Sak. 8:16 - Yus Papí: Shuarja̱i̱ Yus Yamaram Chicham Najanamu

¹⁶ Tura átumka jú̱nis túratniuitrume. Atumí írutramurmiji̱a̱i̱ nekasa nu chichastarum. Tura súmamtikiakrumsha péṉker túramuja̱i̱ ashí aṉkant pujustinia nu túratarum.

Sak. 8:16 Iomraidhean Croise

YKan. 15:2

Enta, ya esetar naka wekaak nekasa nuja̱i̱ métek túrana nu núnisaṉ ni enentái̱ji̱a̱i̱ nekasa nuna chichana nu nui̱ṉkia pujusminiaiti.

YKan. 34:15

Kame Uunt Yuska péṉker túrin ainia nuna wainiainiawai. Tuma asa ni seainia núnaka anturainiawai.

Neka. 12:17

Étserna nu nekasa nuna paant awajniuiti. Antsu nekaschan étserna nu páchim enentáimtikniuiti.

Neka. 12:19

Shuar nekas chichaawa nuka tuke pujuttawai antsu wáitrinkia yamaichik pujawai.

Isa. 9:7

Tura Ni akuptáiri̱ncha nuyá̱ Tawitia pujutái̱ri̱ncha Ni akupeamuri̱ṉkia tí naṉkamantu kakaram ajas núnisaṉ aṉkant pujustincha náṉkatkachu átatui. Núnaka yamaiya̱ ju̱yá̱ tura tuke átinian nekasa nuja̱i̱ métek péṉker túrattawai. Kame Ashí Akupin Uunt Yusa nu tí akasmatak núnaka túrattawai.

Isk. 18:8

Kame kuítian íkiamkusha patakam akirkata tíchaiti tura pátasrik awaṉtamash achichuiti núnisaṉ tunaanumia̱sha arant ajawiti. Ántsan nuamtak aentsun súmamtikiaksha tuke nekasa nuja̱i̱ métek naka túriniaiti.

Riw. 19:11

Kasamkaip tura waitrutcha waitruawaip núnisrumek nuamtaksha mái̱ ánaṉnai ajairap.

Ams. 5:15

Péṉkera nu aneakrum yajauchia nuka muí̱jkiatarum. Núnisaṉ chícham iwiartai̱nmasha nekasa nuja̱i̱ métek sumamtikiatin juárkitiarum. Antsu nuiṉkia Jiuwá Yus, Nayaimpinmaya̱ Suntara Uuntri̱ Jusé shuar juákarua núnaka waitnentrachartimpiash.

Ams. 5:24

Antsu asutniátin tsaṉkatkamuka entsa akaana núnis wetí. Tura nekasa nuja̱i̱ métek túrutaiṉkia ashints ku̱yu̱chua núnis atí.

Mik. 6:8

¡Maa aentstinkia, péṉkera núnaka Niṉki paant awajtúrmasuiti! Kame Amincha Uunt Yussha ¿warí itiurkai tusa wakerutma? Áyatik péṉkera túrin tura tuke waitnenkartin nuyá̱ péejchach ajasam ame Yúsrum tuke umirin ai̱ tusa wakerutmawai.

Sup. 3:13

Israernumia̱ juákarua nuka yajauchin túrichartatui tura wáitniasha chichaschartatui tura ni wene̱nia̱sha anaṉkartuatniuka atsuttui. Warí, péṉker wainkiamu ártatui. Tura yáakesh sapijmiamtikiachma péṉker kanarartatui.”

Sak. 7:9

“Ashí Akupin Uunt Yus jú̱nis tawai. Nekasa nuja̱i̱ métek sumamtikiatarum. Tura atumí yachi̱ji̱a̱i̱ ashí shiir awajnáiyakrum waitnennairatarum.

Sak. 8:19

“Jutá shuartiram nantu kuátrutin tura séṉkutin nuyá̱ siátitincha núnisaṉ tiástincha ijiarmáitrumna nuka ti shiir enentáimkiuram warasrum nampermatai ajatrámsattarme. Tuma asarum nekasa nu tura itit awajsachma pujustin aneatarum.

Sak. 8:3

Uunt Yus jú̱nis tawai ‘Wikia Seúnnaka atak ímiatrusnak awajsájai. Jerusaréṉnumsha matsastatjai. Nuyá̱ Jerusaréṉka Nékaskea Nú Pepru tunattawai. Núnisaṉ Ashí Akupin Uunt Yusna Naint Yusna Akantúkma Naint tunattawai.’

Mat. 5:9

Itiurchat ámanum chícham iwiararum aṉkant awajkartintirmesha tí shiir enentáimsamniaitrume. Warí átumka Yusa uchirí̱nti tunattarme.

Ipi. 4:17

Ii Uuntri̱ Kristu íimmianum ju̱na akatjarme. Chíkich aents Yusan nékachu ásar ántar ni enentáimmiaja̱i̱ṉ wekainia núnisrum wekasairap.

Ipi. 4:25

Nu asamtai chikichik aya̱shi muchitmari̱ asarum wáitrutsuk nekas chicham chicharnaisatarum.Sak. 8:16

1 Tis. 4:6

Nú arant amesha ame yátsum anaṉkam ni nua̱rí̱ yajauch awajtúsaip. Nu túrakrumni̱ṉkia ii tímiajrumna nútiksaṉ Uunt Yus ti kakaram asutiámawartatui.

Apu. 21:8

Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.