Sak. 8:13 - Yus Papí: Shuarja̱i̱ Yus Yamaram Chicham Najanamu

¹³ Wats Jutá shuartiram núnisrumek Israer shuartirmesha nekaatarum. Ashí nuṉkanmaya̱ja̱i̱ iismasha átumka yajauchiniam yumiṉkramu ámarme antsu yamaikia nuya̱ṉka aṉkant awajsattajrume. Túram chíkich ainia nuna péṉker yumiṉkiaru ajastatrume. Tuma asamtai sapijmiatsuk kakaram takastarum’ tawai.

Sak. 8:13 Iomraidhean Croise

Sak. 8:9

Ashí Akupin Uunt Yus chichaak ‘Átum Ashí Akupin Uunt Yusa Je̱e̱n ataksha je̱a̱mkatai tusar pújakmari̱n aeprutan naṉkamawarmia nuyá̱ juárkimiuk yamaiya̱ tímiaja̱i̱sha Yúsnan etserin étserma ántarmena nútirmeka kakaram ajastarum’ tíniuiti.

Sup. 3:20

Átum achirar yaruakma matsatrumin aṉkant awajsattajrumna nuka atumí jí̱ji̱a̱i̱ṉ wainkiattarme. Túrunawakrumni̱ṉkia nu tsawantinkia Wiki ikiankattajrume túran Wiki irurtatjarme nu tsawantinkia. Túran ashí nu nuṉkanam aents matsatainia nu shiir awajtai̱ tura nekaamu árat tusan apujsattajrume” tawai Jiuwá.

YKan. 72:17

Etsa̱ ekemtiatna ju̱i̱ṉkia ni náari̱ṉkia tuke shiir awajsamu átatui. Ashí nuṉkanmaya̱sha niji̱a̱i̱ shiir awajnásartatui. Tura “ti shiir awajsámuitme” tiártatui.

1 Kur. 16:13

Aneara tariarum Yus nekas enentáimtustarum. Áishmaṉchakaitrum kakaram ajastarum.

Isk. 5:15

Wi Uunt Yus asan ju̱na tajai, Wi kajekan asutián ashí emeskamajrumna nuna pachittsar aents atumíin ayamach matsatainia nu átumka katsektai̱ tura áujmattsar wishiktai̱ núnisrik atumsha aneartarum tutai nuyá̱ nu enentáimtusrikia sapijmiatai ajastatrume.

Jrm. 29:18

Tura mesetja̱i̱ suṉkurja̱i̱ tsukaja̱i̱sha asutiáwartatjai. Wi nuní̱ turamtai ashí uunt nuṉka mátsatkamunam akupáinia nu ashamái̱ íirmartatui tura ashamái̱ yumiṉkramu tura wishiktai̱ wi ajapa iniaisámiajrumna ímianiaṉ átumka átatrume.

Aji. 2:19

Maa, atumí yurumkari̱ ikiutai̱nmasha jiṉkiaiṉsha ¿áwak? Uwa arakmasha íkiusha tura trikiu arakmasha nerenatsui. Nuyá̱ uriwiusha kuku̱jruiniatsui. Túmaitkiusha yamaiya̱ ju̱ya̱ṉka ti shiir yumiṉkian amastatjarme’ tawai Uunt Yus” tímiayi.

Tan. 9:11

Tura ashí Israer shuar Ame chichamin antuktinian nakitiáiniak Ame akupkámu umiktin chichamnasha iniaisar kanakiarai. Tuma asar yumiṉnaruitji. Núnisrik tunáa tura asar umíachkurmeka ju̱ní̱ asutniáttarme táman Yusa takarniúri̱ Muisais aarma nuja̱i̱ métek asutiámuitji.

Jrm. 24:9

Tura ashí nuṉkanam akupniu nuṉké̱ áiniamunam Wi akuprartatjana nuiṉkia Israer shuar túrunawarma enentáimsar sapijmiatai tura natsan awajtai̱ núnisaṉ métektaku chichamja̱i̱ chichartai̱ áitkiasrik wishiktai̱ nuyá̱ yumiṉtai awajsartatjai.

Naṉ. 26:4

Warí winia takartin Aprajámka winia chichampruncha akupkámurnasha jintíamurnasha kame ashí Wi tímiajna núnaka umirtiniuyayi. Tuma asamtai nayaimpiniam yaa írunna imianú untsurí ame shuarumnia̱ka awajsattajai. Túran jú̱ nuṉkan takamtsuk súsartatjai. Túran ame shuarumin shiir awajsan nuyá̱ ashí nuṉkanmaya̱ aentsnasha nútiksanak shiir awajsartatjai” tímiayi Uunt Yus.

Jrm. 42:18

Jirimías tuke chichaak “Ashí Akupin Uunt Yus Israera Yusri̱ chichartamuk ‘Ejiptunam pujustai tusarum wéakrumni̱ṉkia Winia suir kajetáirja̱i̱ Jerusaréṉnum matsatainian itiurkarmaj nútiksanak Winia kajetáirun atumín ukatrattajrume. Tura yumiṉkramu asarum kajertai̱ nuyá̱ yajauch chichartai̱ tura natsan awajtai̱ átatrume. Nuyá̱ atakka jú̱ nuṉkaka apajá̱srumsha peṉké íischattarme’ tawai.

YKan. 79:4

Iin ayatka pujuinia nu kajertamainiaji. Tura iin téntatmak matsatna nu yajauch chicharsar nakumsa wishiktai̱ ajasji.

Isk. 37:11

Nuyá̱ Uunt Yus chichartak “Maa, aentsu uchiri̱yá, ju̱ ukunchkia ashí Israer shuara núnis áiniawai. Nisha chichainiak ‘Ii ukunchí̱ṉkia káakarai. Tuma asar iikia peṉké antrar ajasáruitji. Warí, ashí emeskachmakaitiajⁱ’ tuíniawai” turutmiai.

YKan. 44:16

Winia nemasur mantuataj tuinia nu ímiancha iirainiak itiurchat enentáimtikruiniawai. Tura chichainia nuja̱i̱ iniatsá̱tainiawai.

Muis. 28:37

Túram ashí nuṉkanam Uunt Yus tui̱ akuptámkattarum nui̱ pujakrumsha mui̱jtiai̱ ántsaṉ áujmattsarⁱ wishiktai̱ wekaittiarme.

Kar. 3:14

Tuma asamtai Jesukrístu jakamuja̱i̱ ashí Israer shuarchasha Aprajámja̱i̱ métek péṉker shiir warasartatui. Iisha núnisrik nu shuarja̱i̱ Yusa Wakaní̱, Yus akupkataj timia nusha, achiktatji Yus enentáimtusar.

Sak. 9:13

Warí, Jutanka winia tíshimkiurua núnisaṉ awajsájai. Túran Eprainnaka naṉkia núnisaṉ najanajai. Maa, Seuná uchirminkia kakarma puya̱ri̱ya núnin awajsan Kresia uchirí̱ji̱a̱i̱ mámtikiattajai. Uunt Yus jú̱nis tíniuiti.

Sak. 1:19

Tura Yusa suntari̱n anintrakun kachu ainia ju̱sha “¿Wariniak nakumena?” tutai chichartak “Jú̱ kachuka shuar Jutan tura Israeran núnisaṉ Jerusaréṉnumia̱n tsakiṉmakarua nu áiniawai” tímiayi.

Jrm. 44:22

Warí, yajauch tura mui̱jmiai̱ áiniana nu átum túramarmena nuna nú arant katsunkí̱ wétinian Uunt Yuska peṉké tujintkiamai. Tuma asa atumí nuṉke̱ṉka aya jú̱nik juak ashammai ajas tura yajauch yumiṉkramu asa yamái urukuit núnis áentsri̱ncha ajasuíti.

Jrm. 44:12

Tura Jutanmaya̱ juákaru Ejiptunam matsamsatai tusar ní wakerusar ashinkiarma nunasha ashí amukártatjai Ejiptunmaṉ. Kame puya̱ja̱i̱ mantamná tura tsukái kají̱ ajainiak uchichinmaya̱ṉ juárkiṉ uuntcha amú amú ajasártatui. Túrunarum átumka aents pachisar yumiṉtai tura yumiṉkramua ántsarmek iisar ashamtai núnisrumek wishiktai̱ ajastatrume.

Jrm. 33:24

“Ámeka ju̱ shuar chichainiak ‘Uunt Yus jimiará matsatka aentsun Israer Jutaja̱i̱ Wí shuaraiti tusa achikiárat ajapawaruiti’ tiarma nuka ¿antukchamkum? Warí niṉkia Wí shuaran imiancha enentáimtuiniak uunt nuṉka mátsatka ímianu enentáimtuiniatsui.

Jrm. 26:6

antsu nui̱ṉkia Uunt Yusa Je̱e̱nka Sírun itiurkamaj nútikiattajai. Tura ashí nuṉkanam iismasha ju̱ pépruka yajauchiji̱a̱i̱ yumiṉkramu átatui” tawai Uunt Yus’” tímiayi Jirimías.

Jrm. 25:18

Jerusaréṉ tura Jutá pépruncha úunt akupniurtiuk tura úuntri̱ntiuk ashí emeskan amuktaj tusan áararmajai. Nu arant ashammai tura yumiṉkramu yamaiya̱ ju̱i̱sha urukuit núnis atí tusan túraitjiai.

Mik. 5:7

Kame sánaka Yusai̱ya̱ winiatsuk tura yumisha aentsnaka nákatsui núnisaṉ yaaksha akupkachmaitiat yútakka ashí nuṉkan péṉker awajui. Núnisaraṉ Jakup shuar ishichik juákarua nuka ashí nuṉkan péṉker awajsártatui.

Isk. 34:26

Kame Winia naintru yantamén nuṉka írunna nunasha tura nui̱ pujuinia nunasha péṉkernum yumiṉkrartatjai. Nuyá̱ yumisha tsawant nekapmatamua nuja̱i̱ métek yútak Winia péṉker yumiṉkruka yumi yuta ajattawai. Riw. 26:4

Aji. 2:5

‘Núnisnak Ejiptunmaya̱ jíinkiurmin nekas túrattajai tímiajna nuja̱i̱ métek átum matsatrumna nui̱ Winia Wakantruka pujawai. Tuma asamtai sapijmiakairap.’

Sak. 8:15

‘Antsu Jerusaréṉnaka tura Jutancha íksanak péṉker awajsartatjai. Tuma asamtai átumka nu tsawantinkia sapijmiakairap.

Sak. 14:11

Tura nui̱ matsamártatna nuka atakka yajauchiniam yumiṉkramu áchartatui. Antsu Jerusaréṉnumka itit awajsachma aṉkant matsamsartatui.

Muis. 26:19

Wi tímiaj nútiksanak Wiki ashí nuṉkanmaya̱ áentsja̱i̱ṉkia naṉkamantu awajsattajrume. Tura chíkich aents shiir awajtai̱, pachí ajat tura enentáimtu ajat átatrume. Kame atumí Uunt Yusri̱ asamtai átumka aya Winiak enentáimturin átatrume’ tawai Uunt Yus.” Tu ujakármiayi Muisais.

Sup. 3:16

Nu tsawantinkia “Seuná Sapijmiakaip, yawe̱kim kuntukip” Jerusaréṉkan tiártatui.