Sak. 7:11 - Yus Papí: Shuarja̱i̱ Yus Yamaram Chicham Najanamu

¹¹ Túrasha antuktinian nakitrarmiayi. Tura kajenak antuktinniasha nakitiáinia ásar kuishincha akiriarmiayi.

Sak. 7:11 Iomraidhean Croise

Jiin. 10:3

Nuya̱ṉka Muisais Araunja̱i̱ Parauṉ pujamunam wéar chicharainiak “Uunt Yus Israer shuara Yusri̱ chichartamuk ‘Winí̱ péejchach ajastin ¿túkek nakitki̱ wétatam? Kame Wi shuar wéar shiir awajtúsarat tsaṉkatkarta.

Isa. 28:12

Kame nin chicharainiak “Ju̱i̱ti ayamtai̱ṉkia. Tuma asamtai pimpikiaru ayamprarat susatarum. Ju̱i̱ṉkia ayamtai̱ núṉkaiti” tuíniamaitiat nisha antukcharmiayi.

Isa. 46:12

Atumí enentái̱ kátsuram asamtai nekasa nuja̱i̱ métek túrichutirmesha antuktarum.

Isa. 6:10

Tura ju̱ aentsu enentáimtairi̱sha ikiatsuátrarta. Tura antukara̱i̱ṉ tusam empemtikiarta. Núnisaṉ íimsara̱i̱ṉ tusam ji̱sha ukusturarta enentáimsar nekarawar Winí̱ táarmatai tsuarara̱i̱j” turutmiayi. Mat. 13:14-15; Jṉ. 12:40; Tur. 28:26-27

Isa. 65:12

puya̱ja̱i̱ mantamnati Wi títiatjarme. Tura átumka sué̱run tsupirtukarti tusarum ashí tikishmartatrume. Warí untsuamsha peṉké ái̱rkachmarme tura chicharmasha peṉké anturtukchamarme. Antsu Wi iismasha áyatik yajauch túrakrum Wi nakitiajna nu túramarme.” Isa. 66:4

Jrm. 11:10

Warí emka aparí̱ armia nu Winia chichamprun umirkatniun nakitrar aents najanamu yus armia nu umirkatai tusar tikishmátrarmiayi. Yamaisha núnisaṉ Israer shuarsha tura Jutá shuarsha ni aparí̱ yajauchiri̱n waketrukiar aents najanamu yus tikishmátrar nisha Wi yaunchu ni apachri̱ji̱a̱i̱ chichaman najanamiaj núnaka peṉké yajauch awajtúrsarmiayi.”

Jrm. 13:10

Yajauch aents Winia chichamprun umiktinian nakitiáiniak ní enentái̱ji̱a̱i̱ṉ chíkich yus áiniana nuna shiir awajainiak tikishmátainia ju̱ aentsnaka akachumtai̱ mamurua núnis peṉké ántar awajsartatjai.

Jrm. 19:15

“Ashí Akupin Uunt Yus Israera Yusri̱ chichaak ‘Nekaatarum, tí wáitsatniuja̱i̱ asutiáttajrume tímiajrumna nuna yamaikia ju̱ péprunam tura ashí niji̱a̱i̱ írutra matsatainia nui̱ akupeajai. Wari, ni enentái̱ ti kátsuram ajasármatai Winia chichamprun antuktinniasha peṉké nakitiáiniawai’ tawai Israera Yusri̱” tímiayi Jirimías.

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 36:31

Ni yajauchiri̱ni̱ṉ ni takarniúri̱ncha ni shuari̱ncha tura nincha asutiáttajai. Nincha tura Jerusaréṉnum matsatainia nunasha núnisaṉ Jutanmaya̱ aentsnasha wáitsatniun akuptúkartatjai. Kame timiaj núnaka anturtukcharu ásarmatai nuka túrunattawai”’” Uunt Yus tímiayi.

Jrm. 42:21

Tura yamái ujakjarme túrasha Uunt Yus atumí Yusri̱ chichame̱sha peṉké anturkachuitrume tura ujakárta tusa akuptúkmiania nusha umirkachuitrume.

Jrm. 44:16

“Uunt Yusa naari̱ pachisam iin chícham ujakratkamna nuka áminkia peṉké antukchartatji.

Jrm. 5:21

Kame jí̱ntiniaitiatrumek wáintsurme tura kuishmisha ai̱ṉ ántatsrume.

Jrm. 5:3

Maa, Uunt Yusá ¿Ámeka nekasa nuna túrawarat tusamchak íimiam? Amek asutiáwarmame túrasha najaimiakcharuiti. Amutcha amukármame túrasha iwiarnartinniaka peṉké nakitiarmai. Ni enentái̱ kayaja̱i̱ naṉkaamas kátsuram ajasár yapi̱sha nusháa iira ajasár tunaarí̱ya̱ ayantár waketkitniun peṉké nakitrarmai.

Jrm. 7:24

Túrasha Winia chichamprunka umirtukcharmai tura antutnaksha anturtukcharmai. Antsu ni yajauch enentái̱ wakeramuja̱i̱ métek ní iwiaramunak túrawarmai. Túmainiak eem wétsuk Yusnaka iniaisar úkumur waketkiarmai.

Jrm. 7:26

Túrasha Winia chichamprunka umirtukcharmai tura anturtuktinniaksha anturtukcharmai antsu antuktinian nakitiáiniak ántichu ajasár ni aparí̱ túrawarmia núja̱i̱ṉkia naṉkaamas tí yajauchin túrawarmai.

Jrm. 8:5

Jerusaréṉká urukamtai jú̱ shuarka tuke umichu asasha aya kajetnaksha pujurniuit. Anaṉkartutain umiriakka antuktinniaka peṉké nakitiawai.

Isk. 3:7

Túrasha Israer shuarka tútaisha peṉké anturtamkachartatui. Warí, Winia anturtuktinniasha nakitiáiniawai. Ashí Israer shuarka ántichu ajasárai tura enentáisha kaya núnin kátsuram áiniawai.

Isk. 5:6

Tura nisha Wi akupkámun umiktinian peṉké nakitra asa chíkich nuṉka áiniana núja̱i̱sha naṉkaamas sumamaiti. Núnisaṉ Wi akupkámu umiktin chichaman umikcharu ásar nui̱ ayamach matsatainiana núja̱i̱sha naṉkaamas umichu áiniawai.’

Tan. 9:5

Antsu iikia tunaasha tura mui̱jmiai̱ áiniana nu túrakur Yusan enentáimtichu ainia nuja̱i̱ métek kajekar ii wakeramu túraitji. Núnisrik ame akupkámu chichamprumsha iniaisaitji.

Sup. 3:2

Warí ní chichame̱ncha anturkachuiti tura awajirmatai chicharkamsha nekaachuiti. Núnisan nekas enentáiji̱a̱i̱ Jiuwancha enentáimtuschaiti tura ni Yusri̱ncha weantúkchaiti.

Sak. 1:4

Atumí we̱a̱trí̱ya̱ núnin áirap. Yaunchu Winia chichamprun etserin armia nu atumí we̱a̱tri̱n etserkar Ashí Akupin Uunt Yus jú̱nis tawai. ‘Atumí yajauch enentáimtairi̱ tura yajauch túrutairmesha iniaisatarum’ tuíniamaitiatan nékachu ajasár peṉké anturtukcharmiayi.

Mat. 13:15

Ju̱ shuara enentái̱ kátsuram ásar péṉkera nuna nakitiáiniawai. Nu asamtai péṉker ántuiniatsui ji̱sha pusá áinis áiniawai. Túrachkuṉka paant nekaawarainti tura nekas antukarainti tura enentái̱ji̱a̱i̱ enentáimias Winia tsuarat tusa tarutiarainti.’ Isa. 6:9-10

Tur. 7:51

Tura átumka Israer shuartirmeka atumí enentái̱ji̱a̱i̱ tuke umichuitrume. Atumí kuishi̱sha weaktsui tura Yus nékachua núniniaitrume. Yusa Wakaní̱ji̱a̱i̱sha tuke nemasnaikiaitrume. Tura atumí yaunchu úuntri̱ji̱a̱i̱ métek túrarme.

Tur. 7:57

Támaitiat nisha kuishi̱n akiriarmiayi tura achiktai tusar charáa tiar ashí wajatkiarmiayi.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.