Sak. 8:12 - Yus Papí: Shuarja̱i̱ Yus Yamaram Chicham Najanamu

¹² ‘Warí arakan arakármatai úwasha péṉker nerekartatui núnisaṉ nuṉkasha tí péṉker neremtikiartatui. Túmakui̱ nayaimpikia nuṉkan sanamtiktiatui. Kame ju̱ aents ishichik juákarua jú̱naka ju̱na mash takusarat tusan tsaṉkatkartatjai.

Sak. 8:12 Iomraidhean Croise

Naṉ. 26:12

Kame nú nuṉkanam pujus Isaksha arakmamiayi. Tura Uunt Yus shiir yaya̱mu asa júuktin jeamtai ni araamu sian patasman juwak tí nukap taramkamiayi.

Naṉ. 27:28

Yus nayaimpinmaya̱ yumincha tura péṉker nuṉkancha amastatui. Túrutmamtai yurumkarmesha tura umutairmesha núkap takustatme.

1 Akup. 17:1

Tura Irías Tispi péprunmaya̱ Karaatnum pujuya nu Akaapan chicharuk “¡Uunt Yus íimmianum Nin takarin asan ju̱na tajai, Ju̱ uwí naṉkaamasartatna ju̱i̱ṉkia yumisha yutukchattawai tura sanasha sanamákchattawai. Antsu aya wi takui̱ yutuktatui!” tímiayi.

YKan. 72:3

Yáiṉkratin asamtai náinniumia̱sha imiatkinchanum shiir pujustincha tura péṉker matsamsatniusha átatui.

YKan. 85:12

Nu arant Jiuwá péṉkernak amastatji tura ii nuṉke̱sha péṉkeran nerektatui.

Neka. 19:12

Uunt akupniu kajetáiri̱ṉkia úunt ya̱wa̱ kajeana ántsaiti tura ni waitnenkartutairi̱ṉkia sana nupa̱n ukatna núnisaiti.

Isa. 61:7

Tura átumka natsanmai̱ ajamuka iniaisarum tí nukap patakma takustatrume. Núnisaraṉ wishikmai ajamunka iniaisar niniu átinia nuna wáinkiar tí warasartatui. Tuma asamtai ni nuṉke̱nka núna nukap patakman takusartatui tura ni waratáiri̱sha peṉké náṉkatkachu ártatui.

Jrm. 31:12

Kame káunkar Seun naintia tsakari̱n Yusa náari̱n shiir awajsártatui. Warí Uunt Yusa péṉkeri̱n yurumkan tura umutairi̱ yamarman nuyá̱ asuitin núnisaṉ murikji̱a̱i̱ waaká uchirí̱ncha tseke káutkartatui. Tuma asa aja entsa tuke ukatmá urukuit nuja̱i̱ métek átatui. Túmainiak atakka peṉké wáitsachartatui.

Isk. 34:28

Túrunamtaiṉkia chíkich nuṉkanmaya̱ aents itiurchat awajtai̱ matsamin áiniayat atakka peṉké túrachma matsamsartatui. Tura yajasma yukartin ainia nusha yúchartatui. Nui̱ṉkia ti shiir aṉkant pujuiniak yaaksha awakkachma matsamsartatui.

Isk. 36:30

Núnisnak numí nere̱ncha tura ajarmincha tí nukap neremtikiartatjai. Chíkich mátsatka ainia nu tsukamakrumin wishikramainiakui natsanmai̱ aja̱i̱rum tusan túrattajai.

Use. 13:3

Tuma ásar Eprain shuarka káshik yuraṉkim nuṉká utsanar nuyá̱ sanamák meṉkana tura nase kakaram iniar tsuátan umpuí yarumna nuyá̱ jinia mukuintiuri̱ jíiniana núnis wárik meṉkakartatui.

Use. 14:5

Kame Israernaka Wi sana sanamtikna nútikiakun kuku̱j kuku̱jrana nútikiattajai. Túran Ríwianu naintia ímianu umuchkiachmin kaṉkaprumtikiattajai.

Juir 2:19

Nui̱ṉkia Uunt Yus ni shuari̱n chicharainiak “Yamaikia Wi tríkiuncha winiuncha asuitincha amastatjarme. Túramtai yuárum nútsurtatrume. Nuyá̱ chíkich nuṉkanmaya̱ aents áujmatsar wishikchatai awajsattajrume. Tura atakka natsanmai̱ awajtai̱ṉkia áchattarme.

Juir 2:22

Kampunniunmaya̱ yajasmatirmesha sapijmiakairap. Atumí yurumke̱ ataksha tsapartámkattarme. Núnisaṉ numisha úwasha íkiusha tí nukap nerekartatui.

Riw. 26:3

Tura chicham umiktin nuyá̱ akupkámu umiktin Wi najankamuja̱i̱ métek wekaakrum péṉker enentáimtusrum umíakrumni̱ṉkia

Sup. 3:13

Israernumia̱ juákarua nuka yajauchin túrichartatui tura wáitniasha chichaschartatui tura ni wene̱nia̱sha anaṉkartuatniuka atsuttui. Warí, péṉker wainkiamu ártatui. Tura yáakesh sapijmiamtikiachma péṉker kanarartatui.”

Aji. 1:10

“Tuma asamtai atumí yajauchiri̱ni̱ṉ yurumkasha tsapartámtsurme núnisaṉ yumisha yuturtamtsurme.

Aji. 2:18

‘Túrasha yamaikia nantu nuiwi tura tsawant paintikuátrua ju̱yá̱ Uunt Yusa Je̱e̱n je̱a̱mtinian aeprukmari̱n umikiara ju̱i̱ṉᵏ eem ju̱ tí enentáimpratarum.

Aji. 2:19

Maa, atumí yurumkari̱ ikiutai̱nmasha jiṉkiaiṉsha ¿áwak? Uwa arakmasha íkiusha tura trikiu arakmasha nerenatsui. Nuyá̱ uriwiusha kuku̱jruiniatsui. Túmaitkiusha yamaiya̱ ju̱ya̱ṉka ti shiir yumiṉkian amastatjarme’ tawai Uunt Yus” tímiayi.

Sak. 8:6

Ashí Akupin Uunt Yus chichaak ‘Wi ukunam túrunattawai tájana nuka átumka juákaru árumna nu nekaspash Yus tímiatrusat tárume. Warí Wíji̱a̱i̱ṉkia nuka peṉké itiurchatchaiti’ tawai Ashí Akupin Uunt Yus.

Mks. 3:11

“Nú arantcha nu tura asakrumin nuṉkaya̱ arakan tura uwa ajanam araamsha nerechu awajsa̱i̱ tusan emesmaun tsaṉkatkashtatjai” tawai Ashí Akupin Uunt Yus.

Mat. 6:33

Tuma asamtai Yusai̱ péṉker ana nusha tura Yus akupeamuri̱sha emka enentáimtustarum. Túrakrumni̱ṉkia atsumamurmin Yus patas suramsattawai.

1 Kur. 3:21

Tuma asamtai “Páprunuitjiai” tárumna nusha “Apurusnaitjiai” tura “Pítrunuitjiai” tárumna nusha ántar enentáimprume, ni aya aents ásarmatai. Tu enentáimprarum warasairap. Antsu nekaatarum. Ashí írunna nu atumín yaintmaktiniaiti.

Muis. 32:2

Wi jintíamuka yumi yáitmataik yuta áintsaiti. Kame chichamprusha yumi ju̱yu̱í̱ ajak arakan sa̱a̱kniasha sanamtikiana núnisaiti.

Muis. 33:13

Jusenka péṉker nuṉkan achiktatna nui̱ ashí péṉker írunna nuja̱i̱ péṉkernum yumiṉkramiayi. Warí niṉkia akupniu uchirí̱a núnis ashí naṉkaamas kakaram asa túrattawai.

San. 3:18

Eseera enentáimsatniusha shiir takaawai ashí shuar péṉker ana nuna túrawarti tusa.