuarja̱i̱ Yus Yamaram Chicham Najanamu

^1-8 Kame Jusuikia jaka asamtai Kanaan aentsja̱i̱ mániatniuncha yamaisha yaki émtukat tusar Uunt Yusan aniasarmiayi. Tuíniakui Jutá shuar émtukartatui tutai Jutá shuarka iiji̱a̱i̱ jimiartukarmi tusar Semiun shuaran ipiaawarmiayi. Nuya̱ṉka Jutá Semiun shuarja̱i̱ tsaniṉkiar Kanaan tura Píris aentsja̱i̱ mánainiak nupetkar tias mir aentsun Pisiknium máwarmiayi. Antsu Jerusaréṉ péprunka ekemátkarmiayi. Kame Atuni Pisikkia yaunchu sataintia akupniun túramia nui̱ Uunt Yus nincha nútiksaṉ asutmia nuna nekamiayi. Túrasha úunt akupin Atuni Pisikkia achikiar Jerusaréṉnum jukimiu nui̱ jakamiayi.

Suma. 1:1 Iomraidhean Croise

1 Akup. 22:5

Nuyá̱ Jusapát Israer shuara úunt akupniuri̱n ataksha chicharuk “Waitneasam Uunt Yus anintrústa” tímiayi.

Jiin. 18:15

Tura Muisais ni we̱a̱rí̱n chicharuk “Warí ashí aents Yusan inintrústaj tusar winí̱ kaunainiawai.

Suma. 1:27

Túrasha Manasés shuarka Kanaan aents Pitseannum Tanaknum Túrnum Ipriamnum Mikitiu tura nui̱ tíjiu̱ch matsamármia nunasha jí̱i̱rtinian tujintkiarmiayi. Antsu Israer shuar kakaram ajasárka Kanaan aentsnaka nupetkarmiayi túrasha jí̱i̱rtinniaka tujintkiarmiayi. Núnisaṉ Eprain shuarsha Kanaan aents Jesernum matsatainiaṉka jí̱i̱rtinian tujintkiarmiayi. Ántsaṉ Sapurún shuarsha Kitrun tura Najararnum Kanaan aents pujuinianka jí̱i̱rtinian tujintkiarmiayi túrasha kakaram takamtikiarmiayi. Núnisaṉ Aser tura Neptarí shuarsha Kanaan aents ni pujuiniamunam pujuinianak jí̱i̱rtinian tujintkiarmiayi. Tura Amur aentssha Tan shuar ni nuṉke̱n waya̱wara̱i̱ṉ tusa peṉké tsaṉkatkacharmiayi. Tuma ásar Amur aentska Jíris nainnium Ajarúnnum tura Sarpimnum matsamármiayi túrasha nuna ukunam Jusé shuar nupetkar kakaram takamtiksarmiayi.

Suma. 2:21

Wisha núnisnak Jusuí jaak uunt nuṉka mátsatkamu ikiukiarma núnaka jí̱i̱rnaka akuptúkchartatjai.

Suma. 2:8

Nuuna uchirí̱ Jusuikia Uunt Yusa takarniúri̱ siantu tias uwí takaku jakamiayi.

Suma. 2:9

Tura naintiar naintiar Eprain nuṉkanam Kaas nainnium arakaani̱ ní nuṉke̱ni̱ṉ Tímnat Seranam iwiarsarmiayi.

1 Sam. 10:22

Nuya̱ṉka Uunt Yusan ataksha anintruiniak “Nu áishmaṉ ¿túkek ju̱i̱ tátata?” tuíniakui Uunt Yus chicharainiak “Wats iistarum ju̱i̱ṉ warirí̱ itiamu áiniana nui̱ṉ ú̱mak pujawai” tímiayi.