Sak. 4:4 - Yus Papí: Shuarja̱i̱ Yus Yamaram Chicham Najanamu

⁴ Tura tuke áujmatki̱ wéakun Yusa suntari̱ wiji̱a̱i̱ chichama nuna chicharkun “Winia uuntru ¿Ju̱sha warí ainia?” tusan anintrúsmajai.

Sak. 4:4 Iomraidhean Croise

Ists. 5:2

Nuya̱ṉka Saratiára uchirí̱ Surupapír tura Jusatáka uchirí̱ Jesúaja̱i̱ ataksha chichamprukar Uunt Yusa Je̱e̱ Jerusaréṉnum je̱a̱mainiayat iniaisámun ataksha naṉkamawarmiayi. Tura Yúsnan etserin armia nusha niji̱a̱i̱ métek pujuiniak ikiakáiniarmiayi.

Tan. 12:8

Ni timianka wisha antukmajai túrasha peṉké nekaachmajai. Tura anintrakun “Winia Uuntru, amukatniusha ¿itiura átata?” tímiajai.

Sak. 1:19

Tura Yusa suntari̱n anintrakun kachu ainia ju̱sha “¿Wariniak nakumena?” tutai chichartak “Jú̱ kachuka shuar Jutan tura Israeran núnisaṉ Jerusaréṉnumia̱n tsakiṉmakarua nu áiniawai” tímiayi.

Sak. 1:9

Nuya̱ṉka “Winia uuntru, ju̱sha ¿warí ainia?” tutai Yusa suntari̱ chichartak “Ju̱ warí ainia núnaka wi iniaktustatjame” turutmiai.

Sak. 4:5

Tutai Yusa suntari̱ wiji̱a̱i̱ áujmatu chichartak “Ju̱ warí ainia nuka ¿nékatsmek?” túrutkui “Atsá winia uuntru nékatsjai” timiajai.

Sak. 5:6

Túrutkui chicharkun “¿Ju̱sha warimpiait?” tímiajai tutai nisha chichartak “Ju̱ka nekapmatai̱ chaṉkiniaiti. Kame ashí nuṉkanmaya̱ aentsu yajauchiri̱ nekapmatai̱nti” turutmiayi.

Sak. 6:4

Nuya̱ṉka Yusa suntari̱ wiji̱a̱i̱ chichama nuna chicharkun “Winia uuntru ausha ¿warí ainia?” tímiajai.

Mat. 13:36

Nuyá̱ shuaran ikiukí̱ Jesus je̱á̱ támiayi. Túramtai ni unuiniamuri̱ tariar “Yajauch nupa̱ áujmatmena nu paant awajsata” tiármiayi.