Sak. 8:21 - Yus Papí: Shuarja̱i̱ Yus Yamaram Chicham Najanamu

²¹ Tura péprunam matsatainia nusha chíkich péprunam wéar chichainiak “Uunt Yus waitnenkarturat tusar seawarmi. Túrar Ashí Akupin Uunt Yus e̱a̱karmi. Wisha wéajai” tiártatui’ turutmiayi.

Sak. 8:21 Iomraidhean Croise

Sak. 7:2

Nu tsawantin Pitirnumia̱ shuar Sareséran núnisaṉ Rijimiríkian tura ni shuari̱ji̱a̱i̱ Uunt Yusa Je̱e̱n Uunt Yus iin yaintmakat seautárum tusa akupkarmiayi.

Use. 6:3

Uunt Yus nekaatin ti wakerukar kakaram e̱a̱kartai. Warí etsa̱ imiá nekas jíinkittiana núnis tura yumi nekas yutuk nuyá̱ ataksha imiá nekas yutuktatna núnis Uunt Yus iin tarutramartatjinia nuja̱i̱ métek nekas nekamniaitji.

YKan. 103:22

Núnisaṉ ashí Ni akupeamunam najankamu íruntrumna nútirmesha “Ameketme Naṉkamantu Yusmeka” titiarum. Maa, winia wakantru Uunt Yusa naari̱ tuke shiir awajsata.

Sak. 8:22

‘Túrawar untsurí aents tura untsurí nuṉka mátsatkamunmaya̱ kakaram ainia nusha Jerusaréṉnum tariar Ashí Akupin Uunt Yusan yaintkiat tusar e̱a̱kartatui.’

Isa. 2:3

Tura untsurí nuṉkanmaya̱ aents káunkar chichainiak “Winitiárum Uunt Yusa náintri̱n, Jakupa Yusri̱ Je̱e̱n wákarmi. Tura ni jinti̱n wekasatniun jintintrámawakrin Niin wekaasarmi” tiártatui. Warí akupkámu chichamka Seúnnumia̱ jiinkittiawai tura Uunt Yusa chichame̱nka Jerusaréṉnumia̱ antuukattawai.

Jrm. 31:6

Tura tsawant jeamtai Eprain nuṉkanam naint írunmanum jintia íistin awajsarma untsumainiak ‘Seúnnum ii Yusri̱ Uunt Yus weariartai’ tiártatui.”

Juaṉ 1:37

Juaṉka unuiniamuri̱ nuna antukar mai̱ Jesusan nemariarmiayi.