Sak. 7:6 - Yus Papí: Shuarja̱i̱ Yus Yamaram Chicham Najanamu

⁶ ¿Núnisrumek yurumkurmesha tura úmakrumsha atumek shiir awajmámkuram túrichukiarum?

Sak. 7:6 Iomraidhean Croise

Sak. 7:5

“Ashí ju̱ nuṉkanmaya̱ shuar tura ashí Yúsnan pujurin ainia nusha jú̱nisam ujakárta. Átum sataintia uwí matsamsarum seṉku nantu jeamtai tura siati nantutíncha ijiarmárum kúntuts enentáimsarum útmiarum nusha ¿nekas aya Wíniakek shiir awajtústai tusarmek túriniuyarum?

Sak. 7:7

Kame Jerusaréṉnumsha pepru ayaam irunmia nui̱sha tura Nekep nuṉka nuyá̱ Sejera nuṉkanmasha aṉkant waras pujuarmia nui̱ emka Yúsnan etserniuja̱i̱ Uunt Yus ujakármia ¿nú chichamkechukait?” tímiayi.

1 Kur. 10:31

Ayu, yúakmesha úmakmesha ashí túramna nusha ashí shuar Yusan shiir enentáimtusarat tusam túrata.

Kurs. 3:17

Tura takaakmesha, chichaakmesha kame ashí túramna nuka Jesukrístu shiir awajsataj tusam ni kakarmari̱ji̱a̱i̱ṉ túrata. Túrakum Krístuja̱i̱ Yus Apa yumiṉsata.

1 Sam. 16:7

Túrasha Uunt Yus chichaak “Náyaitkiuisha tura ni urukuit nusha iisaip. Wikia túmanka nakitiajai. Warí Uunt Yuska aents iyá núnaka iyatsui. Aentska aya pátatek ni urukuit nunak wainiui antsu Uunt Yuska enentáin iyawai” tú tímiayi.