Sak. 5:3 - Yus Papí: Shuarja̱i̱ Yus Yamaram Chicham Najanamu

³ Tutai chichartak “Ju̱ka yajauch yumiṉ ashí nuṉkanam akupnána nuiti turutmiai. Warí ju̱i̱ni̱ aarma tana nuja̱i̱ métek ashí kasa ainia nuka jí̱i̱kir aju̱i̱miu ártatui. Tura ántsaṉ Yusa náari̱n ántar páchiniak jú̱naka á̱a̱wini̱ aarma tana nuja̱i̱ métek jí̱i̱kir aju̱i̱miu ártatui” tímiayi.

Sak. 5:3 Iomraidhean Croise

Jiin. 20:15

Kasamkaip.

Neka. 29:24

Shuar kasanam páchitkia nuka yúmiṉkiamsha ántayat peṉké etsercha asa imia niṉki yajauch awajmamui.

Neka. 3:33

Yusan enentáimtatsna núnaka ní shuari̱miak Uunt Yus yajauchiji̱a̱i̱ yumiṉkraiti, antsu Nin enentáimtana núnaka shiir pujustinian yumiṉkraiti.

Neka. 30:9

Kame ti takakkuṉka ámin kajinmátkin “¿Uunt Yussha yait?” tíiji̱a̱m núnisnak kuítrincha ajasnaka kasamkun ame náarmin yajauch awají̱j.

Jrm. 26:6

antsu nui̱ṉkia Uunt Yusa Je̱e̱nka Sírun itiurkamaj nútikiattajai. Tura ashí nuṉkanam iismasha ju̱ pépruka yajauchiji̱a̱i̱ yumiṉkramu átatui” tawai Uunt Yus’” tímiayi Jirimías.

Jrm. 5:2

Túraitkiusha nekas umiktatjai tusar ‘Iwiaaku Uunt Yus’ íirsati tuíniakush núnaka peṉké ántar tuíniawai” tímiayi.

Jrm. 7:9

Túmakrum kasamsuárum, maṉkartasuárum, tsanirmasuárum, tsanumsuárum kuṉkuin Paar aestasuárum nuyá̱ átum nuik nekaachma chíkich yus áiniana nu tikishmáttsuárum

Isk. 2:9

Nuya̱ṉka íimiaj tukamán aya úwejnak papí aara penuarman winia iniakturun wainkiamjai.

Tan. 9:11

Tura ashí Israer shuar Ame chichamin antuktinian nakitiáiniak Ame akupkámu umiktin chichamnasha iniaisar kanakiarai. Tuma asar yumiṉnaruitji. Núnisrik tunáa tura asar umíachkurmeka ju̱ní̱ asutniáttarme táman Yusa takarniúri̱ Muisais aarma nuja̱i̱ métek asutiámuitji.

Riw. 19:11

Kasamkaip tura waitrutcha waitruawaip núnisrumek nuamtaksha mái̱ ánaṉnai ajairap.

Riw. 19:12

Uunt Yusa naari̱ imiatkímpra awajkuram Winia naar pachisrum wáitrakrum ‘Wáitrakui̱sha Yus íisarti’ tiirap. Witjiai Uunt Yus.

Ams. 3:10

Péṉkernaka túrichu áiniawai. Awakmakar ata̱rma ainia núnaka ni je̱e̱n irumainiawai” tíniuiti Jiuwá.

Sak. 5:4

Ashí Akupin Uunt Yus chichaak “Ju̱ yumiṉnaka Wi akupkaitjiai. Tuma asa kasá je̱e̱ncha waya̱ttawai. Núnisaṉ Winia náarun ántar pachisar jú̱naka nuna je̱e̱ncha waya̱ttawai. Tura nu je̱a̱nam pujus nincha núnisaṉ je̱a̱ncha numirtiuk tura kayartuk amukártatui” tímiayi.

Sak. 8:17

Núnisaṉ atumíiya̱ṉka chikichkisha aents írutramuri̱n yajauch awajsatniun enentáimtuscharti. Núnisrumek Yusa naari̱ antra pachisrum jú̱naka nekas túrattajai títin wakerukairap. Warí, Wikia núnaka peṉké muí̱jiajai’ tawai Uunt Yus” tímiayi.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

Mks. 4:6

Kame Wi ju̱i̱ nuṉká tana ashí yajauch yumiṉji̱a̱i̱ émeseatsa̱i̱ṉ apanka uchirí̱n enentáimtikrattawai tura uchincha aparí̱n enentáimtikrattawai” tawai Uunt Yus tímiayi Marakías.

Mat. 25:41

Tura Úunt Akupin menaari̱ni̱ wajainian chichainiak ‘Atumsha yajá wetarum. Yajauchiji̱a̱i̱ yumiṉkramuitrume. Yus iwianchi uuntri̱ ni suntari̱ji̱a̱i̱ tuke kajinkiashtin jinium apeatniua nui̱ atumsha wétatrume.

Ipi. 4:28

Kasasha kasamtsuk kakaram takakmasti. Tura ni uwejé̱ja̱i̱ péṉker takaak atsumainia nú shuarnasha susati.

1 Tim. 1:9

Kame akupniúka péṉker shuaran itit awajsatniun akupénatsui. Antsu yajauch shuar ju̱na túrin ainia nuna itit awajsatniun akupénawai, Tunáa shuarnasha, umichuncha, Yúsnasha tura ashí Yúsnancha nakitiáinia nunasha, aparí̱n máinniasha, nukurí̱n máinniasha, kame maṉkartinniasha,

San. 5:12

Ju̱ ashí naṉkaamas enentáimtustiniaiti, yatsuru. Ame “ee” tákumka nekas titiá. Tura “atsá” tákumka nusha nekas titiá. Nekas chicham chichaachkumni̱ṉkia Yus iirmastatui. Nu asamtai nayaimpisha nuṉkasha ashí írunna nusha páchitsuk aya támena nu tuke nekas atí.

San. 5:4

Ame takat iniararam ementushim akirarmamna nu “akirkati” turamainiawai. Anearta. Ashí Akupin Uunt Yus, nu takartámniu chichame̱n antukai.

Apu. 21:8

Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.

Apu. 22:15

Tura antsu Yusan enentáimtachuka, wawekratniuka, tsanirmatan pujurainia nuka, maṉkartinkia, najankamu yusan tikishmátniuka tura ashí shuar wáitian wararainiak tuke túrin ainia nuka a̱a̱ matsatainiak peṉké waya̱chmin áiniawai.