Sak. 3:10 - Yus Papí: Shuarja̱i̱ Yus Yamaram Chicham Najanamu

¹⁰ Tura Ashí Akupin Uunt Yus jú̱nis tawai. Nu tsawantinkia aṉkant aṉkant atumí amikri̱ uwa tura ikiu numi ejetari̱n ipiattarme” tímiayi.

Sak. 3:10 Iomraidhean Croise

1 Akup. 4:25

Tura Saramúṉ iwiaaku pujumia nui̱ṉkia Israer nuṉkasha núnisaṉ Jutá nuṉkanmasha áintsaṉ Tan nuṉkanmaya̱ juarki̱ Pirshiwia nuṉka tímianaiya̱ aentssha aṉkant pujuarmiayi. Tuma asamtai uwa ajancha tura ikiu numi arakma ajancha aṉkant aṉkant takaku ármiayi.

1 Akup. 5:5

Wats, nekaata. Yamaikia winia Yúsrun Uunt Yusa náari̱ji̱a̱i̱ je̱a̱n je̱a̱rtiaj tajai. Warí Uunt Yus chichaak ‘Ame uchirmin akupin awajsan ame pujutái̱rmin ekentsattaj nu Winia je̱a̱rnaka je̱a̱rtitiawai’ winia aparun Tawitian timia nútiksanak túrattajai.

Isa. 36:16

Esekías peṉké anturkairap. Warí Asirianmaya̱ úunt akupin jú̱nis túramui Antsu wiji̱a̱i̱ nawamnaikiatarum tura wini̱n tarum aṉkant aṉkant atumí araamuri̱ṉ úwasha tura íkiusha yuámniuram. Ántsarmek aṉkant aṉkant atumí yumirmatri̱ya̱ṉ entsasha umarmintrum.

Jrm. 32:15

Warí Ashí Akupin Uunt Yus Israera Yusri̱ jú̱nis tíniuiti “Je̱a̱ncha nuṉkancha tura ajancha ju̱ nuṉkanmaya̱nak tuke sumaki̱ wéartatui”’ tímiayi.

Use. 2:18

Tura nu tsawantinkia Israer shuaran waitnentraran ashí kampunniunmaya̱ yajasma ainia nuja̱i̱ tura yakiya̱ nanamtin ainia núja̱i̱sha nuyá̱ napiji̱a̱i̱sha nawamnairar pujusárat tusan chichaman najanattajai. Tura tíshimkiuncha puya̱ncha núnisaṉ mesetnasha atsutí tusan amuktatjai. Túran imiatkinchanum aṉkant apujsartatjai.

Mik. 4:4

Ashí Akupin Uunt Yus chichaku asamtai tura nin awaktámkartincha atsá ásarmatai aṉkant aṉkant ni úwari̱ni̱ṉ tura ikiu ejetari̱n weamkar aṉkant pujusártatui.

Sak. 2:11

“Kame nu túrunamtai uunt nuṉka mátsatkamu untsurí Uunt Yusai̱ pachinkiartatui. Túrunawar Wi shuar ajasártatui. Nuya̱ṉka Wisha atumji̱a̱i̱ matsamsattajai. Nu túrunamtai antsu nuiṉkia Ashí Akupin Uunt Yus atumíin akuptúkua nu nekaattarme” tawai Uunt Yus.