Sak. 4:10 - Yus Papí: Shuarja̱i̱ Yus Yamaram Chicham Najanamu

¹⁰ ¿Yaaksha imiancha núnis enentáimtus warinkisha nakitrait? Túrasha Surupapír takatan naṉkamnamtai wáinkiar nu aentsuk ti shiir enentáimsartatui. Tura ju̱ siati ainia ju̱ka Uunt Yus ashí nuṉkanam wekaana nu ji̱ áiniawai” turutmiai.

Sak. 4:10 Iomraidhean Croise

Juup 8:7

Yama juárkum ame ímianchachitkiumnisha atakka nuna naṉkaamas náakam awajsamu átatme.

YKan. 33:14

Ashí nuṉka matsatainia núnaka Ni pujutái̱ri̱ya̱ iyawai.

Neka. 15:3

Yus íimmiaka ashí nuṉkanam awai. Yajauchincha tura péṉkernasha iyawai.

Neka. 4:18

Antsu Yusan umirkaru wekaamuri̱ṉkia etsa̱ etsantki̱ takuuṉki̱ tutupnirka ashí tsáapin ajana núnisaiti.

Isa. 66:11

Nuku tsaṉkutai̱ muntsun amuntsá ejemamtikna núnisrum muntsúarum shiir tsaṉkurmintrum” tawai Uunt Yus.

Isa. 66:14

Kame atumsha nu túramu wainkiarum atumí enentái̱ warastatui tura atumí ukunchi̱sha chírichriya núnis je̱e̱rartatui. Nuiṉkia Uunt Yus ni takarniúri̱ ainia núnaka ni kakarmari̱n nekamtikiawartatui antsu ni nemasri̱nkia kajerkartatui.

Jrm. 16:17

Warí Winia jí̱ruka ashí ni wekaamuri̱nkia wainiainiawai tura Wini̱i̱ya̱ṉka peṉké úmkachminiaiti tura Winia ji̱rui̱ya̱ṉka ni yajauchiri̱sha u̱mainiatsui.

Isk. 1:14

Tura aentsua nuní̱ iira arma nusha peemja̱i̱ métek ti warik wear ataksha mai̱ waket ajarmai.

Use. 6:3

Uunt Yus nekaatin ti wakerukar kakaram e̱a̱kartai. Warí etsa̱ imiá nekas jíinkittiana núnis tura yumi nekas yutuk nuyá̱ ataksha imiá nekas yutuktatna núnis Uunt Yus iin tarutramartatjinia nuja̱i̱ métek nekas nekamniaitji.

Ams. 7:2

Nuṉkaya̱n ashí arakan yuá amukármatai wi chichaakun “Uunt Jiuwáa waitneasam tsaṉkurarta. Warí, Jakupa shuari̱n ¿timiá ishichkincha yaki ikiakárat?” tímiajai.

Ams. 7:5

Túrunamtai chichaakun “Uunt Jiuwáa, waitneasam wajasakta. Warí, Jakupa shuari̱n ¿timiá ishichkinkisha yaki ikiakárat?” tímiajai.

Aji. 2:3

‘Emka Je̱a̱ páantniuri̱ urukuya nuna atumíiya̱ ¿ya wáinkiait? Tura yamaisha ¿urukua íyarum? Yamái ana nuka átum iismasha imiancha ¿ániuchukait?

Sak. 3:9

Wats, kaya chikichkin siati yantamtinian Jusuin eem apujsajai. Tura nu kayanam chichaman jiruja̱i̱ áartatjai tawai Ashí Akupin Uunt Yus. Túran chikichkí tsawantini̱ṉ nu nuṉkanmaya̱ aentsu yajauchiri̱ṉkia ashí asakátrartatjai.

Sak. 9:1

Kame Atraka nuṉkan tura Tamasku péprun kajerkar Uunt Yus chichakma ju̱i̱ti. Núnisaṉ Amatcha Tírusha nuyá̱ Setuncha ti neka áiniayataṉ nuja̱i̱ métek emesnakartatui. Tíruka wénuimi pujus kuitji̱a̱i̱ tura kuriji̱a̱i̱ ti kuítriniaiti. Túrasha Uunt Yus Tírunka takamtsuk ekemáktatui. Kame Askarúncha Káasasha tura Ikruncha ju̱na ashí iisar ashamkartatui. Túrunamtai Káasanmaṉka úunt akupniuka atsuttawai tura Askarún pépruka mashiaru juáktatui.

Ruk. 15:32

Tura ame yátsum jákaiti tu enentáimsamiaj nu iwiaakuiti. Meṉkaka nu yamaikia wainkiaji. Tuma asamtai námper najanar waraschatniukaitiajⁱ timiai’” tímiayi.

Apu. 5:6

Nuyá̱ uunt pujutái̱ya̱ nui̱ tura kuatru taṉkunam ajapén tura úuntnum ajapén Murik wajan wainkiamjai. Maamua áintsaṉketiat iwiaakuyi. Kachurí̱sha siátiyi. Ni ji̱sha siátiyi. Nusha Yusa Wakaní̱ siati ashí nuṉkanam akuprámua nuuyi.

Apu. 8:2

Nuyá̱ siati Yusa suntari̱ Yusai̱ naka wajainia wainkiamjai. Nusha siati kachu susamu armai.