Sak. 8:7 - Yus Papí: Shuarja̱i̱ Yus Yamaram Chicham Najanamu

⁷ Ashí Akupin Uunt Yus chichaak ‘Ashí nuṉkanmaya̱n etsa̱ tatainmaani̱ya̱n tura etsa̱ akatainmaani̱ matsatainiancha wi shuar ásarmatai uwemtikrartatjai.

Sak. 8:7 Iomraidhean Croise

Neem. 1:9

Antsu Wini̱i̱n waketkirum ataksha akupkámu chicham umíakrum péṉker túrakrumni̱ṉkia awakeartatjarme. Kame nayaim náṉkatrana timianú yajá pujarmini̱ṉ Winia naar shiir awajtai̱ atí tusan anaikiamiaj nú nuṉkanam ataksha iruran matsastatjarme’ tíchamkiam.

YKan. 113:3

Etsa̱ yama jiinia nuyá̱ naṉkamamutak akaana ímianaisha Jiuwá náari̱nkia shiir awajnásti.

YKan. 147:2

Uunt Yus Jerusaréṉkan je̱a̱mui. Israer shuar tsakiṉmakarma ainia nunasha írumui

YKan. 50:1

Najankamu yus ainia nuna Uunt Yusri̱ Yus chichakuiti tura etsa̱ jiini̱ akaana ímianai pujuinia nuyá̱ aentsun irur ujakáruiti.

Isa. 49:12

Nekaata, niṉkia yajaya̱ káunkartatui. Tura araki̱a̱sha nuyá̱ etsa̱ akatainmaani̱ya̱ tura chíkichkia Seweni nuṉkanmaya̱sha káunkartatui” tímiayi.

Isa. 59:19

Etsa̱ akatai̱ya̱ ímiania̱sha Uunt Yusa náari̱n ashamkartatui tura etsa̱ jintiai̱ya̱ ímiania̱sha Ni winchari̱ paant nekaawartatui. Warí Ni winiakka entsa kaya asakakmanum akaak urukniuit tura Uunt Yusa naseri̱ imiá kakarma nu umpuamua tímiatrus winittiawai.

Jrm. 31:8

Wats nekaata, nuṉká arakaani̱ matsatutirmincha ikiankattajrume tura nuṉka náṉkatramunam matsatrum nuya̱ncha irurtatjarme. Nuiṉkia kusurúsha, shutuapsha tura nuwa̱ ajamtincha nuyá̱ takusárusha páchitra ártatui. Kame ti untsurí ju̱i̱ṉkia káunkartatui.

Isk. 36:33

Nuya̱ṉka Uunt Yus Ashí Aentsu Uuntri̱ chichaak “Wi atumí tunaarí̱ya̱ imiatkincha awajsartatjana nu tsawantinkia péprunmaṉka ataksha aents matsamkartatui. Núnisaṉ pepru yaunchu emeskamu ataksha iwiarnakartatui.

Sak. 10:6

Waitnentainiakun Jutanka kakaram awajsaran Jusé shuari̱nkia aṉkant awajsartatjai. Tura náakam ajasárua núnisar Eprainniumia̱ṉka Uunt Yusai̱ warasartatui. Tura ní uchirí̱sha núnaka wáinkiar núnisar warasartatui. Tuíntsuk matsatainia nui̱sha Wíniaka enentáimturiartatui. Áitkiasnak tui̱ matsatainia nuya̱ntka ji̱i̱raran Karaatnum tura Ríwianunam ikiankartatjai. Túrasha ashí aents matsamsatin nuṉka jeashtatui. Núnisaṉ Asiria waantu enentáimtumatairi̱ncha emestukartatjai antsu Ejiptu akuptai̱ naṉkiri̱nkia emeṉkátkattajai.

Mks. 1:11

Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus.

Muis. 30:3

nui̱ṉkia atumí Uunt Yusri̱ ji̱i̱r ashí yajá nuṉkanam akuptámprarmia nuyá̱ waitnentramprar ataksha awaiṉki̱ ikiatmaktatrume.