Sak. 7:5 - Yus Papí: Shuarja̱i̱ Yus Yamaram Chicham Najanamu

⁵ “Ashí ju̱ nuṉkanmaya̱ shuar tura ashí Yúsnan pujurin ainia nusha jú̱nisam ujakárta. Átum sataintia uwí matsamsarum seṉku nantu jeamtai tura siati nantutíncha ijiarmárum kúntuts enentáimsarum útmiarum nusha ¿nekas aya Wíniakek shiir awajtústai tusarmek túriniuyarum?

Sak. 7:5 Iomraidhean Croise

2 Akup. 25:25

Túrasha siati nantu jeamtai úunt akupin armia nu shuar Ismaer tias suntarja̱i̱ werí Jetaríasnaka máwarmiayi. Núnisaraṉ Jutanmaya̱ ántsaṉ Papirúnianmaya̱ aents niji̱a̱i̱ Míspanam pujuarmia nunasha kajeṉkármiayi. Túrawar Papirúnianmaya̱ aentsun ashamainiak Ejiptunam ashí pisakármiayi.

Jrm. 25:11

Tura ashí ju̱ nuṉkaka peṉké tsuumai̱ mitia awajsamu juáktatui. Tura ju̱yá̱ aentssha sataintia uwí Papirúnianmaya̱ akupniu takarniúri̱ pujuartatui.

Jrm. 29:10

Tura Papirúnianam Wi timiaj núnisaṉ sataintia uwí jeamtaikia atumín waitnentakun waketrukin tura Winia chichamprun umíakun ataksha ju̱i̱ṉ awakeartatjarme tawai Uunt Yus.

Jrm. 52:12

Kame Papirúnianmaya̱ úunt akupin ajas tiasinuíwi uwí pujamunam nántuka sénkutin tsawantka tias naṉkaamasu ai̱ úunt akupniu wainniu uuntri̱ Napusaratán úunt akupin pujamunam takamia nu Jerusaréṉnum waya̱miayi.

Sak. 1:12

Nuyá̱ Yusa suntari̱ chichaak “Ashí Akupin Uunt Yusá sataintia uwí Jerusaréṉsha tura Jutanmaya̱ péprusha kajerkaram pujuráiniamna ausha ¿urutái tsaṉkurarmesha waitnentrartatam?” timiai.

Sak. 7:3

Tura Ashí Akupin Uunt Yusa Je̱e̱n Yúsnan pujurin núnisaṉ Yúsnan etserin ainia nu inintrarum seṉku nantu jeakui ijiarmár útniuyajnia nu yamaisha ¿túratjiash? tusar akupkarmiayi.

Sak. 7:4

Nuya̱ṉka Ashí Akupin Uunt Yus winia chichartak

Sak. 7:6

¿Núnisrumek yurumkurmesha tura úmakrumsha atumek shiir awajmámkuram túrichukiarum?

Sak. 8:19

“Jutá shuartiram nantu kuátrutin tura séṉkutin nuyá̱ siátitincha núnisaṉ tiástincha ijiarmáitrumna nuka ti shiir enentáimkiuram warasrum nampermatai ajatrámsattarme. Tuma asarum nekasa nu tura itit awajsachma pujustin aneatarum.

Mat. 23:5

Aya shuar íirsarti tusar ashí túruiniawai. Ashí shuar péṉker enentáimturarti tusar Yus Papin nijia̱i̱niumsha tura kunturi̱ncha ti waṉkaram awajsar anujak yujainiawai. Tura nu arantcha pushiri̱ shíirmach sasariarman ashí shuarja̱i̱ naṉkaamas nuntuarun awajás wekainiawai.

Mat. 6:16

Ijiarmárum Yus áujkurmesha wake mesekrum susuntrairap. Anaṉkartin shuar chíkich shuar ‘ijiarmáiti’ tu enentáimtursarti tusa tuma áiniawai. Nekasan tájame, Yuska akíatsa̱i̱ṉ aya nuja̱i̱ akikma áiniawai.

Mat. 6:2

Nu asamtai shuar atsuma nu yaya̱kmeka ashí shuar ujakairap. Anaṉkartin ainia nuka iruntai̱nmasha tura pepru jintí̱ wekasasha ashí iimiainiai̱ṉ shiir túrajai tusar nuna túrin áiniawai. Ju̱nasha ‘péṉker túrawai’ tu enentáimturarti tiniu ásar Yus akíatsa̱i̱ṉ aya tu enentáimturmaja̱i̱ṉ akinkiaruiti, nekas tajai.

Mat. 6:5

Atumsha Yus áujeakrumsha ántar chichamtin ainia núnis áujsairap. Nu shuarka iruntai̱nmasha tura pepru jinti̱sha shuar íirsarti tusa wajakiar Yusan áujin áiniawai. Nekasan tájarme, Yus akíatsa̱i̱ṉ aya nú iismaja̱i̱ṉ akinkiaruiti.

1 Kur. 10:31

Ayu, yúakmesha úmakmesha ashí túramna nusha ashí shuar Yusan shiir enentáimtusarat tusam túrata.

2 Kur. 5:15

Kristu ashí shuaran jaruk nantarkimiayi. Tuma asamtai Krístunam iisha iwiaaku pujajnia ju̱i̱ iik wararmamtsuk Kristu umirkatniuitji.

Kurs. 3:23

Ashí túramna nu ásump enentáiji̱a̱i̱ takakmasta. Aya aentsuk yáiṉtinia áintsachu antsu nayaimpinmaya̱ úuntrum yayá̱ áitkiasrum takastarum.