Sak. 2:7 - Yus Papí: Shuarja̱i̱ Yus Yamaram Chicham Najanamu

⁷ “Maa Seúnnumia̱tirmeka Papirúnianam pujakrumsha Papirúnianmaya̱ṉka jíintrarum pisartarum.

Sak. 2:7 Iomraidhean Croise

Naṉ. 19:17

Tura pepru ikiukí̱ jíinkiarmatai Yusa suntari̱ chicharainiak “Jáka̱i̱j tákurmeka pisartarum. Kame uwemprataj tusa wakerakrumka apajá̱sa íimtsuk paka ju̱i̱ṉkia wajasa ayamtsuk tsékeṉkrum naint wakatarum” tiármiayi.

Isa. 47:1

Papirúnia nawantri̱ áishmaṉja̱i̱ tsaniṉcha akaikim nuṉká ju̱yu̱ri̱n pujusta. Kartíunmaya̱ aentsu nawantri̱yá akupkur pujutái̱ram atsá asamtai nuṉká pujusta. Warí, kuirchia áiniuch wáitnenmaich atakka peṉké tunashtatme.

Isa. 52:11

¡Kanaktiarum! ¡Kanaktiarum! Nuya̱ṉka jíinkitiarum. Tura mui̱jmiai̱ya̱ nusha antiṉkiairap. Tura ni matsatainia nuya̱sha jíinkitiarum. Tura Uunt Yusna takarkur takakmatai juármena nútirmeka imiatkincha ajastarum.

Isa. 52:2

Maa, wajakím nuṉká ju̱yu̱ri̱ peamaram Jerusaréṉká pujusta. Túram Seuna nawantri̱ya̱ achirmak yajá juramainiak jiruja̱i̱ kuntujmin jiṉkiatmáwarmia nusha atimiarta.

Jrm. 50:8

Nu asamtai Papirúnianmaya̱ Kartíu aentsu nuṉke̱ya̱ṉka jiinkirum pisartarum. Tura murik untsurí ashiniainiamunam áishmaṉkri̱nkia eem wena áinkiatarum.

Jrm. 51:45

Tura Uunt Yus asan ti kajerkaran asutiáwartatjana nui̱ jáka̱i̱rum Wi shuartirmeka nuya̱ṉka jiinkirum uwempratarum.

Jrm. 51:6

Tuma asamtai yamaikia Papirúnianmaya̱ṉka pisartarum. Tura atumsha Uunt Yus ni tunaari̱n asutiáwartatna nui̱ jáka̱i̱rum ni túrawarmania nuja̱i̱ métek yapajmiátkattana nú tsawant jeayi.

Wek. 16:26

Nuya̱ṉka aents nui̱ iruntrarun chicharainiak “Yusan enentáimtichu shuara jutai̱ je̱e̱ya̱ṉka waitneasrum arant ajastarum. Tura ni tunaarí̱n iisha makumarara̱i̱jⁱ tusarum ni warirí̱ áiniana nusha antiṉkiairap” tímiayi.

Wek. 16:34

Kame nú aents utsanainiak charaatum meṉkararmatai Israera shuari̱ nui̱ ayamach wajarmia nuka “iincha nuṉka ku̱jatmarara̱i̱jⁱ” tusar ashí pisakármiayi.

Tur. 2:40

Nú chichamja̱i̱ tura nuya̱sha Pítiur tuke jintintiuk chichaak “Yajauch shuara asutiátniuri̱ átatna nuyá̱ uwempratarum” tímiayi.

Apu. 18:4

Nuyá̱ nayaimpinmaya̱ ti kakantar chichaman antukmajai. “Wí shuaraitrumna nuka nú peprunmaya̱ jíinkitiarum. Túrachkurmeka ni tunaarí̱ jumamkirum ni wáitsatniuri̱ncha pachinkiattarme.