Sak. 9:8 - Yus Papí: Shuarja̱i̱ Yus Yamaram Chicham Najanamu

⁸ Winia je̱a̱rui̱ ayamach pujusan jintia iin awajsamua núnisan aents jíinkiara̱i̱ṉ tura waya̱wara̱i̱ṉ tusan íistatjai. Túramtai Wi wáitkiakratniuka atakka Winia ainia nuna wayá̱ wáitkiachartatui. Warí, yamaikia Wikia niin péṉker wáinniuitjiai.

Sak. 9:8 Iomraidhean Croise

2 Sam. 16:12

Kame wi wáitiamun Uunt Yus íirtuschanpiash. Tura ju̱ tsawant yamái yumiṉnarja̱i̱. Maa Uunt Yus yapajtiura péṉker pujustinian surusáinti” tímiayi.

2 Akup. 19:34

Kame Winia aneṉkrattairja̱i̱ nuyá̱ winia takartin Tawitian shiir enentáimtakun, ju̱ péprun ayamprúkan uwemtikrattajai tawai Uunt Yus titiarum” tusa Isayas Yusa chichame̱n akatmamar Esekíasan akuptúkmiayi.

2 Akup. 23:29

Kame Ejiptunmaya̱ akupin Parauṉ Nikiau Asirianmaya̱ akupniuja̱i̱ mániattsa waruk Yúpratis entsanam ayamach jeamiayi. Nuna wainiak úunt akupin Jusíassha jiintiukmiayi túrasha Mikitiunam wainiak Parauṉ mámiayi.

2 Akup. 24:1

Tura Juasim úunt akupin pujumia nui̱, Papirúnia úunt akupniuri̱ Napukutunusúr kakarmaja̱i̱ nu nuṉkan eṉkemtuamiayi. Tura Juasimnaka menaintiú uwí nin umirin awajsámiayi. Túramaitiat Juasim ataksha enentáimiar íksaṉ akupniun kajerkámiayi.

YKan. 34:7

Kame nin umirkaru ainia núnaka Uunt Yusa suntari̱ ayamprúkar aṉkant awajénawai.

YKan. 72:4

Núnisaṉ péprunam wáitkiasma matsatainia nunasha ayamprúkartatui. Tura atsumainia nuna uchirí̱ncha yaiṉkiartatui nuyá̱ itiurchat awajkartinniasha nupetkartatui.

Jiin. 3:7

Túrunamtai Uunt Yus chicharuk “Wí shuar Ejiptunam pujusár wáitiainiak tí kuntuts pujuinian nekas nekaajai tura takatan iniamin wáitkiainiam seatainia nunasha anturkarjai.

Jiin. 3:9

Tura yamaikia Israer shuaran Ejiptunmaya̱ aents ti yajauch awajénam winia untsurainian anturkarjai. Núnisaṉ wáitkiainiamuncha wáiniajai.

Neka. 3:25

Núnisaṉ aya aneachma ti itiurchat naṉkamakuisha tura Yusan enentáimtichu chichaman jurutrámainiakuisha peṉké ashamkashtatme.

Isa. 26:1

Nu tsawantinkia Jutá nuṉke̱n ju̱ kanta kantamátui. Ii pépruri̱ṉkia wenuimiu takakji tiártatui. Uwempratniunka tanishmarma nútikia Yus ikiusuiti. Waiti uraitiarum uunt nuṉka mátsatkamu péṉker túrin ainia nu waya̱ttawai. Ámeka aṉkantnum tí peṉker wainkiattame. Kame ni enentáimmiaka Ámin tuke enentáimturma asa imiá shiir aṉkant pujuwiti.

Isa. 4:5

Nuiṉkia ashí Seun nainnium tura iruntai̱nmasha Uunt Yus tsawai̱kia yuraṉmin tura káshikia ji kean ikiustatui. Warí ashí nui̱ Ni kakarmari̱ tarach ayapá̱rar nukukma núnis átatui.

Isa. 52:1

Maa Seuná shintiarta, shintiaram kakaram ajasta. Kame Yusna akantúkma pepru Jerusaréṉka ti péṉker pushiram entsarta. Warí, tsupirnakchaka tura yajauch shuar ainia nuka atakka aminí̱ṉkia peṉké waya̱chartatui.

Isa. 52:12

Jíinkiurmesha wárik jíinkishtiniaitrume tura pisatcha pisarchatniuitrume. Warí Uunt Yus atumíya̱ eem wétatui. Tura Israera Yusri̱ṉkia atumí úkuri̱n winittiawai.

Isa. 54:14

Nekas tuke péṉker túramuja̱i̱ umuchkiachmin matsastatme tura emetamunmaya̱ akankámu asam ashamkashtatme. Tura sapijmiaktin ashammainkia amiya̱ṉka yajá pujá asa jeartámchattawai.

Jrm. 31:12

Kame káunkar Seun naintia tsakari̱n Yusa náari̱n shiir awajsártatui. Warí Uunt Yusa péṉkeri̱n yurumkan tura umutairi̱ yamarman nuyá̱ asuitin núnisaṉ murikji̱a̱i̱ waaká uchirí̱ncha tseke káutkartatui. Tuma asa aja entsa tuke ukatmá urukuit nuja̱i̱ métek átatui. Túmainiak atakka peṉké wáitsachartatui.

Isk. 39:29

Tuma asamtai yamaikia Wikia u̱mprukchartatjai. Warí, Winia Wakantruka Israer shuarnumka akupkámu átatui” tawai Uunt Yus Ashí Aentsu Uuntri̱.

Ams. 9:15

Tura ní nuṉke̱ni̱ṉ Wi súsarmiaj nui̱ṉ matsasártatjana nuya̱ntka peṉké achirar yaruakma áchartatui” nuní̱ tíniuiti Uunt Yus. Amus tu áarmiayi.

Sak. 12:4

Uunt Yus tawai “Nu tsawantinkia ni kawairi̱ncha sápij awajtúsartatjai tura nui̱ eketkainia nuka waurka ajasártatui. Nuyá̱ ashí nuṉkanmaya̱ kawái ainia núnaka ji̱n ukusturartatjai. Antsu Jutá shuari̱nkia péṉker wainkiattajai.

Sak. 12:8

Nu tsawantinkia Uunt Yus Jerusaréṉnum matsatainia nuna ayamprúkartatui. Nui̱ kakarmachu ainia nusha Tawitji̱a̱i̱ métek ajasártatui. Tura Tawitia shuari̱ṉkia Yusa ánis, kame Yusa suntari̱ eem wea núnis áiniawai.

Sak. 14:11

Tura nui̱ matsamártatna nuka atakka yajauchiniam yumiṉkramu áchartatui. Antsu Jerusaréṉnumka itit awajsachma aṉkant matsamsartatui.

Sak. 9:7

Kame namaṉ numpaja̱i̱ yuíniak núnaka ni wene̱ya̱ jusattajai. Tura mui̱jmiai̱ yurumkancha nai̱ri̱ya̱ jusattajai. Nisha juákartatna nu núnisaraṉ íi Yusri̱niu ártatui. Túrawaran Jutá aentsua úuntri̱n nútikiawartatjai. Tura Ikrunnumia̱sha Jípius aentsu núnikiartatui.

Tur. 7:34

Nuyá̱ nekaata. Wí shuar Ejiptunam wáitias pujuinia nuna wainkiajai. Tura útainia nunasha antukjai. Tuma asamtai uwemtikrataj tusan tarajai. Wats, ámin akupkátjame. Ejiptunam waketkitia’ Jiin. 3:5,7 Yus Muisaisan tímiayi.”

Apu. 20:9

Tura ashí nuṉkan enetak Yus shuar matsamtai̱ncha tura Yus ti aneamu pépruncha mash éṉkekarmai. Túramtai Yus nayaimpinmaya̱ jinia akuptuk mash áesawarmai.