Sak. 9:6 - Yus Papí: Shuarja̱i̱ Yus Yamaram Chicham Najanamu

⁶ Kame Astutnumka yajaya̱ nuṉkanmaya̱ aents matsamsartatui. Núnisnak Jiristíu aentsu waantu enentáimtumatairi̱ncha emestukartatjai.

Sak. 9:6 Iomraidhean Croise

Isa. 28:1

Eprainniumia̱ shuar nampen ásar waantu enentáimtumamuja̱i̱ tawaspa etseṉkrakua ímiatrus enentáimtumak tura kuku̱j shíirmachitiat kaana núniniaitiat waantu enentáimtumainiana nuka núnisaṉ núkap takakainiak páantin enentáimtumainiana nusha tura winiú nampen ásar nékachu ajasáruka aneararti.

Jrm. 47:1

Kame Parauṉ Káasan émeseatsa̱i̱ṉ Yúsnan etserin Jirimíasai̱ Jiristíanmaya̱ aentsna Uunt Yusa chichame̱ tarimiayi.

Tan. 4:37

Yamaikia wi Napukutunusúr, nayaimpinmaya̱ Úunt Akupniun shiir awajeakun tura naṉkamantu enentáimtakun yúmiṉkiajai. Warí, Ni najankamuri̱sha timiá nekas péṉker ásarmatai Ni túrutairi̱sha nekas naka áiniawai. Tura naṉkamantu enentáimtumainia nunasha Niṉki péejchach awajsámniaiti tájarme. Tu chichakmiayi Napukutunusúr.

Sup. 2:10

Kame niṉki tí peṉker awajmamsar waantu enentáimtumainiak Jiuwá Nayaimpinmaya̱ Suntara Uuntri̱ shuari̱n yajauch chicharkaru asar núnaka túrunawartatui.

Sup. 2:4

Warí Kaasa pépruka ajapamu itiarak awajsamu átatui tura Askarúnka mashiaku itiarak juáktatui. Astutka imiá tsawái̱ jatekar takakmari̱n atantramu ártatui tura Ikrunka nupa̱a̱ uwer ajapamua núnis arant utsaṉkarma ártatui.

Sak. 9:7

Kame namaṉ numpaja̱i̱ yuíniak núnaka ni wene̱ya̱ jusattajai. Tura mui̱jmiai̱ yurumkancha nai̱ri̱ya̱ jusattajai. Nisha juákartatna nu núnisaraṉ íi Yusri̱niu ártatui. Túrawaran Jutá aentsua úuntri̱n nútikiawartatjai. Tura Ikrunnumia̱sha Jípius aentsu núnikiartatui.

1 Pit. 5:5

Tura natsatirmesha atumí uuntri̱ umirkatarum. Kame yaunchu Yus Papinium aarma asamtai ashí Yus shuartiram naṉkamantu enentáimtumatsuk umirnaikiatarum. “Waantu enentáimtuma núnaka Yus nakitiawai. Antsu naṉkamantuchu enentáimtuma nuna Yus waitnentak yaya̱wai.” Neka. 3:34