Sak. 4:6 - Yus Papí: Shuarja̱i̱ Yus Yamaram Chicham Najanamu

⁶ Nuya̱ṉka jintintrak chichartak “Ju̱ka Uunt Yus Surupapíran chichaman akuptana nuiti. ‘Suntarja̱i̱nchu núnisaṉ kakarmaja̱i̱nchusha antsu Winia Wakantruja̱i̱ tawai Ashí Akupin Uunt Yus.

Sak. 4:6 Iomraidhean Croise

Naṉ. 41:16

Tutai Jusé chichaak “Kame wikia jeatsjai antsu Yusak núnaka ujatmákminiaiti. Tuma asa ámin waitnentramak ¿warí mesekrait? nuna uuntá, ujatmáktatui.” Tú ái̱kmiayi.

1 Akup. 19:12

Nu naṉkaamasmatai ji kéekmiayi túrasha Uunt Yuska jiniumsha atsumiayi. Tura nu naṉkaamasmatai nase tápir ajak shiir antú ajamai ajamiayi.

Ists. 2:2

Kame ni uuntri̱ Surupapír tura Jesúa, Neemías, Serayás, Reerayás, Martukíu, Wírsan, Míspar, Wikwai, Reum nuyá̱ Páanaja̱i̱ iruntrar waketkiarmiayi.

Ists. 3:10

Nuya̱ṉka Uunt Yusa Je̱e̱ tépakmari̱n mash amukármatai Israer shuara úunt akupniuri̱ Tawit jintiamia tímiatrusaṉ uminiak Yúsnan pujurin armia nuka Yúsnan takarkur entsatái̱ pushin entsarar kachun takaru tura Riwí shuar Asapa uchirí̱sha tuntuitiai̱n takaru Uunt Yusan shiir awajsatai tusar wajararmiayi.

Ists. 5:2

Nuya̱ṉka Saratiára uchirí̱ Surupapír tura Jusatáka uchirí̱ Jesúaja̱i̱ ataksha chichamprukar Uunt Yusa Je̱e̱ Jerusaréṉnum je̱a̱mainiayat iniaisámun ataksha naṉkamawarmiayi. Tura Yúsnan etserin armia nusha niji̱a̱i̱ métek pujuiniak ikiakáiniarmiayi.

YKan. 33:16

Úunt akupniuka untsurí suntarja̱i̱sha uwemchaiti núnisaṉ kakarma nuka ti kakarmaitiat niṉki pisarchamniaiti.

Isa. 59:19

Etsa̱ akatai̱ya̱ ímiania̱sha Uunt Yusa náari̱n ashamkartatui tura etsa̱ jintiai̱ya̱ ímiania̱sha Ni winchari̱ paant nekaawartatui. Warí Ni winiakka entsa kaya asakakmanum akaak urukniuit tura Uunt Yusa naseri̱ imiá kakarma nu umpuamua tímiatrus winittiawai.

Tan. 2:34

Nu ii wajamin yaaksha urakchamaitiat kaya uranáak nakumka najanamu nawé̱ jiruja̱i̱ nuwe̱ iniarkar pachimprar najanamua nui̱ tukú tsai̱ tsai̱ awajsamai.

Use. 1:7

Antsu Jutanmaya̱ shuarnaka waitnentraran tíshimkiuja̱i̱nchu ántsaṉ puya̱ja̱i̱nchu tura kawaiji̱a̱i̱nchu nu arantcha mesetchaja̱i̱ antsu Ni Uunt Yusri̱ kakarmari̱ji̱a̱i̱ uwemtikrartatjai” tímiayi.

Aji. 1:1

Uunt akupin Taríu akupin ajas jimiará uwí wéamunam nantu sáistin nantu juarma tsawantin Yúsnan etserin Ajíui̱ní̱ Jutanmaya̱ shuara uuntri̱ Saratiára uchirí̱ Surupapíran núnisaṉ Yúsnan takarniu uuntri̱ Jusatáka uchirí̱ Jusuin Uunt Yusa chichame̱n akuptúkmiayi. Tura Ajíu chicharainiak

Aji. 2:21

“Jutanmaya̱ shuara uuntri̱ Surupapír chicharkum ‘Wi nayaimpincha nuṉkancha umuchrattajai’ tawai titiá.

Sak. 6:12

Tura Ashí Akupin Uunt Yusri̱ chichartamuk ‘Ju̱ áishmaṉka náari̱ṉkia Kanawe asa numia áintsaṉ jé̱e̱rtatui. Tura ni kaṉkapé̱ya̱ je̱e̱r Yusa Uunt Je̱e̱n je̱a̱mtiatui túramui’ titiá.

Ipi. 6:17

Muukem ejaktinchaIsa. 59:17 Kristu uwemtikrampramu muukmi̱i̱n etseṉkruktarum. Tura Yus Chicham puyá̱aIsa. 49:2 ántsaṉ achiktarum. Nuka nekas Yusa Wakaní̱ puya̱ri̱nti.

1 Pit. 1:12

Tura ni pujuiniai̱ṉkia túrunashtinian antsu ti ukunam ii pujajnia ju̱i̱ túrunatniun Yus nekaamtikiamiayi. Núnaka Yusa shiir chichame̱n ujatmákarmia nú shuar nekaprutmarme. Nú shuar Yusa Wakaní̱ nayaimpinmaya̱ akupkámu ana nuna nekatairi̱ji̱a̱i̱ ujatmákurme. Maa, nu uwempratniun tájana nuna nayaimpinmaya̱ suntar nekaatai tusar wakeruiniawai túrasha tujintiainiawai.

1 Sam. 17:47

Tura ju̱i̱ irunar pujuinia ju̱sha Yuska puya̱ja̱i̱ṉkia tura naṉkiji̱a̱i̱ṉkia yáiṉkratcha nuna nekaawartatui. Jú̱ mesetka Úunt Yusnaiti. Yamái ii awakmáktinian Ni yaintmaktatji” tímiayi.