Sak. 9:12 - Yus Papí: Shuarja̱i̱ Yus Yamaram Chicham Najanamu

¹² Maa, sepunam pujá asarum aṉkant ajastin nákarmena nútiram atumín ayamprutmakminia nui̱ waketkitiarum. Nui̱ṉkia yaunchu matsamiarum núja̱i̱sha naṉkaamas péṉker matsastatjarme tusan yamái ujajrume.

Sak. 9:12 Iomraidhean Croise

Juup 42:10

Nuyá̱ Juup ni amikrí̱n seatmia nui̱ ni wáitiamuri̱ya̱ Uunt Yus ayamtikiar tura yaunchu ni warirí̱n takakuya núja̱i̱sha naṉkaamas ataksha susamiayi.

Isa. 40:2

Núnisrumek Jerusaréṉsha enentáimtikratarum. Asutniátniuri̱sha naṉkaamasuiti tura ni yajauch túramuri̱sha ashí tsaṉkuramuiti. Warí ashí ni tunaari̱n asutniátniuya nuja̱i̱ métek patas Uunt Yuska asutiáiti.

Isa. 49:9

Núnisaṉ sepunam pujuiniasha jíinkitiarum tura kiritniunam pujuiniasha wantintiuktarum títiatme. Nuyá̱ jintiasha tura ashí naintia nui̱ṉkia ni sa̱a̱kri̱ iruniartatui. Ruk. 4:18

Isa. 52:2

Maa, wajakím nuṉká ju̱yu̱ri̱ peamaram Jerusaréṉká pujusta. Túram Seuna nawantri̱ya̱ achirmak yajá juramainiak jiruja̱i̱ kuntujmin jiṉkiatmáwarmia nusha atimiarta.

Isa. 61:7

Tura átumka natsanmai̱ ajamuka iniaisarum tí nukap patakma takustatrume. Núnisaraṉ wishikmai ajamunka iniaisar niniu átinia nuna wáinkiar tí warasartatui. Tuma asamtai ni nuṉke̱nka núna nukap patakman takusartatui tura ni waratáiri̱sha peṉké náṉkatkachu ártatui.

Jrm. 16:19

Maa, winia kakarmar tura utúachmin asa itiurchat ákuisha winia ejamtair Uunt Yusru. Nuṉka náṉkatramunmaya̱ uunt nuṉka mátsatkamu ainia nusha Ámin káutramiartatui tura chichartamainiak “Ti nekas ii úuntri̱ṉkia yaintmakchamnia ántar wait áiniana nuna ikiurtámkiaruitji” turamartatui.

Jrm. 17:13

Uunt Yusru, Israer shuar péṉker átinia nákamuri̱ntme. Tuma asakmin ashí shuar Ámin iniaitiámas kanainia nuka natsa̱a̱rartatui. Warí Úunt Yusai̱ya̱ iwiaaku entsa nuyá̱ kanakiaru ásar ni náari̱ṉkia nuṉká ju̱yu̱ri̱n aarma ártatui.

Jrm. 31:17

Núnisaṉ áminiu ukunam wainkiattamna nu nákasta. Kame ame uchirmesha ní nuṉke̱ni̱ṉ waketrar káunkartatui. Wi Uunt Yus asan nekas tájame” tímiayi.

Jrm. 31:6

Tura tsawant jeamtai Eprain nuṉkanam naint írunmanum jintia íistin awajsarma untsumainiak ‘Seúnnum ii Yusri̱ Uunt Yus weariartai’ tiártatui.”

Jrm. 50:28

Kame Seúnnum Uunt Yus ii Yusri̱ yapajmiakui Papirúnianmaya̱ atamakiar pisainia chichame̱ ántuwawai. Núnaka Yusa Uunt Je̱e̱n ayamprak yapajmiawai.

Jrm. 51:10

Ju̱ka nekasa nuja̱i̱ Uunt Yus seamajnia nuna paant iniakturmasji. Yamaikia Uunt Yus ii Yusri̱ túrana nu Seúnnum etserutai winitiárum tiártatui.

Isk. 37:11

Nuyá̱ Uunt Yus chichartak “Maa, aentsu uchiri̱yá, ju̱ ukunchkia ashí Israer shuara núnis áiniawai. Nisha chichainiak ‘Ii ukunchí̱ṉkia káakarai. Tuma asar iikia peṉké antrar ajasáruitji. Warí, ashí emeskachmakaitiajⁱ’ tuíniawai” turutmiai.

Use. 2:15

Uwa ajarí̱nkia nuya̱ṉ susattajai tura Akur pákaka péṉker átin nákamua núnis niṉkia arittiawai. Núnisaṉ natsa asa tura Ejiptunmaya̱ yama jíinkiuṉ chichamia núnis ai̱rkattawai.”

Juir 3:16

Kame Uunt Yussha Seúnnum pujus úunt ya̱wa̱ núnis júrur ajattawai. Tura ni chichame̱sha Jerusaréṉnumia̱ṉ antuittiawai. Túmakui̱ nayaimpisha nuṉkasha muchitrattawai. Núnisaṉ Uunt Yuska ni shuari̱ Israer shuar ejamkar kakatainti.

Mik. 4:8

Jerusaréṉká, ame Israera kumpintri̱yá tura Seuná ejamtai̱yá, yaunchua núnismek ashí naṉkamantu úunt akupin atak ajastatme.

Isr. 6:18

Yus peṉké waitruachmin asa áyatik ni tamaja̱i̱ nekasaiti. Nuna arant nuikia imia Niṉki pachimias ti ikiakátmaji iin. Nuja̱i̱ iisha uwempratai tusar Niní̱ weamkatikia tsaṉkatramkattajnia nu ti shiir enentáimsar wáinkiatin nákaji.

Isr. 6:19

Nu enentáimsar kakaram ajaji. Yusai̱ya̱ iin umuchtiamkamnia peṉké atsawai. Yusai̱ áchitkia asakrin ti kakaram emettamji.