Sak. 7:10 - Yus Papí: Shuarja̱i̱ Yus Yamaram Chicham Najanamu

¹⁰ Waje̱sha, mitiaikiasha, yajaya̱ táarusha, kuítri̱ncha ainia nusha ántrarum atankuram wáitkiasairap. Tura yaaksha ni yachi̱n yajauch enentáimtuscharti.

Sak. 7:10 Iomraidhean Croise

YKan. 140:2

Nusha ni enentái̱nkia yajauch ásar ashí tsawant aya émesmaktinniak áujmatin áiniawai.

YKan. 21:11

Warí emestamkataj tusa chichaman jurutrámsarai. Tura Ámin emeskataj tusa chichaman jurutrámainiayat tujintramkartatui.

YKan. 36:4

Kame peakri̱n tepesar aya yajauchiniak enentáimtú tepen áiniawai. Yajauchiniak unuimiátka ásar ni yajauch enentáimtairi̱nkia kajinmátkitniun peṉké tujintiainiawai.

YKan. 72:4

Núnisaṉ péprunam wáitkiasma matsatainia nunasha ayamprúkartatui. Tura atsumainia nuna uchirí̱ncha yaiṉkiartatui nuyá̱ itiurchat awajkartinniasha nupetkartatui.

Jiin. 23:9

Yajaya̱ nu itit awajírap. Warí atumsha Ejiptunam pujumiarum nuiṉkia yajaya̱ áentsuyarme. Tuma asarum ni itiur nekapmamainia nuka nékarme.

Neka. 3:29

Ámin shiir enentáimturmas pujuwa nu itiurchat awajsataj tu enentáimtusaip. Warí shiir enentáimturmas pujuchukait.

Neka. 6:18

yajauchia nu enentáimtustin, yajauchia nu wekaatustin,

Jrm. 18:18

Takui̱ chichainiak “Káunkatarum Jirimías chícham najatawarmi. Warí, Yúsnan takarniunka chícham jintíamuka taáttsashtatui tura chicharkatniusha neka ainia nunasha taáttsachartatui. Ántsaṉ Yúsnan etserniuncha chíchamka taáttsachartatui. Pai yamaikia winitiárum jiakarmi túrar ni chichame̱ṉka peṉké anturkachartai” tiármiayi.

Jrm. 21:12

Tawit shuartirmesha Uunt Yus ju̱na tiniua nu antuktarum. ‘Nékaskea nuja̱i̱ métek péṉker súmamtikiuram achikiar jukimiu wáitkiasma nusha wárik aṉkant awajsatarum. Nuíchuka atumí yajauchiri̱n Winia kajetair ji keek aesa mash awajniua núnis kéekmataisha yaki ikiajnátramkatarum.’

Jrm. 5:28

Túmainiak tí peṉker nuekar tsamapkar ajasárai. Ántsaṉ yajauch aents ainia nuna túrutairi̱ji̱a̱i̱ naṉkaamas yajauchin túruiniawai. Úuntnumsha mitiaik áiniana nuna yáiṉtaj tusasha ayampruiniatsui. Núnisaraṉ atsumainiana nuna chichame̱ncha anturainiatsui.

Jrm. 7:6

yajaya̱ aentssha mitiaikiasha waje̱sha wáitkiachkurminkia nútiksarmek ju̱i̱ tunamkachua nuna numpé̱ uputachkurminkia ántsamek atumek yajauch awajmámkuram chíkich yus áiniana nu tikishmátchakrumni̱ṉkia

Isk. 18:12

nuyá̱ najankamu yus ainia nuna enentáimtak mui̱jmiainian túrakka núnisaṉ kuítrincha atsuma nuna kasareak wáitkiakka tura aents tumashmakuisha ‘akirkákmin awaṉtukmijiam’ tusa wariṉkísha jurukíat awaṉtachkuṉka,

Ams. 4:1

Pasannumia̱ waaka nuwa̱ Samaria náintri̱n matsatearmena tura kuítrincha núnisaṉ atsumainia wáitkiarmena núnisrumek atumí aishri̱ chichareakrum itiatárum umararmi tárumna nútiram ju̱ chicham antuktarum.

Sak. 8:17

Núnisaṉ atumíiya̱ṉka chikichkisha aents írutramuri̱n yajauch awajsatniun enentáimtuscharti. Núnisrumek Yusa naari̱ antra pachisrum jú̱naka nekas túrattajai títin wakerukairap. Warí, Wikia núnaka peṉké muí̱jiajai’ tawai Uunt Yus” tímiayi.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

Mat. 23:13

“Maa aneartarum jintinniutirmesha, Pariséutirmesha. Ántrarum shiir chichamtiniaitrume. Yus akupeamunam waya̱tin waiti epenniuitrume. Atumsha waya̱tsuk chikitcha waya̱taj tuinia nusha suritniuitrume.

1 Kur. 6:10

kasasha, ashí kuítian ikiauwincha, nampencha, tsanumniusha, yajauch chichainia nusha, chíkich shuaran anaṉkawar atantin ainia nusha Yus akupeamunma nuí̱ peṉké waya̱shtin áiniawai.

Muis. 27:19

‘Ántsaṉ iraran, mitiaikian tura waje̱ncha níniua nuna atanniuka yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.

San. 5:4

Ame takat iniararam ementushim akirarmamna nu “akirkati” turamainiawai. Anearta. Ashí Akupin Uunt Yus, nu takartámniu chichame̱n antukai.

1 Jṉ. 3:15

Shuar Yus shuaran nakitiakka maṉkartinia núnisaiti. Tura maṉkartinkia tuke amuicha iwiaakmanum pujuiniatsui. Nuka nékaji.