Sak. 6:10 - Yus Papí: Shuarja̱i̱ Yus Yamaram Chicham Najanamu

¹⁰ “Papirúnianam achirar yaruakma Jertai, Tuwías, nuyá̱ Jetayas ataksha waketrar káunkar Yus súamu juuktá. Túram nu tsawantini̱ṉ Supuníasa uchirí̱ Jusíasai̱ jukim ni je̱e̱n wetá.

Sak. 6:10 Iomraidhean Croise

2 Akup. 25:18

Kame suntara úuntri̱nkia Yúsnan pujurniu uuntri̱ Serayásan núnisaṉ chikichnasha Yúsnan pujurniun Supuníasan nuyá̱ waiti wáinniun menaintiun achikiármiayi. Áitkiasaṉ úunt akupniu yáintri̱ncha séṉkun tura aentsun achiniak papin áinian nuyá̱ ni yaintri̱ sasaintia armia nunasha achirármiayi. Tura Napusaratán Papirúnianmaya̱ úunt akupin pujamunam yaruakarmiayi. Kame Amat nuṉkanam Ripra péprunam ejewarmatai úunt akupin nui̱ máwarmiayi. Túrawar Jutá shuarnaka achirar yajá yaruakarmiayi.

Isa. 66:20

Tura Yus súsatniun piniṉ péṉkernum chumpíawar Israer shuar Uunt Yusa Je̱e̱n ikianainia nútiksaraṉ atumí yachi̱ ashí uunt mátsatkamu ainia nui̱ pujuinian Winia akantúkma naintrui̱ Jerusaréṉnum Yus súsatniua núnis ikianainiak kawainiumsha núnisaṉ kárunmasha tura umpurunmasha nútiksaraṉ peaknumsha nuyá̱ kamiyunmasha ikiankartatui tawai Uunt Yus.

Jrm. 28:6

Tura Yúsnan etserin Jirimías chicharuk “Maa nekas Uunt Yus nuní̱ túrati. Ame etserkamna nuna Uunt Yus umik Uunt Yusa Je̱e̱ya̱n Yus takarkur takakmatai ainia nuna Papirúnianmaya̱ṉka irur núnisaṉ ashí achira yaruakma ainia nunasha ju̱i̱ ikiankarti.

Tur. 24:17

Tura uunta, untsurí uwitin chíkich chíkich nuṉkanam wekaasuan amikian winia shuarui̱ támajai. Kuítrinchan kuítian susataj tusan tura Yusa kuítri̱ncha nin susataj tusan támajai.