Sak. 8:9 - Yus Papí: Shuarja̱i̱ Yus Yamaram Chicham Najanamu

⁹ Ashí Akupin Uunt Yus chichaak ‘Átum Ashí Akupin Uunt Yusa Je̱e̱n ataksha je̱a̱mkatai tusar pújakmari̱n aeprutan naṉkamawarmia nuyá̱ juárkimiuk yamaiya̱ tímiaja̱i̱sha Yúsnan etserin étserma ántarmena nútirmeka kakaram ajastarum’ tíniuiti.

Sak. 8:9 Iomraidhean Croise

Ists. 6:14

Tura Israer shuara uuntri̱ armia nusha Yúsnan etserin Ajíu tura Itiu uchirí̱ Sakarías túrunattawai tusa etserkarmia ímiatrusaṉ takainiak núkap kuakarmiayi. Núnisaṉ Israer shuara Yusri̱ timia nuja̱i̱ métek Siru, Taríu, nuyá̱ Artajírjis Pírsianmaya̱ úunt akupin armia nuna chichame̱ja̱i̱ métek je̱a̱mar amukármiayi.

Isa. 35:3

Uwej kakarmachu ikiaká̱rarta. Núnisaṉ chíkich pimpiruka wewe awajsarta.

Isa. 35:4

Tura natsaamak arantin pachimiachu ainia nu chicharkuram “Sapijmiatsuk kakaram ajastarum. Pai, yamaikia atumí Yusri̱ yapajmiátramkataj tusa winiawai. Timia Yusak winiawai tura Niṉki uwemtikramprattarme” titiarum.

Aji. 1:1

Uunt akupin Taríu akupin ajas jimiará uwí wéamunam nantu sáistin nantu juarma tsawantin Yúsnan etserin Ajíui̱ní̱ Jutanmaya̱ shuara uuntri̱ Saratiára uchirí̱ Surupapíran núnisaṉ Yúsnan takarniu uuntri̱ Jusatáka uchirí̱ Jusuin Uunt Yusa chichame̱n akuptúkmiayi. Tura Ajíu chicharainiak

Aji. 1:12

Tura Saratiára uchirí̱ Surupapír nuyá̱ Yúsnan pujurniu uuntri̱ Jusatáka uchirí̱ Jusuí nuyá̱ ashí shuar waketkiar matsamármia nu Yúsnan etserin Ajíu Uunt Yusa chichame̱ étserman antukar Uunt Yusan ti ashamkarmiayi.

Aji. 2:18

‘Túrasha yamaikia nantu nuiwi tura tsawant paintikuátrua ju̱yá̱ Uunt Yusa Je̱e̱n je̱a̱mtinian aeprukmari̱n umikiara ju̱i̱ṉᵏ eem ju̱ tí enentáimpratarum.

Aji. 2:21

“Jutanmaya̱ shuara uuntri̱ Surupapír chicharkum ‘Wi nayaimpincha nuṉkancha umuchrattajai’ tawai titiá.

Sak. 8:13

Wats Jutá shuartiram núnisrumek Israer shuartirmesha nekaatarum. Ashí nuṉkanmaya̱ja̱i̱ iismasha átumka yajauchiniam yumiṉkramu ámarme antsu yamaikia nuya̱ṉka aṉkant awajsattajrume. Túram chíkich ainia nuna péṉker yumiṉkiaru ajastatrume. Tuma asamtai sapijmiatsuk kakaram takastarum’ tawai.

Sak. 8:18

Nuyá̱ Ashí Akupin Uunt Yus winia chichartak

Ipi. 6:10

Wátsek, yatsuru, ii Uuntri̱ Yusja̱i̱ tsaniṉkiu asarum ni ti kakarmari̱ji̱a̱i̱ iwianchji̱a̱i̱ mánaiktin kakaram ajastarum.

2 Tim. 2:1

Amesha, uchiru, Jesukrístuja̱i̱ tsaniṉkiu asam Yus amasma nuja̱i̱ kakaram ajasta.

Jus. 1:6

Kakaram ajasta tura sapijmiakaip. Warí ámetme nu nuṉka ame shuarum nakaram súsartatmena nu. Warí Wi yaunchu atumí we̱a̱trí̱n chicharkun ‘atumín amastatjai’ tíchakaitiaj.

Jus. 1:8

Wi akupkámu umiktin chicham aarma nu áujat peṉké iniaisaip. Túrakum tsawai̱sha káshisha nu tuke enentáimtusta. Kame ashí nui̱ aarma ainia nu nekaam péṉker umikminiam. Nu túrakmeka ashí ame túrittiamna nusha péṉker arutmáttawai.