Sak. 4:9 - Yus Papí: Shuarja̱i̱ Yus Yamaram Chicham Najanamu

⁹ “Yusa Uunt Je̱e̱ tépakmari̱nkia Surupapír ní uweje̱ja̱i̱ṉ aeprukmai. Tuma asa amúaksha ní uweje̱ja̱i̱ṉ amuktatui. Tura nu túrunamtai antsu nui̱ṉkia Wíniaka Uunt Yus atumíin akuptúkua nu nekarattarme.

Sak. 4:9 Iomraidhean Croise

Ists. 5:16

Nuya̱ṉka nu Sespasár taa Yusa Je̱e̱ Jerusaréṉnum ana nuna tépakmari̱n aeprurmiayi. Nuyá̱ juárkimiuk yamaiya̱ ju̱i̱sha tuke takainiawai túrasha tuke amuiniatsui.’

Aji. 2:18

‘Túrasha yamaikia nantu nuiwi tura tsawant paintikuátrua ju̱yá̱ Uunt Yusa Je̱e̱n je̱a̱mtinian aeprukmari̱n umikiara ju̱i̱ṉᵏ eem ju̱ tí enentáimpratarum.

Sak. 1:16

Tuma asamtai Uunt Yus chichaak ‘Yamaikia Jerusaréṉkan waitnentran ataksha enentáimturarjai. Tura nui̱ Winia Je̱a̱rka je̱a̱mnaktatui tura Jerusaréṉsha ataksha je̱a̱mnaktatui’ tawai Ashí Akupin Uunt Yus.

Sak. 2:11

“Kame nu túrunamtai uunt nuṉka mátsatkamu untsurí Uunt Yusai̱ pachinkiartatui. Túrunawar Wi shuar ajasártatui. Nuya̱ṉka Wisha atumji̱a̱i̱ matsamsattajai. Nu túrunamtai antsu nuiṉkia Ashí Akupin Uunt Yus atumíin akuptúkua nu nekaattarme” tawai Uunt Yus.

Sak. 2:13

Kame Uunt Yus íimmianumka ashí aents takamátsarti. Warí tí shiir akantúkma pujutái̱ri̱ya̱ nui̱ Niṉkia wajakniuiti” tímiayi.

Sak. 4:8

Nuyá̱ Uunt Yus ataksha chichartak

Sak. 6:15

Núnisaṉ arantia̱ káunkar Yusa Uunt Je̱e̱n je̱a̱martatui. Nuja̱i̱ atumsha winia Ashí Akupin Uunt Yus atumíin akuptúkua nu nekaattarme. Túrasha atumí Yusri̱ Uunt Yus nekas tímiatrusam umirkurminkia núnis túrunattawai” tímiayi Sakarías.

Mat. 16:18

Tura Wisha tájame, ámeka Pítruitme. Nu kayanam je̱a̱ je̱a̱mtinia áintsaṉ Yus shuaran ekenin tsakatmartatjai. Túramtai jákatniusha tura Yusa nemasri̱sha nu je̱a̱mman pukukchattawai.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.