Sak. 7:9 - Yus Papí: Shuarja̱i̱ Yus Yamaram Chicham Najanamu

⁹ “Ashí Akupin Uunt Yus jú̱nis tawai. Nekasa nuja̱i̱ métek sumamtikiatarum. Tura atumí yachi̱ji̱a̱i̱ ashí shiir awajnáiyakrum waitnennairatarum.

Sak. 7:9 Iomraidhean Croise

2 Sam. 9:7

Tura Tawit chicharuk “Ashamprukaip. Junatána uchirí̱ ártí. Ame apa Junatánan ti aneemiaj nuja̱i̱ métek yamaikia wiji̱a̱i̱ pujusam tuke wiji̱a̱i̱ métek yurumtiatme. Tura ame apachrum Saura nuṉke̱n mash awaṉtuktiatjame” tímiayi.

Juup 6:14

Ashí Tujintkiachu Yusai̱ya̱ kanakmiataisha wáitiana núnaka ni amikri̱ yáiṉtiniaiti.

Neka. 21:3

Nákak wekaak tura péṉker enentái takustinia nuna Uunt Yus ti shiir wakerawai waaka maar áestuatniua nuna naṉkaamas.

Jrm. 21:12

Tawit shuartirmesha Uunt Yus ju̱na tiniua nu antuktarum. ‘Nékaskea nuja̱i̱ métek péṉker súmamtikiuram achikiar jukimiu wáitkiasma nusha wárik aṉkant awajsatarum. Nuíchuka atumí yajauchiri̱n Winia kajetair ji keek aesa mash awajniua núnis kéekmataisha yaki ikiajnátramkatarum.’

Jrm. 7:23

Núnaka tútsuk aya ju̱nak tinia akupkármajai ‘Winia chichamur anturtuktarum túrakrumni̱ṉkia Wikia atumí Yusri̱ átatjai tura atumsha Wi shuar átatrume. Núnisrumek péṉker pujustaj takurmeka Wi tájarmena tímiatrusrumek wekasatarum.’

Jrm. 7:5

Warí atumí enentái̱n iwiarnarum tura atumí túrutairi̱sha eseerarum nekas enentáiji̱a̱i̱ iniaisarum nuamtak áentsja̱i̱sha nekasa nuja̱i̱ métek túrakrum

Isk. 18:8

Kame kuítian íkiamkusha patakam akirkata tíchaiti tura pátasrik awaṉtamash achichuiti núnisaṉ tunaanumia̱sha arant ajawiti. Ántsan nuamtak aentsun súmamtikiaksha tuke nekasa nuja̱i̱ métek naka túriniaiti.

Use. 12:7

Súrin kijin nekapmatai̱n métekchan takakainia núnisaraṉ itiurchat awajkartustinian timiá enentáimtuiniawai.

Riw. 19:15

Itiurchat ákuisha wáurkamsam sumamtikiawaip. Kuítrinchasha úuntri̱sha nekasa nuja̱i̱ métek sumamtikiakum yáiṉkiaraip. Antsu ame shuarum nekasa nuja̱i̱ mái̱ metek tímiatrusmek sumamtikiawarta.

Ams. 5:24

Antsu asutniátin tsaṉkatkamuka entsa akaana núnis wetí. Tura nekasa nuja̱i̱ métek túrutaiṉkia ashints ku̱yu̱chua núnis atí.

Mik. 6:8

¡Maa aentstinkia, péṉkera núnaka Niṉki paant awajtúrmasuiti! Kame Amincha Uunt Yussha ¿warí itiurkai tusa wakerutma? Áyatik péṉkera túrin tura tuke waitnenkartin nuyá̱ péejchach ajasam ame Yúsrum tuke umirin ai̱ tusa wakerutmawai.

Sak. 7:7

Kame Jerusaréṉnumsha pepru ayaam irunmia nui̱sha tura Nekep nuṉka nuyá̱ Sejera nuṉkanmasha aṉkant waras pujuarmia nui̱ emka Yúsnan etserniuja̱i̱ Uunt Yus ujakármia ¿nú chichamkechukait?” tímiayi.

Sak. 7:8

Tura Uunt Yus Sakaríasan jú̱nis tímiayi

Mat. 23:23

Maa jintinniutirmesha, Pariséutirmesha aneartarum. Ántrarum shiir chichamtiniaitrume. Kuminiu nuke̱sha, anisa nuke̱sha, menta nuke̱sha tias akantram chikichik akankámu Yus súwitrume. Nuka péṉkeraiti, ikiukchatniuiti. Túrayaitrum nekas péṉker túratniua nu túrutsuk ikiuwitrume. Yus nekas enentáimtustincha, waitnentáimturtincha tura tuke péṉker túratniusha enentáimtsuk ikiuwitrume.

Juaṉ 7:24

Shuar túrana nu iisam wárik sumamtikiawaip. Antsu inintrúsam paant nekaam nekasa nu enentáimtusta” tímiayi Jesus.

Juaṉ 7:51

“Íi shuartikia shuar ni túramun etserkamu ántutsuk sumamtikiachminiaiti” tímiayi.

Muis. 22:1

Atumí yachí̱ waakarí̱ṉsha murikrí̱ṉsha meṉkaka wáitkiarmeka ú̱rtsuk jukirum awaṉtuktiarum.